كلمة حق عن تسريب الأسئلة عــاجل بكالوريا ادبي
عنوان الموضوع : كلمة حق عن تسريب الأسئلة عــاجل بكالوريا ادبي
مقدم من طرف منتديات العندليب
السلام عليكم
لم أجد ما أبدأ به كلامي إلا بكلمةالا ربي يهدينا هذا واش حاب نقزل ربي يهدي أنفس الضعيفة لي تنشر في الكذب الذي يتحول الى حقيقة يصدقها المسكين التلميذ المغبون على أمره ؟ كيف تتسرب الأسئلة ؟ هذا سؤال محير ؟ هل الوزارة غبي أو نائمة أم ...؟ أم أن التلميذ الجزائري تطور في الغش ودخل عالم الكواليس من بابه الواسع ؟ أم أن تلاميذنا إحترفواا شيء جديد2016 وهو الكذب الذي يصبح إشاعة حقيقية في ظرف دقيقة واحد في الجزائر كل ماشي كيما قال لطفي نعم في دقيقة واحدة ما كالها ندخلواا في تفاصيل .
خلاصة القول :
- الأسئلة الخاصة بمادة التربية الإسلامية يا طنوها كانت متوقعة من قبل الغبي قبل الذكي يخي طنوها راهي باينة كاين موضوع واحد ماداروهش ؟
-ر بالنسبة لموضوع الفلسفة خاصة بالشعب العلمية باينة هما تاني 4 سنوات هما يستناو في الموضوع تاع المشكلة والإشكالية أسهل موضوع 100/100 يطيح غدوى؟
- أما با قي المواضيع فهي مجرد تكزان من طرف الشعب عفوا الفاهمي------
--------------
في قسنطينة حسب بعض لمعاليم قالك الموضوع تاع الفلسفة على النحو التالي :
1- مقارنة بين المشكلة والإشكالية 100/100 طيح راه 4 سنوات وهما يستناو باش تطيح وجا نهارها
2- هناك إحتمالين * واحد يقولوااا موضع عن الرياضيات هل أصلها عقلي أم تجريدي ؟
هذا ما ياكد ما كنت أقوله من قبل هي مجرد إشاعات وما تامنوش كلش فيقوا شويا وما تكونوش مطنهين وغدوا بربي إن شاء الله يبان الصح
أيا باي ربي يوفقكم وما تنساوش ماديروش عليهم إنها مجرد إشاعات هدفها زعزعة تركيز التلاميذ ربي يكون في عونكم
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
الباك تسرب 100/100 البوم الصياح اختو لصاحبي جابلها خالها موضوع تع الشريعة قدام الباك بـ ساعة
=========
>>>> الرد الثاني :
اختي كل شيئ ممكن .. مالازمش تثيقي فيهم ثقة عمياء
لاننا في عصر رهيب و الناس تع الفوق ما يخافوش ربي
خو فلان وفلتان .. وتع لافامي هوما اللولين اللي يسبقوا فيهم
المهم احنا ما نستناو مزية حتى واحد
والتوفيق من الله وحده
=========
>>>> الرد الثالث :
راني معاك ياختي 1000/1000
ماكانش منها حكاية الباك تسرب
انا في روحي شفت بيني السوجي الي يحكو عليه نتاع الشريعة وهو مجرد توقعات الاساتذة اللي مادوهالنا
بحيث انو ماشي سوجي مي ورقة مكتوب فيها الاسئلة ومطبوعة على الاف التلاميذ المساكن
المهم هاذوك التوقعات كامل نعرفوهم قبل وحت انو جات في التوقعات اللي تسربت انو كاين حجة الوداع والقياس وماشفنا حتى شئ من هادو
=========
>>>> الرد الرابع :
مشي حق عليهم خدموها بلعاني لحبابهم وصحابهم.......يا حياة ويا خي bac 2011
=========
>>>> الرد الخامس :
يا اميرة الجزائر منيش حابة نطيحلك المورال مي لي يسمعك يقول مكيش عايشة في الدزاير هذي مشي حاجة جديدة
صح التربية الاسلامية كانت توقعات وشبه اكيدة يعني بلا مايتسرب السوجي كنا عارفين تقريبا وش كاين بصح الفلسفة بالنسبة ليا انا لغات مشي بالصدفة قالولي كاين المشكلة والاشكالية وكاين اللغة والفكر والمنطق تحليل وطاح صح هكداك ههذي قبل مايحطونا السوجي بخمس دقايق سمعتها وحتى التربية الاسلامية في الطريق سمعت بالوقف والربا والصحة النفسية والجسمية والكفالة والتبني والقيم في ميزك هذي لي قالتهم هكا كامل بلا ماتغلط شافتهم في المنام ولا تقرا الطالع ونزيدك حاجة كاينة وحدة باباها طالع السوجي عرفاتو في الليل وعندها 5 دقايق برك كنت نهدر معاها قاتلي كاين trabajo infantil w educacion في الاسبانية وغدوى نشوفو اذا صح ولا لالا
وباش يكون في علمك هذا التسرب مهوش لان الوزارة غبية او لان التلميذ ذكي ولكن هي لاسباب سياسية اذا موالفا تبعي السياسة خمي فيها ...... بالتوفيق لغدوى في الاسبانية والالمانية
=========
ما يأكد من قناعتي ان الباك تسرب هو انه لأول مرة يحدث ما جدث هذه السنة باستثناء سنة 1992 ...
لماذا لم يتكهن التلاميذ و الاساتذة الاعوام الماضية ؟
و لماذا تضهر هاته الاسئلة بالتدقيق و ليس احتمال ؟
في الامر ان و اخواتها على كل حال نتمناو التوفيق للجميع
تسربت الاسئلة فعلا صديقتي بعثت لي وقالت لي الاسئلة وكما قلتها صح و بالتفصيل
