ماهو الافضل ايّام الباك للمجربين ؟ باك ادبي
عنوان الموضوع : ماهو الافضل ايّام الباك للمجربين ؟ باك ادبي
مقدم من طرف منتديات العندليب
السلام عليكم ورحمة الله
للمجربين الباك ماهو افضل في ايام الإمتحان البقاء في المركز أو الرجوع إلى البيت بين العشرة ونص والثلاثة ؟
لانني بعثت بعيدة نوعا ما عن المركز ولم اعرف كيف أفعل ابقى هناك أم ارجع إلى البيت خشيت من تعب الطريق .وخشيت من طول البقاء هناك.
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
انصحك اختي كي تكملي رجعي للبيت مباشرة في تاكسي احسن لك تروبوزي شوي و تلقي خاوتك ماماك باباك يتلعولك مورال.
=========
>>>> الرد الثاني :
اضحكتيني اختي ...حنونة انا مزوجة ووالدتي بعييييييييييدة علي ..
على كل حال شكرا على النصيحة ولكن مانتعبش كي نرجع لدار ومن بعد نعاود نرجع للثانوية .؟
=========
>>>> الرد الثالث :
هل من ناصحين .؟
=========
>>>> الرد الرابع :
اختي تستطيعبن التفاهم مع زوجك ومشاورته وهو يدبرها وسيجد لك حلا فهو ادرى بمصلحتك
=========
>>>> الرد الخامس :
ختي انا مش مجربة مي في رايي الافضل كي عدتي بعيدة تقعدي فالليسي علاخاطر الطريق راح تعبك وممكن متقدريش تخدمي مليح فالاختبار الثاني
وربي يوفقك ويوفقنااااااا
=========
انا تاني والله بعثوني نفوت في طرف الدنيا بلاصة بعيدة بزاااااااااااااااااااااااااااف وراني ناوية نرجع للدار اصلا ماعندي وين راح نبقى
ان شاء الله هذا التعب كامل يتوج بالنجاح وربي يوفق الجميع
شكرا لكم ربي يوفقكم
ولكن وين المجربين ؟
اخي القارئ الجزائري اصلا زوجي هو الذي طلب مني سؤال الاعضاء...
خفت نرجع نتعب ونندم من بعد وخفت نبقى ونتعب ونندم تاني ماعرفتش كيش نعمل
وفي مكان الإمتحان مايتركوناش الداخل ؟ يخرجونا ؟
ربي يهديهم الظاهر كامل بعثونا لطرف الدنيا..انا نهار جوزتو قبل سنواتبعثوني قريبة جدا ...
انا اول مرة رح نجوز وتاني بعثوني بعيدة على دارنا لكن انا راني ناوية نرجع للدار بابا يوصلني
وانا ننصحك ترجعي للدار على خاطر عندنا وقت بزااف عندنا 4 سوايع تقدري تروحي للدار وتريحي واذا بقيتي في الليسي تعياي والله
والمورال يهبطلك على خاطر تبقاي غير تخمي كيفاش حليتي الصباح وكيفاش رح تحلي العشية مي في الدار تلتهاي شوي
اختي انا مجربة وافضل نصيحة نقدمهالك ارجعي للدار انا تاني لعام لي فات كنت في ليسي بعيد عليا بزاف بصح كنت نرجع لدار ونروبوزي شويا ونراجع نورمال وتاني هاد لعام راني بعيدة على دار وغادي نرجع لدار اتمنى نكون افدتك وربي ينجحنا ان شاء الله
عفوا اختي لم اكن ادري انك متزوجة و لهذا انصحك بالرجوع الى البيت تروبوزي شوي ماتتوحشيش وليداتك هههههههههههههههه انا امزح.
أختي نصيحة من أخوك ترجعي لبيت لانو لوكان تقعدي في الليسي ما تبقايش مركزة على المادة الجاية على 3
وزيدي لوكان تلقاي البنات تما يدوخوك ( أن درت هكا ونتي .. يو خلايا هذا غالط ... يوقع فيها البكا والنديبhttps://3andlib.xplainer.net/images/smilies/1.gif ) والله يطيحلك المورال
تروح تروح ختي تروبوزي تحط راسها شويا أومبعد على 2 تروحي تفوتي الامتحان
ونصيحة أخرى ماتحوسيش جبتي هذاك صحيح ولا غالط ، جاوبتي خلاص أطوي الصفحة تاع المادة هذيك وشوفي للقدام
https://3andlib.xplainer.net/images/smilies/dj_17.gif انا لاحوني بعيد بزاف بزاف على دارنا راح نبقي في مسجد قريب من مركز الامتحان نظن هاذي فكرة مليحة يارب النجاح للجميعhttps://3andlib.xplainer.net/images/smilies/mh31.gif
اضحك الله سنك ..ربي يجازيك خير وويوفقك
المشاركة الأصلية كتبت بواسطة nounette https://3andlib.xplainer.net/images/...s/viewpost.gif
انا اول مرة رح نجوز وتاني بعثوني بعيدة على دارنا لكن انا راني ناوية نرجع للدار بابا يوصلني
وانا ننصحك ترجعي للدار على خاطر عندنا وقت بزااف عندنا 4 سوايع تقدري تروحي للدار وتريحي واذا بقيتي في الليسي تعياي والله
والمورال يهبطلك على خاطر تبقاي غير تخمي كيفاش حليتي الصباح وكيفاش رح تحلي العشية مي في الدار تلتهاي شوي |
ربي يجازيكم خير ....صدقت هذا ما سافعله بإذن الله ....بالتوفيق
