أحتاج رأيكم !!! لتحضير البكالوريا
عنوان الموضوع : أحتاج رأيكم !!! لتحضير البكالوريا
مقدم من طرف منتديات العندليب
السلام عليكم يا ربي تكونوا بخير !هذه أول مشاركة لي فرجاء مساعدتي أنا تحصلت على باكالوريا علوم تجريبية 2016 بمعدل44، 14 و للأسف لم أتمكن من دخول كلية الطب و الآن أنا أعيد الباك مترشحة حرة للأسف ضعفت عزيمتي كثييييرا أحتاج لرأيكم و نصائحكم حول طريقة المراجعة ؟؟؟؟ هل مررتم بهذا الشعور بالكسل من قبل أفيدونيييييييييي و شكرا !!https://3andlib.xplainer.net/images/smilies/sdf.gif
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
من فضلكم أحتاج إلى ردود سريعة و شكرا مسبقا
=========
>>>> الرد الثاني :
انا اول مرة اجتاز هذه الرحلة وانا انتظر منك نصائح لي قالك سقسي المجرب و متسقسيش طبيب
=========
>>>> الرد الثالث :
في الحقيقة اختي انا مثلك نعاود باك حرة حبيت ندخل صيدلة.و جمدت الدراسة الجامعية و ندير مراجعة في الدار.اعاني مثلك الكسل و احيانا افقد الثقة بنفسي.لا اعرف الحل.
انا ندير دروس خصوصية في المواد العلمية ونعاودهم في الدار و نحل التمارين قليلا.لكن المواد الادبية معرفتش وش ندير باه ماننساش وش نحفظ.وربي يوفقك اختي ويوفقنا جميعا
=========
>>>> الرد الرابع :
merciiiii!!
=========
>>>> الرد الخامس :
يا إخواني أنا بحاجة إلى ردودكم !!!
=========
بلوكي العام في الجامعة اولا . و كثري من المشي مع جماعة الباك لانهم يحمسوك و يسترجعولك معلوماتك
انت تضيع مستقبلك بنفسك
ارض بما اعطاه الله لك +انت بنت يعني ليس بالضرورة انك تكونين طبيبة او صيديلة فانت لست ملزمة بالانفاق على الاسرة بل الزوج
العلم والدراسة شيء
والرزق ئيء اخر وشكرا
و الله راني كيحالتك
أختي حدار ثم حدار من انك تبلوكي العام علاخاطر احنا نديرو الاحتمالات في زوج يعني ممكن تجيبي باك بمعدل يؤهلك للطب وممكن لا وان شاء الله ه\ا الاحتمال ما يكونش ....بصح ف هده الحالة تلقي روحك ضعتي عام باطل علاخاطر ديريها مليح ف بالك وروحي بيها قاعدة ...عمرك ولا تقولي مين نوفر لروحي وقت اكبر نحصل علم اكبر وبالتالي نقدم امتحان بشكل ممتاز ونتحصل على معدل ممتاز ...لانه ربي هو الي يقسم وانا عن سابق تجربة من اختي وصديقتي المقربة جدا انني اقولها انهما يستحقان الطب بجدار بل ويستحقان الامتياز لكن شاء القدر انهما لم يتحصلا على معدل يؤهلهما طبعا لان الله كتبهلهم وقاع نوصلو للمكتوب وانا شخصيا راني ماره بتجربة انك تحصلي علم شامل للبرنامج وتقدمي الامتحان مليح لكن ربي مين يكون كاتبلك معدل مكانش الي يقلعهلك ...امالا قري نورمال في الجامعة وحاولي انك تحتكي بلي يقروا في الجامعة وباغيين يعاودو الباك وان شاء الله تقدري توفقي بيناتهم وفي الاخير ادا ربي كتبلك معدل يأهلك للطب فيه وفالخير ما نكتابلكش ما تكوني خسرتي والو ...لانه والله والله ثم والله الالم الي باغي تحسيه من بعب رهيب باغي تبقي تبكي على زوج صوالح وهدي الحالة شفتها في ختي وصديقتي وما نتمنالكش يصرالك نفس الشيء علا خاطر مين كانوا يقولولهم قروهم في زوج وفالتالي باغي تدوا غي الي ربي كاتبهلكم كانوا يقولو لا لازمنا نتفرغو غي لحاجة باش نقدموها مليح .
وهدا رأيي الخاص
merci beaucoup wallah 3awentouni yacer kater khirkoum koul mercii
rabi ywaf9ak khti la3ziza bs7 loukan jit ana f balastak na9raham fi zouj b1 sur ilakan ta9adri w rabi y naja7na kamel
ختي نصيحة ليك ما تبلوكيش العام لاخاطر نتي مش ظامنة الباك ننصحك ركزي وديري في بالك ري اول مرة رح تعديه و ديري قدام عينيك الطب الي هو حلمك ودعمي روحك روحك بلي كور وربي ينجحك وينجحنا كامل ختي
كيف كيف ،، انا بكالوريا 2010 ،، لعام للي فات مابلوكيتش كنت نقرا بالتوازي و عاودتو لكن تحصلت تقريبا على نفس المعدل الأول (14.74)،، مالا هاد لعام بلوكيت و راني نقرا فالدار + دروس خصوصية و حتى انا تجيني اوقاات نفقد فيها العزيمة و نبرد .. و أوقات اخرى نقرا بزاف ...
درت زعما استعمال زمن بصح مانيش نطبق فيه حرفيا ...
وش نديرو ،، ربي يجيب لخير
المشاركة الأصلية كتبت بواسطة alisadr https://3andlib.xplainer.net/images/...s/viewpost.gif
كيف كيف ،، انا بكالوريا 2010 ،، لعام للي فات مابلوكيتش كنت نقرا بالتوازي و عاودتو لكن تحصلت تقريبا على نفس المعدل الأول (14.74)،، مالا هاد لعام بلوكيت و راني نقرا فالدار + دروس خصوصية و حتى انا تجيني اوقاات نفقد فيها العزيمة و نبرد .. و أوقات اخرى نقرا بزاف ...
درت زعما استعمال زمن بصح مانيش نطبق فيه حرفيا ...
وش نديرو ،، ربي يجيب لخير |
ربي يوفقك العام هذا إنشاء الله وش راح نديرو هذي هي بلادنا من المفروض 14نديرو بيها كلش !شكرا على الرد!
