واش جماعة الباك ... وين راكم واصلين بيها
عنوان الموضوع : واش جماعة الباك ... وين راكم واصلين بيها
مقدم من طرف منتديات العندليب
بسم الله الرحمن الرحيم
السلام عليكم ورحمة الله
انا خوكم سفيان . عقبت الباك العام لي فات ( علوم تجريبية ) وجبتوا ب 13.72 . بالرغم من انه مانعرفش نقرا مليح و ماقريتش بزاف العام لي فات . لكن الحمد لله على كل حال ...
- لذلك حبيت نشجعكم شوية على خاطر علابالي كيفاش راكم تحسوا هاذ النهارات والظروف اللي راكم تمروا بيهم . كامل مريت عليهم انا العام اللي فات ... ( ظروف قاسية بعض الشيئ :d..... هههه )
- علابالي بلي الكثير منكم بداو يفقدو الامل على خاطر ماجابوش معدل مليح في الفصل الاول وماهم مراجعين ولاحافظين والو والباك راهو قريب والشيوخا مايعرفوش يقرو ..... وغيرها من التفاهات والحجج الواهية التي وقعت في شخصيا العام لي فات .
+ لذلك من الاحسن ليكم روحو تراجعو الرياضيات والفيزياء والعلوم وحلوا مواضيع الباك السابقة واحفظو الشريعة والاجتماعيات ومتبقاوش تتفلسفو بزاف . وماشي لازم تفهمو وتحفضوا كلش ... وديرو في بالكم بلي العام مازال طووووويل للي حاب يقرا . وما تشوفوش للمعدل الفصلي نتاعكم والنقاط اللي ديتوها على خاطر ماعندها حتى معنى وكمثال انا العام لي فات ( معدل الفصل الاول 11 ** وفي الاختبار الاول اخذت 5 في العلوم وفي الباك اخذت 14.5 في العلوم ... الخ )
++ وكاينة حاجة مهمة مازلت ماقلتهالكمش وهي انكم لازم تتوكلو على ربي في الدراسة والمراجعة . ودائما ادعوا ربي باش تنجحوا وماتضيعوش الصلوات نتاعكم .... وعمركم يلا تخافو مالباك ولا تتقلقوا و تفقدوا الامل .
+++ وفي الاخير اتمنى ان اكون قد افدتكم ولو بقليل . واتمنى من عمق قلبي ان يوفقكم الله عز وجل في البكالوريا .... الى اللقاء . والسلام عليكم ورحمة الله وبركاته .
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
شكرااااااااااااااااا بارك الله فيييك
=========
>>>> الرد الثاني :
جَزآكَـ الله خيرًآ
*
=========
>>>> الرد الثالث :
بااااارك الله فييييك
=========
>>>> الرد الرابع :
https://up.djelfa.info/uploads/13466273241.gif
اولا الحمد لله على نيلك للبكالوريا بمعدل افرحك و صح البكالوريا ماشي كيما العوام لي فاتو ادا ما قريتش فالليسي و لا ما قراكش الاستاد عادي ما راك خاسر والو تدير الامتحانات على واش قريت لكن البكالوريا عليك الاعتماد على نفسك 80% و تحاول تقرا وتحل تمارينات قدر المستطاع و ادا حصلت فالقسم لازم دير دروس خصوصية ولا يفهمك كاش واحد لانك تحضر للباك و من قبل كان الباك المهم تجيبو الان بشحال تجيبو لهدا لازم تخدم و ما تلقاش الاسباب و تفقد الامل بمجرد النظر لعمل الفصل 1
و بالطبع قبل كل شيء التوكل على الله
https://up.djelfa.info/uploads/13466272841.gif
=========
>>>> الرد الخامس :
شكرا لكم جمييييعا . وربي يوفقكم ان شاء الله .
=========
