بماذا تنصحوني رياضيات

عنوان الموضوع : بماذا تنصحوني رياضيات
مقدم من طرف منتديات العندليب

بدون مقدمات أنا فشلت للمرة الثانية على التوالي في الباك و مالقيتش روحي و ما عرفتش واش تدير والديا يقولولي أرجع تقرى بصح انا ما شكيتش نرجع للثانوية يعني اذا عاودت الباك نعاود أحرار رغم أنني ما شكيتش نعاود و صحابي قالولي السيافة و أخرين قالولي شوف خدمة و خليك منهم ما فهمتش انصحوني


>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

السلام عليكم ...قرايتك يا خويا لعزيز ماتخليهاش

راك تندم تبع راي والديك ماراح تخسر والو ..عاود

الباك في الثانوية خير ما تعاودوا احرار...ربي يوفقك

ان شاء الله تجيب الباك تفرح وتفرح والديك وتفرحنا معاكhttps://3andlib.xplainer.net/images/smilies/smile.gif

=========

>>>> الرد الثاني :

لا ماتكرهش عاود و عاود و عاود حتى تجيبوا خير الشعبة لي تناسبك و قرالوا شوية برك ما عندك ما تخسر حاول الباك مايشدكش على خدمة حاب تخدمها نظم وقتك أخدم و أدخل دروس خصوصية مرة في الأسبوع و لا أقرا شوية في الدار مادامك حطيت موضوع في المنتدى معناها حاب تجيبوا و دير في بالك تقدر تجيبوا ماشي شرط هاذ العام أبقى عاود و الله عادي ما تسمعش للناس شوف نتا واش حاب بالتوفيق

=========

>>>> الرد الثالث :

السلام عليكم ورحمة الله وبركاته

انا مثلك يااخي

للمرة الثانية ومجبتوش ...مي ان شاء الله هاد العام نبدا نقرالو من الاول

انصحك يااخي ان لا تترك الدراسة مهما كلفك الأمر ....** يجي نهار وتندم عليها مرااك خاسر والو كي تعاود الباك**

وان شاء الله هاذ العام راح نشارك في معهد ونعاود الباك احرار

=========

>>>> الرد الرابع :

نعطيك نصيحة حاول ان تعمل بها
اذا وجدت عملا محترما يساعدك على الاسترزاق اعمل و حاول إعادة البكالوريا حر
هكذا يصنع طلاب الدول المتقدمة : يخدم ويقرى في نفس الوقت

=========

>>>> الرد الخامس :


=========