هل الدروس الخصوصية ضرورية
عنوان الموضوع : هل الدروس الخصوصية ضرورية
مقدم من طرف منتديات العندليب
السلام عليكم
انا مانيش دايرة ليكور في حتى مادة
وبنات قسمنا كاامل دارو في الرياضيات
وراهم في درس الدوال الاسية
وراني خايفة بالبزاف في القسم ما نقدرش نفهم ولا حاجة
تعيشو قولولي خوفي في محلو ولا لالا
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
عنــــــــــــدي نفس الســــــــؤااال :/ :/
مـــــــــــي ســــقسييت بزاف مــــن لـــي جــــوزو البـــــاك و قــــالولي لآلا مـــاهومش ضـــــروريين والله اعلم
شــــخصياا مارايــــحاش نـــــديرهم
=========
>>>> الرد الثاني :
وعليكم السلام
شوفي ختي ما يخلعوكش كي راهم في الدوال الأسية مزااال وقت كبير باش تلحقو لهذا الدرس، وزيد الدوال الأسية أسهل الدوال بالنسبة ليا
أنا نقلك إذا شايفة روحك متمكنة في الرياضيات ماديريش لي كور أقراي في الدار بزاف صح وحلي التمارين على قد ما تقدري وإن شاء الله تضمني 16وأكثر فيها، أما إذا كنتي ضعيفة بزاف لازمك ديري لي كور ماتضيعيش روحك
بالتوفيق
=========
>>>> الرد الثالث :
صدقيني خفت بزاف وفقدت الثقة في روحي
مي معليش
=========
>>>> الرد الرابع :
لالا ختي بسم الله هذا وين بدات الناس تقرا ونتي تفشلي؟
لازمك ديري الثقة في روحك ومازال الحال باش تسجلي في لي كور وأقراي نورمال
=========
>>>> الرد الخامس :
انا منيش راح ندير عنا استاذ مليح نحكم معاه مليح في القسم و السعات الزايدا معاه وخلاص
=========
المشاركة الأصلية كتبت بواسطة أميرة زماني https://3andlib.xplainer.net/images/...s/viewpost.gif
وعليكم السلام
شوفي ختي ما يخلعوكش كي راهم في الدوال الأسية مزااال وقت كبير باش تلحقو لهذا الدرس، وزيد الدوال الأسية أسهل الدوال بالنسبة ليا
أنا نقلك إذا شايفة روحك متمكنة في الرياضيات ماديريش لي كور أقراي في الدار بزاف صح وحلي التمارين على قد ما تقدري وإن شاء الله تضمني 16وأكثر فيها، أما إذا كنتي ضعيفة بزاف لازمك ديري لي كور ماتضيعيش روحك
بالتوفيق |
لالا اختي انا مش ضعيفة بزاف فيها لموايان تاعي 15 16 هكذا
يعطيك الصحة
يعطيكم الصحة لبنات
رجعتولي الرووح
كنت ندري روحي وحدي
مام حنا عندنا استاذة مليحة
ربي يخليكم ان شاء الله ياربي جيبو لباك بمعدلات كبيرة
الله يبارك
خلاص ختي ما تقلقي روحك ما والو دروس السنة الثالثة ثانوي في الرياضيات أسهل بزاااف من دروس السنة الثانية ثانوي، كاين حوايج جدد صح مي كي تركزي مع الأستاذ مليح، وكل درس تقرايه طبقي عليه التمارين، توليلك الرياضيات ساهلة ومافيهاش حتى إشكال
ربي يوفقك إن شاء الله
نعم دروس الخصوصية أو الساعات الاضافية مع الاستاذ وين تحلوا فيهم تمارينات اجبارية
لالا ما قصديش الساعات الاضافية مع الاستاذ
قصدي دروس ديريهم برا مع استاذ خاطي لي يقريك
بالعكس اختي كاين دايرين ليكور بصح مش فاهمين والوا غير يعاندوا زعما كامل دايرين لازم انا ثاني ندير ماشي هكا اختي بالعكس الوقت لي تروحي فيه لليكور وترجعي قادر تحلي فيه شحال من تمرين
