ربي ينجحكم جاوبوني لتحضير البكالوريا
عنوان الموضوع : ربي ينجحكم جاوبوني لتحضير البكالوريا
مقدم من طرف منتديات العندليب
انا شعبة اداب و فلسفة بالمراسلة وماعرفتش كيفاه ندير للفلسفة قالولي احفظي المقالات بصح واش نحفظ وواش نخلي اذا قلت ندير تحليل نص وخلاص واش رايكم انصحوني تعيشو
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
اكبر غلطة هي تحفضي المقالات وسيرتو كي يعود الواحد ماهوش فاهم المشكلة تع الدرس
لاخاطر كون تتبدل حاجة وحدة برك في السؤال تتبدل معاها الطريقة تع المقالة
وننصحك جربي حلي المقالات والنصوص وشوفي اللي يجيك ساهل طبقيه
=========
>>>> الرد الثاني :
الا هادي الطريقة غير مديريهاش
مكاش منها حفظ المقالات وش جاك جاك تحطيها ومكيش فاهمة السؤال على واش راه يهدر
على العموم تبقى تحليل النص أسهل من المقالة لأنك تضمنين نفسك بأنك لم تخرجي على الموضوع على عكس المقالة تكتشفين الامر الا عند انتهاء الاربعة ساعات-هذا رأي أستاذي-- وانا أوافقه الرآي للذين لا يعرفون كيفية التصرف مع كتابة المقال ---
والآن قومي بحفظ بعض المقولات للفلاسفة وألقي نظرة على الدروس وبتمعن
باش كديري تحليل نص تكون عندك معلومات صالحة للإضافة
والله أعلمــــ
=========
>>>> الرد الثالث :
شكرا جزيلا انشاء الله تنجحوا
=========
>>>> الرد الرابع :
أنا كيف كيف يا أختي حت أنا بلمراسلة أدب و فلسفة ننصحك أحفظي عقد ما تقدري مقالات خير
أو ربي أنجحنا كل إن شاء الله
=========
>>>> الرد الخامس :
طيب علاش تحفظ مقالات ؟؟
روحي سقسي أي أستاذ ويقولك ممنوع تحفظي مقالى لأنها تكون مركزة على جانب واحد
على سبيل المثال تحفظي مقالا تع الاحساس برك
وفي السؤال يكون يهدر على الاحساس والادراك بطريقة غير مباشرة
والله ااذا حطيتي مقالة الي راكي حفظتها وتكون طبق الاصل على المصدر الي جبتيها منو
في التصحيح 0 مش 0 مي 2 أقل نقطة على طول وبلا نقاش
=========
افهمي متحفظبش و ربي يسهل لينا
لا لحفظ المقالات يجب المراجعة و قراءة جلها وفهم المشكلة التي تعالج فيها
