للأحرار فقط بكالوريا ادبي

عنوان الموضوع : للأحرار فقط بكالوريا ادبي
مقدم من طرف منتديات العندليب

لماذا دائما الاحرار ضعفاء النتائج بينما نسب النظاميين عالية جداً
ومن الواقع الحر مثلا خمس سنوات متتالية ولا ينجح دائما (والعاقل هنا يقول إن هذا الشخض قد حفظ الباك بل شربه وأكله)
وفي المقابل النظامي في عامه الاول لا ينجح فحسب بل يكون ذا معدل كبير

والسؤال الان

1هل الاحرار أغبياء والنظاميون أذكى منهم

2هل النظاميون أكثر خبرة من الاحرار

3هل أثر فيهم السفر إلى مراكز الامتحان البعيدة وجلوسهم في الشمس الحارة وهم يتسكعون بين المقاهي لأجل

ظل يقيهم الحر بينما يقيل النظاميون في بيوتهم

5هل الاساتذة حقارون

6هل الاساتذة مأمورين وموجهين في التنقيط

7 هل تنقيط الاساتذة يبقى على حاله أم يغيره الوزير وأسياده

8 هل الاحرار وخاصة الكبار منهم وهم الغالبية ((بقى لهم الما يحما ـــ ومن بعد ما شاب علقولوا كتاب )) وعليه الوزارة

لا تحتاجهم فهي تقهرهم وما عليهم إلا أن (( يسرحوا بمعيزات ولا يضربوا البالا والبيوش))




وهل وهل ........


أسئلة نريد الاجابة عليها

وإذا كانت هناك أسئلة أخرى نريد طرحها لنعالج هذه المهزلة

وماهي الحلول في رأيكم أم أننا هرمنا من أجل هذه اللحظة التاريخية كما قال التونسي


>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

خخخخ يا أخي و الله حنا هرمنا تاع الصح ديجا العام الماضي كنت نقول هرما الوغ هنا ....
-بالنسبة للذكاء و الغباء ماذا تريدني ان اقول انا عندي مبدأ نأمن بيه و لم يتغير و لن يتغير مهما تغيرت الاحوال من لي كنت نجيب معدل 18 و 17و16حتى كي لخقت ل 9 من ايام كنت الاولى الى ايام كنت الاخيرة و هو كلنا سواسية كلنا قادرين مكاش واحد حمار و مكاش واحد اذكى من الاخرين و الا لما الله يحاسبنا ؟

ثم صحيح النظامين لهم نقاط احسن من الاحرار و لحد الان مازال ماشفتش حر تحصل على 18 لكن ما لا يجب نسيانه هو الاحرار كذلك كانوا نظاميين و صراحة أخي دوكا ماهي الاسباب لي خلاتهم يلاحقوا يعاودوا الباك لكل أسبابه لذلك لايكننا التعميم

بل على الارجح الاسباب راهي فردية

2- هل النضاميون أكثر خبرة من الاحرار
أسباب فردية

3-أكيد اذا تكون عيان و الله ما تخدم مليح و الله راني نتساءل مرات وين راني رايحة نجوز لكن لا يجب ان نجعله حاجز امامنا فمثلا دوك تطلع للجامعة وراح يبعتوك تقرا في اماكن بعاد معنتها جوز اختباراتك في اماكن بعاد يعني لازم من الان نوالفوا او نلقاو طريقة للعمل رغم التعب

4-اما الاساتدة كاين لي ماشاء الله وكاين لي حقارين حتى للتم انا رغم انني كنت نظامية لكن حقروني في الرياضيات و الادب نحاولي نقاط تاع لكان مرانيش غاع هنا لكن واش حبيتني نقولك الله رأى خيرا في الاعادة و حتى انا رأيت انه قرار أحسن رغم ...
لذلك اقول لك أتوكل على ربي وخلاص و ادعي ربي ورقتك طيح عند أستاد يخاف ربي لان كاين عباد ميعرفوهش

5-الان أصبحت اوراق النظاميين تصحح مع الاحرار يعني ماتخافش على نقاطك

6- و الله دائما نتساءل هذا السؤال هل النقاط يتم التلاعب بيها خصوصا نقاط الاوائل و اذا كان كاش حر جاب مليح زعمة ينحيولوا نقاطه والله أعلم في الاخير ليس لنا علم بهذا و في الاخير نتوكلوا على الله

7-ربما كان الالم هذا سبب في ان نتائج الاحرار ادنى من نتاىئج النظامين فالنظامي يجي فرحان اول مرة يخدم الباك شعال عندوا و هو يسنى في هده المناسبة و يمد كل ماله اما الحر مسكين مغبون جوز الصيف كامل و هو نادم على واش دار و يقول لارم نخدم مليح و ملنا نعلم كيف هي ترجمة لازم للعقل هههه يتدمر و كثيرة هي الافكار السلبية التي تراوده لكن غير يتغلب عليها و ينحيها و يحاول يكون ايجابي خلاص
اما عن عدم احتياجها لهم يا أخي واش نقولك أنشتاين ماجابش الباك و كاين لي جابوه بتميز وماداروا والوا في حياتهم و لكن العالم مازال لحد الان ما لقاش انشتاين وحداخور



في الاخير أقول لك انت راك بنتلي في عهد السلبية هههههه و هذا المكان جزت عليه انا في الصيف ارهقني التفكير بمثل هده الاشياء لكن واش حبيت نقولك ان العمل هو الشي الوحيد اللذي يجب ان تصوب تفكيرك فيه
و يجب علينا تحمل مسؤولية كل شي اذا جبت نقطة ماشي مليحة تحمل مسؤوليتك و علابالك بلي الباك التصحيح تاعوا مزير يعني واش حبيتني نقولك انا عربية طيرولي 4 نقاط على جال وشنوا اني هذاك اليوم كتبت بخط معوج و اتذكر انني يوم جوزنا عربية تلاقيت بأستادة علوم قلتليها كيفاش يصححوا علوم انا مانفهمهومش قالتلي خطرة تلميذ كتابة غير مفهومة يباريو ديركت كلمة علمية معوجة شوية يباريو ديراكت

و فهمت بلي الغلطة تاعي كذلك الرياضيات اتذكر انني غزافيت الاوراق لكن ورقتي التمثيل لم ألصقهم و أكيد انه السبب في ضياع نقطتين و تعلم انني كي كنت نجوز كنت دايرة تمثيل و قطعتوا من سوجي جات ليا الاستادة قالتلي لالا عاودي ارسميه في ورقة مليمترية لان الاستاد المصحح يقدر يشك يقول هذا كاش استاد دارهولك لاننا نتوقع كل الاحتمالات
ثم كي خممت مع روحي لانني كنت متأكدة نقطتي 12,5 بعدما رأيت التصحيح الا انني فوجئت ب 10,5 و فهمت بلي ما. صحوليش تلك الورقتين


يعني في الاخير يجب ان لا تعطيهم اي سبب في اخد نقاطك و حاول قدر المستطاع تدير اجابات نمودجية و تصحح لنفسك كي تحل البكالوريات
ستلاحظ الكثير من الاشياء فمثلا المصحح ماراهوش مكونسونتري مع واش راك تحكي بل هو فقط يدير مقارنة بين اجابتك و الاجابة النمودجية


و راني نقولك حاجة ياك تعرف بلي لا مانع لما أعطى الله و لا معطي لما منع الله بلي اذا كانوا الناس يظلموا ربي ما يظلمش بلي من يتق الله يجعل له مخرجا
يعني اذا ربي كتبلك ورقتك طيح في يد عباد يظلموا تطيح و له حكمة من ذلك و انت الوحيد القادر على معرفة هذه الحكمة و اذا ربي حابك تنجح راح تنجح وواحد ما يكون حاجز امامك

=========

>>>> الرد الثاني :

ماكانش قاع منها هاذ الهدرة انا نعرف احرار جايبين 16 ؟؟؟ اكيد مشي بلارقاد بالخدمة .... و ماكانش منهاهاذي تاع التنقيط و منا هي صح يزيرونا احنا الاحرار اكثر من النظاميين مي اللي يوجد روحو مليح ماكان لاه يخاف مهما ينقسولو يبقى ضامن التفوق

=========

>>>> الرد الثالث :

أسئلة نريد الاجابة عليها


الجواب هو السي بن بوزيد

كيكان شاد وزارة التربية

كان يحب يستعرف بالنضامي


لانو نسبة النجاح تحسب للنضاميين وليس للاحرار

هو يستعرف غير بالنضاميين


والاحرار ماذابيه واحد ما يطلع





هاذا هو السبب لا غير

=========

>>>> الرد الرابع :

انا نعرف بلي للي يتعب ينال وان شاء الله ربي يوفقنا

=========

>>>> الرد الخامس :

رانا عارفين بلي الي يتعب ينال


مي الاحرار تتعب ولا ماتتعبش ماكش رايح اتنال


انت وزهرك

=========

أنا لم أطرح التساؤلا لأني سلبي ومتشائم كما قال البعض بقدرماأود من الاخوة اثراءالنقاش حتى نصل إلى حل ملموس لهذه القضية

ثم من قال أن الاحرار كانوا نطاميين هكذا على الاطلاق بل إن معظمهم أكملوا مشوارهم بأنفسهم عن طريق المراسلة بالجهد

الشخصي ولا تسأل عن سبب التسرب لان معظم المتسربين لهم الاسباب المنطقية فليس كل من تسرب حكمنا عليه بالفشل

فهل يكافؤ هذا المثابر بالتمييز بينه وبين النظامي

مع احترامي للنظاميين لأن معظمهم أذكياء ونجاحهم نجاحنا وحزنهم خزننا


وفي الاخير ماهي المشاكل الحقيقية وأين هي الحلقة المفقودة حتى نصل إلى الحلول

وإليكم هذاالسؤال لمراجعة الطريقة الجدلية

هل التمييز بين النظاميين والاحرار حقيقة علمية أم وهم في مخيلة الاحرار