السلام عليكم ورحمة الله وبركاته
أسعد الله جميع أوقااتكم بالمسرااات والمكسراااات
>>مذيعة أخبار :061:
بعد غياب مو بالطويل رجعت لكم بموضوع جديد وأفكار وقصات وتصاميم جديده ..
طبعا زي ماهو مكتوب في العنوان الموضوع هذا راح يحوي صور لفساتين خاصه بالعروسه ..وأم العروسه أو العريس ..وخواتهم (كبار و مراهقات ) ..ولأختهم الحامل (الله يهون عليها )وكمان للممدعواات..
بس قبل ما أبتدي عرض الصور أبغي أدردش مع العروسه وأهلها شوي ..:044:
..العروسه..
حلاتك في جمالك الطبيعي وطبعا مافيه مانع من التزين بس بحدود المعقول يعني فيه بنات بدل مايجملون أنفسهم ليلة فرحهم للأسف يشوهون أنفسهم بالميك أب الزايد والفستان الي فيه مليون قصه وقصه
..وطرحه مدري إيش تبغي من الحياة ..
يعني هم قالو عروسه مو مهرج لابس أبيض ..
وش ذنبه ولد الناس تخرعينه بأهم ليله بعمره :455:
..أم العروسه ..
يا لا لا يا أم العروسة .. الله يتمم هناكي .. الليلة ليلة سعيدة كل الحبايب معاكي
>>عاشو عاشو :085:
أم العروسه وش أقولك بس ..
عارفين إنه فرح بنتك ومحد قدك والله يهنيك بس ياليت شوية إحترام للعمر ..((كلامي للأمهات الي متقدمات للعمر ))
وربي أتضايق لم أشوف أم لابسه لبس بناتها مايلبسونه ...لكل عمر اللبس الي يناسبه ..وبالعكس لما تلبسي لبس مناسب لعمرك راح يعطيك مظهر راقي ومحترم ..
الكشخه مو بالبهرجه والملابس المليانه قصات وألوان ..
رجااااء خاص نبطل حركااات المغنيه صباح وتشببها على كبر ..
ياكثرها الموديلات الناعمه والهاديه والي تنساب السيدات الكبيرات بالعمر ..
..أخوات العروس أو العريس ..
آآآآه بس
>>ترا الآآه طالعه من قلب ..
بعض البنات وقلت بعض عسى مايكون عندهم زواج لأختها أو أخوها إلا قلبت الدنيا تدور على فستان للزواج وشرط وفن الفستان هذا يغطي على كل الفساتين الي بالزواج ..
طيب شيء حلو الواحد يبحث عن التميز
بس الي مو حلو إنه هنا تظهر الخلقنه ..
وشلووون
أقولكم وشلووون ..
تروح تفصل لها ذاك الفستااان المنتفش الملياااان شك وكلف وزحمه وماتترك شيء في بيتهم ماتلبسه وكأنها بحياتها ماحضرت زواج
لازم أخت العروسه العيون بتكون عليها
وتقولون ليه ماننخطب :0107:
من هالزحمه الي إنتو بوسطها الحريم مو قادرين يشفونكم وياقلبي تلاقي العجايز الي عندهم عيال حرموو ..متخرعين ..
>>مو كأني شطحت
نشوف هذي الصور ..
هذي مثال سيء للفساتين وخلااااص راااحت موضتهاخلاااااااااااااص
وللأسف بعض البنات ماتقتنع بالفخامه إلا بمثل هذي الفساتين
<<فاهمين الفخامه غلط ..
طبعا الكلام هذا للأخوات الكبار
نجي للخوات الصغار المراهقات والعشرينيات :012:
أتضايق لما أشوف بنوته مراهقه قاتله مراهقتها بفستان يصلح لأمها
ليش الكل يبغي يكبر نفسه لاحقين على فساتين الكبار
عيشو مرحلتكم بحلوها وبنعومتها
يأنا أذووب عند فساتين المراهقات >>ألا ليت الزمن يرجع
شوفو معايا الصوره
هذي ممثله أجنبيه الشهيره بهانا مونتانا
ياكثر ماتقهرني بخلقنتها بعض المرااات
إلا غصب بتكبر عمرها
الفساتين الي لابستها بالصوره نهائيا ماتناسبها تناسب بنااات كبار
شوفو الفرق بين صورتها وصورة المراهقه الثانيه
وهـ بس تقوطر نعومه ..:د0:
الحين نجي لأختهم الحامل ..
أقبح منظر تشوفه العين لم تكون قدامك وحده حامل ولابسه ماسك على كرشتها ..
الصور تتألم قصدي تتكلم
..المدعوات ..
الكل منا يجيه دعوات لحفلات زواج خطوبه ملكه وغيرها .. لكل حفله وضعها الخاص ولبسها الخاص ..
يعني فيه فرق لما أكون قريبه حيل من أهل الحفله وفرق لما أكون بعيده ..
لما أكون قريبه شيء طبيعي يكون لبسي متكلف ..بس لما أكون بعيده أحاول قدر ماأقدر أكون قريبه من البساطه ..
برضو الحفله لو خطوبه أو ملكه بسيطه الفساتين الي تنلبس فيها لازم تكون على مقاس الحفله مو نجيب العيد ويطلع شكلنا غلط ..
كمااان فيه قصات وأفكار غبيه لازم نبتعد عنها
حتى ماتعطي مظهر مو حلو للفستان الي راح نرتديه >>أعجبتني نرتديه
نشوف الصور
الملابس الداخليه (البرا وفي لغه أخرى السوووتيان ) المفروض ماتبان لأنها لو بانت تعطي مظهر قبيح ومكروه ..
فتحة الفستان الي تطلع الساااق أحسها حركه مبتذله وتشوه الفستان
..وكماان حركة الهدب وتحتها بنطلون
يعني يالبسي بنطلون يافستان
أم الجمع بينهم مو حلو أبدا
الفساتين الي تجي وكأن ستاره بيتهم ناشبه فيها:0148: مو حلوه أبدا ..ومالها داعي
لو الفستان كان بدونها راح يكون أحلى ..
مو حركه ممكن تجمل الفستان ..
الشهاليل الي بأسفل الفستان والي كأنها شهاليل طرزان وش موقعها من الاعراب
لو كان تاركته ساده من تحت أكيد بيطلع أحلى
بس كذا خلقنه بقوووه
أما البنطلون على فستان هذا حكايه تانيه
أساسا البنطلون يقتل أنوثة الفستان
>>شفيني عالقتل
السيقان الشفافه حركه بلدي و على قولت إخواننا المصاريه وفي قاموسنا قرونه ..
أما الفستان الابيض الحركه الي فيه مره بشعه كأنها:044:إنتو قولو
الي ماشاء الله تشوف نفسها ناصحه (متيته )تبتعد عن الفساتين الي نفس فكرة الفستان الي على اليمين لانه راح يعرضها زياده ..
أماالفستان الي على اليسار يوضح أن تطليع الصدر سواء كان كبير أو صغير أمر مقزز
التستير
أكبر غلط إننانستر فستان بتيشرت قطن أو بلوزه لها أكماام
كذا نضيع الموديل
فيه أفكار كثيره للتستير بس أهم حاجه تكون من نفس قماش الفستان أو قماش دانتيل ..
الفساتين الي تجي ماسكه على الجسم ومطاطه هذي يبغلها جسم مثالي خالي من الزيادات والتضاريس ..
فكل وحده تعرف جسمها زين لو جسمها مايساعد البعد أرحم ..
الطول المبالغ فيه في الفساتين مو مستحب لاسباب عده ..
_ يعيق الحركه ويضيع وقتك وإنتي رافعته في يدينك
حراام يدينك تبغي تستمتع بالحفله ..
يعطي إنطباع إنك قصيره أو ناسيه تلبسي كعب ..
_ زمن الاميرات وسندريلا وفساتينها الي تسحب خلاص إنتهى ماعاد يرجع
https://dc07.arabsh.com/i/00894/2o7jvp125umz.png
خامة الفستان مهمه قبل الموديل ..
لان الخامه تبين إذا هي من النوع الجيد ولا الخايس الرخيص
وبالتالي ينعكس على فستانك وحتى لو دافعه دم قلبك عليه ماراح يبين إنه غالي
الي في الصوره خامتهم حرير من كثر ما شفته بالمحلات وعلى الناس كرهته
أدري طولت عليكم بس مع كثر الهذره نسيت نفسي ...
أتمنى إن كلامي مايضايق أحد وأنا ماأعممه على الكل
أنا أقول البعض مو الكل ..
...............
حياكم في موضوعي وأتشرف بردودكم وزياراتكم
دقايق ويبتدي العرض
طبعا في كل رد لي هنا بإذن الله راح أنزل صور فساتين تناسب الكل وترضي جميع الاذاق
تابعو موضوعي لآآآآآخر نقطه قصدي صفحه ..
:ق2:
بلييييز بنااات
الي تاخذي من عندي موديل تستره
أنا مانزلت الصور إلا لأخذ الافكار مو نسوي نفسها كوبي ..
ok
