أجواء الباك للثالثة ثانوي

عنوان الموضوع : أجواء الباك للثالثة ثانوي
مقدم من طرف منتديات العندليب

https://3andlib.xplainer.net/images/smilies/dj_17.gifوصل الباك يا لبنات * وما بقى غير الذكريات *كل واحد فينا راهو يضرب في لحسابات *يا ترى ينجح ولا يبقى كي العادات *بين جدران الثانوية يتز فيه الريح صباح او عشية*ولا يروح للجامعة او يضرب فيها حطة أو لبسة رسمية *في ديك 15 يوم ماتلقى ذبان يحوم*كل واحد في دارو *يناقش في حوالوا* منهم جماعة الخير اللي يخموا على ارواحهم باش مايطيحوش في البير *يجبدوا ملخصات يراجعوهم في 5 ساعات *ويبقاو مرتاحات* متمنيين وكتاه تجي ساعة الامتحانات* ومنهم جماعة الشر-* تلقاهم تشواو كي الدجاج لحمر* في كاش المكتبات * يخرجوا في قصاصات* مكتوبين بلسان لبروات تحير واش من عين تقراهم ياسادات* فيهم يخبيهم في الجكيتات * او لحقت حتى تحت الصباطات* في رمشة عين تخطفو قاع لورق كي لحمام والطير*زلزلت لرض ولا ثار البركان المهم تلمو لورق واللي يصير يصير*

فوصل يوم الامتحان والغاشي كي الذبان*بالرغم من الحواجز والجدران تعدى عليها شعبنا بكل سهولة وأمان* الشباب والشابات *او لحقت حتى لعجايز والشياب*راهم ملهوفين بالعياط أو الهدرة او هما مكفوفين*أو في العقلية حابسين*او في العنف واحد مايغلبهم ياسامعين*ياترى واش يجيبهم عند ديك الشمس الحارقة *يعني باش يديو الباك غير المافيا أو السرارقة* أو في ليلة موبيليس تلقى الناس تفتش في لبورتابل كي لابوليس *او منا شوي توسويس تحطلهم الماء يلصقوا كي لاغريس-او من ثمة تبدا الخلعة أو العين راهي هيات للدمعة* او لاطونسيو نتاع القلب طلع لسبعة* والناس طالعين هابطين *لا تبين منهم ملاح ولاصامتين* *قاع ولاو مصفارين* من الخلعة والدمار ذايبين*

افتح عينك مليح الطفل سمع رسب *او بدا بلعياط او لكفر*ماقدر يصبر*حطم الرقم القياسي *ويقول شوفو قرايتي ياناسي *وصار يغني أو يلحن كي الشاب العراسي *يمشي في الزنق ويقولكي لمهبول لعلاني مسحور *دارولي لبخور باش نخلط السطور*او لقرايتي ماننجحش *او لربي مانومنش *او للدنيا مانعرفش*
او في هذيك الشوكة تلقى الطفلة *دارتلنا شكشوكة *بالبكى او النديب كلات وجهها كي الذيب*
او كي ندور رؤاسي نسمع في كل دقيقة 20 بارودة او 20 تزغريدة * بعد سنة كامل تمرميدة *او ريحة الطمينة طير القديدة
وفي الأخير اتمنى ان تعجبكم هاته المقطوعة اللتي كتبتها بينفسي لألأن البكالوريا أثرت في كثيرا وارجو ان تدعولي بالنجاح وأريد ردودا


>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

اين الردود

=========

>>>> الرد الثاني :

*******************لا تفكرنا***************

=========

>>>> الرد الثالث :

https://3andlib.xplainer.net/images/smilies/dj_17.gifمن روائع المقاطع وهذا هو الباك مثل الذين يواجهون الحرب فمنهم من يفشل ويغمى عليه ومنهم من يحضر الاسلحة ولايخاف منه فالبكلوريا ليست نهاية العالم000000000000000000000000000

=========

>>>> الرد الرابع :

ما تخافوا ما والو فوت الباك وشفتو دا الشيعة برك ماكان والو كي شغل راك تفوت في فرض عن الشيخ

ونهارات الباك هايلين بزااااااااف يبقاوا في الذكرى...

=========

>>>> الرد الخامس :

wallah ya3tiiiiik saha kelma w goltha w inchallah nkounou men hadouk les derniers "او كي ندور رؤاسي نسمع في كل دقيقة 20 بارودة او 20 تزغريدة * بعد سنة كامل تمرميدة *او ريحة الطمينة طير القديدة

=========

ماهيش ايمات الباك لتخوف ايمات النتائج هي لتخوف بزاف

ارجو ان تنال اعجابكم كثيرا بعثتها لخاطر الباك مابقالوش اعطيولي رايك فيها
والله صدقوني خفت منو بزاف
وخايفة مانركزش لخاطر شكشاكة بزاف

انت حساد لي ربحو بالغش ربي يسهلو و لي ربح بالدراسة راهو باين

موضوعك هايل ومليح تاكد ان اعجبني بالكثير يطير العقل ولماربحش الباك ماش نهاية العالم ههههههههههههههههههههههههه**