اخذت 17 في الانجليزية في الباك.....كيفاش تحضير بكالوريا

عنوان الموضوع : اخذت 17 في الانجليزية في الباك.....كيفاش تحضير بكالوريا
مقدم من طرف منتديات العندليب

السلام عليكم اصدقائي الذين ستجتازون البكالوريا هذا العام وان شاء الله تنجحوا كامل. اردت في موضوعي هذا ان اعطيكم اخوتي بعض النصائح باش تقراو الانجليزية هذا العام وذلك بحكم انني اخذت 17 في هاته المادة في الباك لي فات 2015 - علوم تجريبية -رغم انني لست من التلاميذ الممتازين.....ههههه. فاولا وقبل ان ابدا في النصائح يجب ان تقتنعوا بان هاته المادة سهلة كثيرا وخاصة في الباك وان اضعف تلميذ قادر ياخذ فوق العشرة فالدروس والافكار والمصطلحات محدودة فهاته فرصة يجب ان لاتضيعوها ولا تقولوا نخدموا في المواد الاساسية فقط لانه مكاش لي يضمن لكم بانكم راح تخدموا فيها .
- وساقدم لكم طريقتي في دراسة الانجليزية العام لي فات =
+ قبل الدخول المدرسي اخذت طلة على واش راح نقراو العام القادم وعلى بعض قواعد الانجليزية باش نحضر نفسي للدراسة .
+ اكبر شيئ ركزت عليه هو ترجمة الكلمات المتداولة في الدروس وفي المواضيع ( bribery . crime... ) . وكتبت الصعيبة في كراس صغير . واستفدت من ذلك كثيرا لدرجة انني صرت عندما اقرا نصا افهم اكثر من ثمانين بالمئة من كلماته . وقد اعتمدت في الترجمة على قاموس في تلفوني و قوقل تراديكسيو .
+ كان عندي كراس صغير 32 صفحة كنت نكتب فيه القواعد والمصطلحات الصعيبة والافكار لي نقراوهم . ونفعني ذلك كثيرا .
+ لم اخصص للانجليزية وقتا كبيرا فكنت اراجع بعضا منها مرة او مرتين في الاسبوع وكذلك قبل الامتحانات والفروض
+ لم يخلعني بعض التلاميذ الذين كانو ياخذون اكبر مني في الاختبارات وحاسبين رواحهم .ولم اغتر مثلهم ففي الاخير اخذت اكثر منهم جميعا . فانا كنت متواضعا وكنت اعلم زملائي وافرح عندما يطلبوا مني ذلك .
+ كانو عندي ملخصات هايلين نتاع دايركت و اندايركت شبيتش ونتاع اكتيف وباسيف فويس وجاو في الباك وخدمتهم والحمد لله .....هههه .
+ كنت نتبع مليح مع الاستاذة ونسالها وعندما مانفهمش حاجة مانتقلقش والحل اني نخليها و نعقب .
+ بالنسبة للفقرة مانعرفش نكتبها بصح الكلمات والعبارات لي نعرفهم نلصقهم مع بعضاهم بطريقة مليحة و كنت نعرف عبارات هايلة نديرها في الفقرة حتى يظن المصحح ان هذا التلميذ يعرف يقرا .
+ ورقة الاجابة في الباك نظمتها كيما فندق الاوراسي....ههههه. حتى يفرح المصحح ويظن ان هذا التلميذ ممتاز .
+ حذار تتقلقوا وتتركوا الفقرة فارغة فذلك لن ينفغكم شيئا فمحاولتكم ولو ببعض الكلمات احسن من تركها فارغة .
+ كي رحت نعقب الباك في هاته المادة رحت وكانني في فرض او واجب منزلي رحت في هدوء وطمانينة لاتوصف . فلم اخف او اتوتر مثل باقي التلاميذ ..والحمد لله .
+ واهم اهم اهم شيئ مازلت ماقلتلكمش عليه وهو......التوكل على الله وعدم الخوف لان الله هو المعين في كل شيئ فلم اخف او ارتبك للحظة لانني اعلم ان الله لن يخيبني ان توكلت عليه .
++ وفي الاخير اتمنى ان اكون قد نفعتكم ولو بشيئ يسير واتمنى ان تتوكلوا على ربي حق التوكل وان تنجحوا كامل في الباك العام المقبل و اتمنى ان ننفع بعلمنا مجتمعنا وامتنا الاسلامية . واتمنى ان ينصر الله اخوتنا في غزة على الصهاينة المجرمين .والسلام عليكم ورحمة الله وبركاته

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

ملييييييييح
نتمنالك المزيد من النجاحات
ربي يوفقك اخي الكريم
و شكرا جزيلا على النصائح و التوجيهات
* ممكن تعطيني برنامج الباك يعني الدروس الي رايحين نتناولوها*
اذا ممكن طبعاا
شكرا جزييييييييييلا

=========

>>>> الرد الثاني :

مبروك عليك اخي , ممكن تقولنا شحال جبت معدلك

=========

>>>> الرد الثالث :

مبروك ومشكور على الملاحضات

=========

>>>> الرد الرابع :

بارك الله فيك

=========

>>>> الرد الخامس :

انا الإنجليزية في طريق وهي في طريق
قرتها مرة فقط مع واحد الاستاذ ساعة فقط ؟ ساعدني كيفاش نعرف القواعد فقط ساعة ياودي ساعة ومكانش حوالي 25 دقيقة فقط نعم
25 دقيقة فقط علمني شويا قواعد فقط وديت 20/08
يعني انـا عام كله قريتها 25 دقيقة فقط والله ؟ حتى الاستاذ نتاع الإنجليزية متعرفنيش واصل كان معنديش كراس الإنجليزية وديت 08
يعني وش رايكم لوكان قريت كل اسبوع حصة ؟

.......... إليكم الكلام

=========

بارك الله فيك

الى كل من طلب مني الملخصات والدروس وغيرها. اسمحولي في الوقت الراهن الظروف لاتسمح لي بذلك لانه عندنا العرس نتاع خويا بالاضافة انني لااعرف كيف ادرج وثائق الوورد والبي دي اف مع الردود . الا انني ساحاول مساعدتكم في الايام القادمة ان شاء الله . وكاينة حاجة اخرى = ماتتقلقوش مازال العام كامل ويكفيكم باش تقراو واذا عندكم كتاب الانجليزية نتاع الباك ترجموا منه الكلمات المتداولة . وشكرا
+ بالنسبة للعلوم التجريبية تقراو 3 مجالات =
1 - corruption وتقراو فيه الفساد في التجارة والاخلاق في المعاملات التجارية والرشوة وتبييض الاموال . وضرورة مكافحة هاته الظواهر بانشاء جمعيات و مؤسسات.
2 - safety food وتقراو فيه حول الاغذية والاطعمة السامة والاغذية المعدلة وراثيا وتاثيرها على الانسان والبيئة .وكذلك الفضائح الغذائية في العالم .
3 - astronomy يعني علم الفلك وتقراو فيه حول الكواكب والكون والاكتشافات و التلسكوب والاقمار الصناعية وغيرها ..

+ وفي الباك الموضوع مايخرجش من هاته المجالات الثلاثة لذلك حلوا مواضيع الباك الفائتة واشرحوا مصطلحات المجالات الثلاث خاصة المجال الاول . والعام لي فات الموضوع جانا على تزوير الاموال في العالم والطرق التي يستخدمها المزورون في لذلك وكيفاش الحكومات حاربت هاته الظاهرة.... والموضوع كان سهلا جدا مثل سابقيه .
+++ والسلام عليكم ورحمة الله وبركاته .

اهــــــــــــــــــلاا

كيف الحـــــــــــأأل؟؟

اولا الله يسسخرر لاخووكك و ربي يكملهه بالخير ....راني جايةة علابالي بلي راكك حاب تعرضني ,,ههه لوول

ثانيا :جزااك الله الف خيرر فقد طمنتني لانني جد متخوفةة من اللغتين الاجنبيتين

................................

سؤالي هو انني لم احضرر ابدا للباكك فقد قضيت كل العطلةة في الراحةة و الاعرااس ....و ,,,,,

فهل هذا سيؤثرر علي ؟؟و كيف اباشرر في التحضيرر بالنسبةة لهذه المادة كاساسيات اقووم بها لضيق الوقت ..فلم يتبق الكثير

.............

تقبل مرووري و الف شكرر لك

سلاام

هند التلمسانيةة