قصة تلميذ لغات أجنبية تحضير بكالوريا
عنوان الموضوع : قصة تلميذ لغات أجنبية تحضير بكالوريا
مقدم من طرف منتديات العندليب
https://3andlib.xplainer.net/images/smilies/dj_17.gif
السلام عليكم
أنا تلميذ شعبة لغات أجنبية هادا العام الثاني نتاعي اللي نجوز فيه الباك
العام الماضي كنت شعبة علوم تجريبية و ماكنت لاقي روحي فيها و بعبارة أخرى كنت قاطع الأمل باش ندي الباك
العام بأكمله ماكنتش نقرا من نيتي كنت إدماني على الأنترنت
كنت نفهم المواد الأدبية برك ...........
كنت أعاني من المواد الأساسية.....الرياضيات فالباك جبت 1 علما أنني عاودت كتابة الأسئلة فقط.و العام بأكمله كنت نجيب 0
الفيزياء 2
العلوم 8
لكن الفرنسية ماكنتش نهبط تحت المعدل .... 13 ...... 14 == و الانجليزية كنت أنا الأحسن في القسم== اللغة العربية كذلك كنت أنا الأكبر نقطة في القسم
كنت دائما مديموراليزي و فاقد الأمل و جوز الباك بدون ذوق ولا معنى المهم كنت نحوس نكمل العام و نروح للدار نرتاح
المهم لحقت لـ 05 جويلية موعد النتائج و ماديتش الباك بمعدل 8.و نووووورمال كنت عارف روحي زعفت برك كي شفت صحابي اللي عياو العام بأكمله في الدراسة و ماداوهش
المهم راحت أيام و جات أيام و لحقنا للدخول المدرسي و رحلت لمدينة أخرى )الى بشار( مع العلم أني كنت في )أدرار( حيث عشت تما مدة 12 سنة كنت كاره حياتي...معليش مكتاب ربي هاداك
نكملو الحكاية كي تبدلت البشار )بلادي حيث ولدت( بديت نفكر في العام هادا كيفاش يفوت واش كيما العام اللي فات ولا لازم نكون أحسن
نختاصر شويا https://3andlib.xplainer.net/images/smilies/biggrin.gif
المهم علمت نقطة قوتي وبدلت الشعبة الى لغات أجنبية
العام بأكمله قمت بأبسط مجهود بالنسبة لمترشح للبكالوريا و لم أراجع دروسي الا في ليلة و صبيحة الامتحان ماعدا الرياضيات اللي كنت نحضرليها من قبل أسبوع
و مع ذلك لاباس خدمت في البكالوريا و ان شاء الله خير
و ربي يوفقنا و يوفق جميع المسلمين و المسلمات
و إن شاء الله نفرح أمي
هذه قصة حياتي الدراسية التعيسة قبلا و السعيدة بعدا
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
ربي ينجحك أخي
=========
>>>> الرد الثاني :
الله يوفقنا و يوفق جميع المسلمين و المسلمات
=========
>>>> الرد الثالث :
ديما يقولك الانسان المناسب في المكان المناسب
=========
>>>> الرد الرابع :
خخخخخخخخخخخ نيشان
=========
>>>> الرد الخامس :
ربي يعطيك ماتمناي خاصة الزوج المناسب
=========
آمين
و إن شاء الله ندو الباك و ربي يوفقنا في حياتنا الدراسية و الزوجية
عاودتوا ليبر ؟؟
ربي ينجحك وينجحنا نشالله
الله يوفقنا و يوفق جميع المسلمين و المسلمات
لا لا يا خويا عاودتو نورمال )متمدرس(
الله يوقفنا للنجاح ..... اميين
ربي يوفقنا كامل ان شاء الله
الله يوفقنا و يوفق جميع المسلمين و المسلمات
