هل العتبة قاسية بالنسبة اليك ادخل تعرف السبب بكالوريا علمي
عنوان الموضوع : هل العتبة قاسية بالنسبة اليك ادخل تعرف السبب بكالوريا علمي
مقدم من طرف منتديات العندليب
السلام عليكم اخوتي
اليوم جيت باش نحكي على اهم مشكل راهم يعانو منو التلاميذ هادو الايام '' العتبة'' جاتكم العتبة قاسية نوعا ما هل تعرفون لماذا لانها ليست عتبة كباقي العتبات لب شفناهم في الاعوام لي فاتو ويبقى مجرد الراي اظن بان هذه العتبة كانت متوقعة للسير الحسن للدروس وانا اتحدى اي واحد لم يصل في الثانوية لتلك الدروس المطروحة في العتبة باختصار نتوما ماكومش حابين الوزارة تنحيلكم م دروسا لي قاع دزاير قاريتهم لانكم وكما تعلمون الجزائر تلقت تهديدات من عدم الاعتراف بمنهاجها الدراسي وهذه كارثة عظمى
انا من جهتي كنت من اشد الفرحين بهذه العتبة لانني والحمد لله كنت متوقعها يعني ماكنتش نقارع كتر من هاك وهي من الاول كانت باينة بلي ماكانش عتبة هاد العام والحمد من غير الحساب التكاملي لي عليه 0.5 نقطقة فالباك لي بقاو قاع راني قاريهم والسبب واضح العتبة لا دين لها لذل لا تشغلو تفكيركم بالعتبة فهناك عباد همهم الوحيد زرع الخوف في نفوسكم فهم بوجود او غياب العتبة داي 6 فالباك دايها و كاين لي بيها ولا بلا بيها داي 15 مي كي يسمع هاك يتشلوش و ما يخدمش
على العموم مجرد رايي الخاص و في الاخير اتمنى لكم النجاح ســــــــــلام
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
كلام جميل و رائع اشكرك
=========
>>>> الرد الثاني :
عندك الصح خوي بصح كاينلي مازال مالحقوش لهاد الدروس نورمالمو عدل و يكونو عند كلمتهم أنا مارانيش نهدر على روحي الحمد لله مارانيش مهتمة بالعتبة بصح قالو كاين عتبة و تكون فيها غير دروس لي قريتوها نورمالمو يكونو عند كلمتهم
=========
>>>> الرد الثالث :
المشاركة الأصلية كتبت بواسطة old young miss https://3andlib.xplainer.net/images/...s/viewpost.gif
عندك الصح خوي بصح كاينلي مازال مالحقوش لهاد الدروس نورمالمو عدل و يكونو عند كلمتهم أنا مارانيش نهدر على روحي الحمد لله مارانيش مهتمة بالعتبة بصح قالو كاين عتبة و تكون فيها غير دروس لي قريتوها نورمالمو يكونو عند كلمتهم |
لا يا اختي اظن بان الجميع وصل لهذه الدروس الا اذا كان هناك مشكل في مدرسة ولا 2 على المستوى الوطني ومن المستحيل ان ياخذان بعين الاعتبار لذا عليهم تدارك الدروس
=========
>>>> الرد الرابع :
بارك الله فيك
هادي هي الهدرا يا خويا الله يعطيك الصحة
جزاك الله كل خير
=========
>>>> الرد الخامس :
شكرا على مروركم
=========
لا يا اخي ليس الجميع قد وصل الى هذه الدروس ومن بينهم مؤسستنا
و يا خويا انا نتحداك بلي موصلناش لهاذو الدروس
و قالونا ارجعوا تقراو من ورا الباك التجريبي
و مشي الليسي تاعنا برك
عموما كلامك جميل
بالتوفيق لك
السلام عليكم
صحيح كلام جميل لكن ماتتحداش لانو ماش كامل وصلنا لهذه الدروس و انا عينه التكامل درناه في نصف ساعه تتصور؟ و الاستره في ساعتين في المخبر كل القسم بلا مانحكيلك بلي ماشديت والو الفوضى و الاستاذ يجري ..
و انا متأكده اني مانيش وحيده
هاذي هي و ربي يوفقنا كامل
صح عندك حق
mais حنايا الفلسفة والفرونسي ماقريناش خلاص
والانجليزية تاني مكملناش
كيفاش نديرو
العتبة اخلطت بعض الاوراق
في معظم المواد عدا مادتين او ثلاث
يلزمنا ريكومونسي لاعادة ترتيب الاوراق المختلطة
وانا احمل المسؤولية وبصفة كبيرة للاساتذة في واش راه صاري now
..
مشكور ع الكلمات الجميلة .. تحياتي للجميع
وربي يوفقنا
ايه صح خيوو
بارك الله فيك
وبالتوفيق لنا جميعا
السلام عليكم
احنا كاين حوايج ماقريناهمش اصلا وماماسمعناش بيهم
أنا صراحة ضد العتبة تماما هكذا باش الباك تاعنا يولي كي تاع بكري عندو مصداقية كبيييييييييييييرة
كيما قالولك ليزامي انو ماشي كامل قرينا الدروس يعني حنا التكامل في ساعة ومفهمتلوش ووحدة الاسترة ثاني ملخص في ساعة واحدة ودرنا تمرين عليه ومفهمت واااالو
المهم على العموم ربي ايقدر الي فيه الخير
