نصـــائحكم من فضلكم لأصحاب الباكالوريا 2015 للثالثة ثانوي
عنوان الموضوع : نصـــائحكم من فضلكم لأصحاب الباكالوريا 2015 للثالثة ثانوي
مقدم من طرف منتديات العندليب
السلام عليكم ورحمة الله تعالى و بركاته
أولا بعد إنهائكم خوض الامتحان و إن شاء الله تكونوا قد رضيتم بمستواكم
و إن شاء الله كلكم ستحصلون على المعدل الذي كنتم تطمحون إليه أو أكثر
ثانيا هدفي من هذا الموضوع هو طلبي منكم بالنيابة عن جميع طلبة السنة الثانية رياضيات
أن تقدموا لنا تجربتكم و ما هي نصائحكم للمقبلين على الشهادة السنة القادمة
و خاصة في ما يخص المواد الأدبية
و شكــــــــــرا جزيلا لكم
بانتظاركم
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
السلام عليكم و رحمة الله و بركاته
يسعدني ان اكون اولى المساعدين لطلبة السنة الثانية ثانوي
أولا انا نقرا شعبة رياضيات و هي مش صعيبة خلااااااااااااااااااااص
يعني سهلة للتلميذ المتوسط يلقى روحو في هدي الشعبة
اولا بالنسبة للرياضيات رايحين تتناولو حوالي 10 محاور ان شاء الله واللي هي النهايات و الاستمرارية و الاشتقاقية . الدالة الاسية . الدالة اللوغاريتمية من بعد ( القسمة في z الموافقات في z و الاعداد الاولية ) هذي بالنسبة لشعبة الرياضيات من بعد يجو الهندسة في الفضاء و الاعداد المركبة و المتتاليات و الدوال الاصلية و الحساب التكاملي و( الاحتمالات ) هذي بالنسبة لشعبة الرياضيات ايضاً اللي نحوسكم تركزو عليهم بزاف و من بداية العام هي الدوال surtou الدوال الاسية و اللوغاريتمية
و الاعداد المركبة اذا كان عندي الوقت اني رايحة نحط ملخصاتي الشخصية في الرياضيات لتستفيدوا منها
بالاضافة لاي سؤال يخص مادة الرياضيات اني هنا و الحاجة اللي نقدر عليها راني مانيش رايحة نبخل
و بالتوفيق للجميع
=========
>>>> الرد الثاني :
salam dolli
bnsoir khtita
mm ana rani math w 2014 bac nchalh ila andk ***** w la ma3lich ntwazsslo w andi DES Q
ila thbi w merci
=========
>>>> الرد الثالث :
السلام عليكم
بالنسبة الدراسة تبدا من بداية العام هذا اذا ماقلتش من الان
الحصول على شهادة البكالوريا حاجة مهمة بزاف و مصيرية
الرياضيات الدرس اللي تتناولوه رايحين تحلو عليه تمارين في ذيك الليلة مستحيل تأجل الرياضيات مافيهاش تأجيل و مهما كان الدرس بسيط
و ننبهكم على حاجة اخرى اللي هي الكتب الخارجية بالنسبة ليا متديرو حتى كتاب خارجي في الرياضيات الا كتاب حلول تمارين الكتاب المدرسي انا عندي المتيسر بجزأيه مفيهمش المحاور كامل مي كنت نسلف كتاب الهباج من المكتبة المدرسية وقت الحاجة
اي سؤال فيه غموض عليكم سقسوا عليه التلميذ النجيب في قسمكم اذا مقدرش رايح تضطر تسقسي استاذك عليه لازم تكون على علم على واش قريت في كل شيء
حصص الدعم انا ننصح بها لانها مفيدة جدا و انا ضرك ندعي لاستاذي بالخير اللي قراني والله غير مفيدة و مهيش مضيعة للوقت ابدا اذا كنتو شايفين الاستاذ يبذل ما عندو صح لانو حنايا الرياضي برنامج الرياضيات نتاعنا طويل بزااااااااااااف و ماناش رايحين نلحقو نديرو الدروس و من بعد نديرو التمارين اللي ندربو عليها عى هذا قسمنا كامل كاين يحضر حصص الدعم و استفدنا و الحمد لله
اعلم انك تحضر لشهادة مصيرية اياك و تضييع الوقت اياك و التسويف اياك و الاماني فهذا لا يجدي نفعا التمرين اللي يمر عليك رايح تتعلم طريقة حاول انك تتفكرها هذا اذا كانت ذاكرتك جيدة او اجعل كراس خاص للطرائق و الملخصات المهمة كما كنت افعل
نصيحتي الوحيدة حلول كتاب المدرسي تكتفي بها لانو الوزارة مش رايحة تديرلك سؤال خارج المنهاج
وشكراً مسبقاً
و لي عودة بجملة من النصائح القيمة
=========
>>>> الرد الرابع :
السلام عليكم
انا معندي حتى مشكل و ياريت نتواصلوا عبر المنتدى ليستفيد الجميع و اي سؤال انا في الخدمة
=========
>>>> الرد الخامس :
مشكورة ختي بارك الله فيك
و بالتوفيق ان شاء الله
و حبيت نسقسيك
اسكو جاتكم المات مليحة هد العام و لالا ؟؟
بسكووقالولي جات شوي صعيبة و انتي خدمتي ؟؟
و الفيزياء ثاني مليحة و لالا ؟؟
شعبة الرياضيات ايضااا انا صراحى مستعدة و حابة نبذل مجهود حتى نتحصل على المعدل لي راني حباتوووو ما شوي خايفة نلقى صعوبة
ماعليش تخبريني انتي كيفاه لقيتي البرنامج ؟؟
=========
المشاركة الأصلية كتبت بواسطة hiba95 https://3andlib.xplainer.net/images/...s/viewpost.gif
مشكورة ختي بارك الله فيك
و بالتوفيق ان شاء الله
و حبيت نسقسيك
اسكو جاتكم المات مليحة هد العام و لالا ؟؟
بسكووقالولي جات شوي صعيبة و انتي خدمتي ؟؟
و الفيزياء ثاني مليحة و لالا ؟؟
شعبة الرياضيات ايضااا انا صراحى مستعدة و حابة نبذل مجهود حتى نتحصل على المعدل لي راني حباتوووو ما شوي خايفة نلقى صعوبة
ماعليش تخبريني انتي كيفاه لقيتي البرنامج ؟؟ |
السلام عليكم
السيجي تاع المات شوي صعيب صح مي مادامك خيرتي شعبة الرياضيات اكيد فيها صعوبة و لازمك تتحملي مسؤولية اختيارك مي مانخلعكش خلاص معايا رايحة تجيك سهلة ان شاء الله افتحي مخك معايا رايحة تستفيدي ان شاء الله
و الفيزياء سهلة جدا و الجميع يقدر يتحصل فيها على النقاط هي اصلا الفيزيا مهيش صعيبة مثل الرياضيات
ونشالله تتفوقي و تتحصلي على المعدل اللي حابتيه
و عليكم السلام
مرسي ختي
اوك ان شاء الله من فمك لربي
اولا شكرا لاخ طرحت الموضوع وشكرا ايضا لمن اجاب انتضر المزيد من النصائح
و عليكم السلام أختـــي
أشكرك كل الشكــر على مبادرتك الطيبة
فنحن بأمس الحاجة إلى نصائحك و باقي الأعضاء من شعبة الرياضيات
على حسب ما أرى الأعداد المركبة
إضافة إلى الدوال الأسية و اللوغارتمية
سنتمكن من حل الكثير من مواضيع الرياضيات لأصحاب العلوم
شكراا على الموضوع
لا شكــر على واجب أخــي...
انا عقبت هده السنة شعبة رياضيات وانشاء الله انا هنا اي استفسارات في الفيزياء و الرياضيات
لي عودة مع مجموعة من النصائح
بارك الله فيك أخــي
أريد أن أسألكم عن كيفية تعاملكم مع أوقات الفراغ في السنة الراسية
