مقدرتش يارب سيدي والله مقدرت لتحضير البكالوريا

عنوان الموضوع : مقدرتش يارب سيدي والله مقدرت لتحضير البكالوريا
مقدم من طرف منتديات العندليب

جماعة كيفاش راكم ديروا مع لقرايا راكم ماشيين مليح انا والله مقدرتش نظم وقتي نحس روحي زيرو مدرت والوا نشوف بنات تاع لكلاسة يقراو 24/24 سا وزيد ليكور وراهم فور قاع مفهمتش وينراه السر علاش هما يبغيو يقعدوا بزاااف في لقرايا وانا لا بلاك انا هو الفاشل لموالف نقرى عليه ول هداك الانسان لميطلعش خلاص
راني راه نهبل قلت نحبس عليا تكسار راس و منقراش


>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

استغفر الله و صلي صلاة استخارة و بإذن الله ستجد الحل
ما تقارنش روحك بناس اخرين
ثق بنفسك و بقدراتك ما تقولش فلان يسهر حتى 12 تاع ليل ايا مام انا لازم نسهر مش هذاك هو الحل
حاول وضع جدول تناسبك و رتب وقتك لكل حاجة اعطيها وقت
لدراسة و قت و لراحة وقت و حاول حاول الجدول يكون نتا لي تنظمو مش واحد اخر يقترح عليك خطراش لي يناسبك نتا مش كيما لي يناسب اخرين
وبالتوفيق

=========

>>>> الرد الثاني :

جزاك الله كل خير يا ختي بصح والله ضربت ضربت والوا منعرف ادا لبروبلام هدا ادا نلقالوا حل ول لا

=========

>>>> الرد الثالث :

نعم عندو حل
هذا مجرد كسل برك

=========

>>>> الرد الرابع :

وكيفاش نديروا ا عطيني طريقة مليحة بلاك تساعدني

=========

>>>> الرد الخامس :

هذا عندو حل واحد هو انك تنظم وقتك مليح بطريقة مليحة
وبالتالي تملئ كل اوقات فراغ بشي مفيد باش ما تقعدش تخمم في ناس واش دارو ولا قراو ولا ما قراوش

=========

مممم بصراحة أخي تنقصك الإرادة فقط
و باش نزيد أنا نشجعك نقلك بلي كاين اصدقائي يعانون من نفس حالتك بصح قدروا يبدلوا السستام بصح داروا مخطط يمشيو عليه
إلا صح راك حاب تولي تقرا برك دوك نقلك واش إدير

إلا عندك فايس بوك( أو أمسان) و تظل فيه بالساعات درك بعد ديزكتيفيه و قول والله منزيد ندخلوا غير بعد الباك لأنو إلهيك حتى تلقا طاح اللليل و ممسيتي حتى كراس
ثاني حاجة نقص إستعمالك للأنترنت و دخول المنتديات يعني صح إلا خصتك حاجة و لا ملخصات معليش بصح باش تبقى حواس و تكومنتي برك في المنتدى هذا يؤثر سلبا عليك و يضعلك وقتك

كي تروح للدار ارتاح مدة لا تفوق ساعة ولا اقصد إرتاح في النت أوالشات ... لا بل إرتاح نفسيا باش كي تقرا متقلقش

ثم إذهب لغرفتك وأغلق الباب و أحكم كراس راجع و حل تمارينات و أحفظ وقول لازم نتعب هذوك إلي يقراو ماش خير مني
صدقني لو تجرب هكا رح تحس بحلاوة الدراسة وتعرف علاش هذوك 24/24 سا و هوما يقراو

و راهم جربوها الي كانوا كيفك و صدقني تحسنوا تحسن ملحوووظ

ولاتنس ذكر الله في كل شيء تقراه

و متنساش زادا بلي لازم تتعب و تضحي ، لأنو حاجة متجي بساهل و كلش يفوت بصح في لخر رح تنال على قد تعبك وجهدك

وإن شاء الله تكون من بين الناجحين و ربي يوفقك

XBEY جزاك الله كل خير يا خويا الله يتبتك في قرايتك دوك نشوفهم

NaTaLiE اختي ان شاء الله ربي يعطيك ماتتمناي ونا نقرى في الرد تاعك تخيلت روحي
والله مستعد باه نطبق لقلتيه ليا ربي ان شاء الله اوفقك في قرايتك ودجيبي احسن معدل

راني كيفك خويا إذا كثرت نقرى ساعة فنهار
ربي يجيب لفيه الخير ☺

عادية خاصة كي تبدا تقارن روحك بالناس
تحس روحك ماكش تقرا خلاص كي حالتي زعما

لكن عادي مدام انك فاهم درسك وكي يجيك تمرين تحلو بدون اشكال
علاه تقلق روحك بيهم
المهم تنظيم الوقت

فترة صباحية للحفظ والمسائية لمراجعة الدروس وحل تمارين او وظائف

أخ بارك الله فيك

كل ما لف انتباهي هي تلك الصورة التي في توقيعك التي توحي بالنوم والكسل رفقة الكتب

غيرها وانوي التغيير الجدري وارقي نفسك وتعود بالله من الشيطان الرجيم
أنت تسأل يعني عندك إرادة

وفقك الله لما يحب ويرضى

المشاركة الأصلية كتبت بواسطة بارك الله فيكم https://3andlib.xplainer.net/images/...s/viewpost.gif xbey جزاك الله كل خير يا خويا الله يتبتك في قرايتك دوك نشوفهم natalie اختي ان شاء الله ربي يعطيك ماتتمناي ونا نقرى في الرد تاعك تخيلت روحي والله مستعد باه نطبق لقلتيه ليا ربي ان شاء الله اوفقك في قرايتك ودجيبي احسن معدل

ان شاء الله أخي و نتا زادا بمعدل فوور ,,

ونقلك حاجة ديرها زادا كيما أنا ، لصق ورقة و أكتب فيها الباك قريب و التنظيم سر النجاح و أكتب المعدل إلي حاب دجيبو ..
أنا درت هكا صدقني كل منشوف للورقة إزيد إجتهادي و مثابرتي أكثر لأنو بهاذي الطريقة تكون ديما واعي وديما الباك في بالك ورح تنشط ويكون عندك هدف لازم توصلوا .. لكن لازم إطبق صح صح ماش يوم إيه و 10 لا ...لازم توالف على الريتم هذا يوميا ، أوكي ,,

و في الأخير كون ديما واثق في نفسك و متفائل ^_^

يا سبحان الله يا خويا تقول راك تهدر على لساني نفس حالتي تماااااماااااا تماااماااااا وأكاد أجن فعلا

لم أتوقع أن أصبح يوما هكذا وبهذا الكسل واللاوعي ..

لكن الحمد لله ارتحت قليلا بقرائتي لردود الإخوة بارك الله فيكم .. بقيت لي مشكلتي العويصىة أني مقدرتش نظم وقتي كلما ندير مخطط جامي نطبقو (كأنو ناسية على روحي وواش يستنى فيا ) و أنا زعما لي كنت نقرا وحابة نجيب مليح ,, إذا عندكم كلمة ليا مادابيكم,,

وربي يوفقك يا أخي صاحب الموضوع وكل اللي ردو وان شاء الله ربي يكون معاكم كامل

المشاركة الأصلية كتبت بواسطة نوارة الشرق https://3andlib.xplainer.net/images/...s/viewpost.gif يا سبحان الله يا خويا تقول راك تهدر على لساني نفس حالتي تماااااماااااا تماااماااااا وأكاد أجن فعلا لم أتوقع أن أصبح يوما هكذا وبهذا الكسل واللاوعي .. لكن الحمد لله ارتحت قليلا بقرائتي لردود الإخوة بارك الله فيكم .. بقيت لي مشكلتي العويصىة أني مقدرتش نظم وقتي كلما ندير مخطط جامي نطبقو (كأنو ناسية على روحي وواش يستنى فيا ) و أنا زعما لي كنت نقرا وحابة نجيب مليح ,, إذا عندكم كلمة ليا مادابيكم,, وربي يوفقك يا أخي صاحب الموضوع وكل اللي ردو وان شاء الله ربي يكون معاكم كامل

ناقصك الإصرار و الثبات على الإجتهاد
أنصحك باستغلال الوقت مهما كلفك الأمر
لأنو نهار يخرج الباك لتم تعرفي قيمتو و كي كنتي إضيعي فيه

وربي إعاونك أختي و وفقك و تفكري ربي إمدلك على قد تعبك

المشاركة الأصلية كتبت بواسطة natalie https://3andlib.xplainer.net/images/...s/viewpost.gif ناقصك الإصرار و الثبات على الإجتهاد أنصحك باستغلال الوقت مهما كلفك الأمر لأنو نهار يخرج الباك لتم تعرفي قيمتو و كي كنتي إضيعي فيه وربي إعاونك أختي و وفقك و تفكري ربي إمدلك على قد تعبك

أختي الغالية والله كلماتك قاستني في الصميم خاصة نهار يخرجو الباك وقيمة الوقت الضائع ,, لإني ديجا حسيت بقداه ضيعت أيام الإضراب والعطل و ,, و,, و,, ربي يجازيك ويمنيك أختي الحبيبة . .

أتمنى أني نتغير فعلا ونبعد على الفايسبوك والانترنت اللي هي السبب الحقيقي وراء هذا الضياع اللي راني عايشتو

بارك الله فيك عزيزتي ربي يكون في عونك وربي يوفقك شكرا على الدعم