الباك خلاص راح :'( تحضير بكالوريا
عنوان الموضوع : الباك خلاص راح :'( تحضير بكالوريا
مقدم من طرف منتديات العندليب
السلام عليكم :
البارح كارثة في الرياضيات ما درت واااااااااااااالو غير حشمت نردلهم الورقة فارغة واليوووم دمرونا في الفلسفة حسبي الله ونعم الوكيل حفظت كل الاشكالية الثانية وحفظت الاشكالية الاولى منها الشعور واللاشعور والذاكرة والخيال واللغة والفكر وحفظت الرياضيات ، استاذتنا كانت قالتنا بلي ما يحطوش العادة والادراك والله البارح كنت راقدة حتى عيطتلي صاحبتي قالتلي بلي الموضوع بان وراهم دايرين الحقيقة جدلية والشعور واللاشعور استقصاء بالوضع والاخلاق نص انا باش نتاكد رحت عيطت لاستاذتي وقالتلي ايه صح انا تاني درك قالولي رحت حفظت الشعور واللاشعور وقلت درك خلاص كي يحطولي استقصاء على الشعور ندير المقالة ولا ما فهمتش السؤال ندير نص باسكو الاخلاق جاتني ساهلة اليوم دخلنا فرحانين ومتاكدين بلي الشعور باسكو استاذ قالهانا وهذا الاستاذ كل عام يقولهم المواضيع وتنحط الا هذا العام اعوذ بالله ، امالا كي جابو المواضيع انا شفت من بعيد النص طويل عرفت بلي الدعوة مراهيش تبشر بالخير كي عطاو المواضيع بداو بالصف الاول وانا نقعد في الصف الثاني انا سقسيت وحد طفلة قلتلها واش قالتلي الاخلاق ههههههه انا فرحت قلت مزية ياربي هما عطاوني الموضوع وصدقوني يا خوتي والله العظيم شوية ونتغاشى حاجة ملي كنت حافظتها ما نحطتش والله فوت 3 ساعات ونص غير بكى والله العظيييم والاساتذة يسكتو فيا ويقولولي معليش هذا عاد عامك الاول وعوضيها فمواد واحد اخرين قولولي فاي مادة نعوض واحنا كنا نستناو فالفلسفة باش نعوضو النقص وحتى واحد من الثانوية نتاعنا ما خدم الناس كامل خارجة تبكي واللي متغاشي ..... ما كناش قاع نتصورو هاذ الاسئلة وخصوصا كانو قالونا بلي من كل اشكالية ينحط سؤال ، انا ما لقيت عليها وين درت السؤال تاني ودرت نسبية البراغماتيين ومطلقة عن العقل وكي سقسيت الاستاذة قالتلي خطأ ماشي البراغماتيين وقسما بالله يا خوتي المقالة نتاع الحقيقة الاستاذة قاع ما دارتهاناش انا درت غير من راسي بصح قالتلي الاستاذة يعطوك 4 على طرح المشكلة و4 على حل المشكلة قالتلي جيك 8 مع الموقف الثاني وسلامة اللغة بلاك جيك 10 ، والله يا جماعة كان الامل نتاعنا كله فالفلسفة مي درك كي خطاتنا من الفلسفة محال الباك ديجا الرياضيات صعبوهانا واليوم الفلسفة صدمة قسما بالله وشحال من واحد يقرا معايا حلف بلي باش ما يوليش ويكمل الامتحانات ، بصح والله حرااااااااااااام عليهم مزال يخلصوا وحاجة باينة بلي التاريخ والجغرافيا رايحين يحطمونا تاني حسبي الله ونعم الوكيل وكان غير ما حفظتش والله ما تغيظني بصح والله كنت نحفظ وسمحت فكل المواد وكنت غير مع الفلسفة وكنت ندير une nuit blanche ما كنتش قاع نرقد وصدقوني التاريخ والجغرافيا مزال ما حفظتش كنت لاهية غير مع الفلسفة والعلوم شرعية رغم اني ما حفظتش بصح ساهلة واليوم الفلسفة كارثة والله العظيم لدرك ومزالني نبكي والله حرام عليهم ضيعوناا
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
اختي من فضلك تعطيني واش جاكم في ا لموضوع الاول والثاني من فضلك
=========
>>>> الرد الثاني :
yakhetii wéch t7abii 3andna tanii kayen lii tghachaaaw bezaf w li kharjoo yebkooo mais langue daroholna sahel w seyii 3awdiha khetiti fel mawad lokheriiin
=========
>>>> الرد الثالث :
اتفضل
الموضوع الاول : هل التكيف مع الواقع يتحقق بالعادة ام بالارادة؟
الموضوع الثاني : قيل : ( إن الحقيقة نسبية ) . اثبت صحة هذه المقولة
=========
>>>> الرد الرابع :
جماعة شكون لي يفهم في فرنسي اداب وفلسفة بلييز انا خيرت النص
=========
>>>> الرد الخامس :
لي يعرف حاجة على الاسئلة فرنسي يحطهنا اداب وفلسفة
=========
مشكوووووووورة رجاء
زيدي قوليلي النص على واش جاكم ؟؟
وربي يسهل عليكم باقي المواد انشاء الله
صراحة الموضوع الاول صعيب بزاف المهم ربي يوفقكم ان شاء الله ومتتكلوش على توقعات الاساتذة بزاف لان اي واحد يخطآ ويصيب
خويا هاهو الموضوع شوفو
https://im41.gulfup.com/x4SCp.jpg
العادة والارادة + الحقيقة وتقولو صعيب يا سبحان الله
المشكل انكم تعتمدون على توقعات الاساتذة وهم يكذبو عليكم
في الفلسفة يمكنك الحصول على الاقل 10 بمجرد مراجعة الدروس وليس حفضها حرفيا
بالتوفيق لكم
يااو انا واش نقووول - كرشي ولات توجع من القلقة الله لا يتربحهم
chouaib 02
***
خويا لا توجعك كرشك لا راسك تبعني :
الفلسفة يمكن تعويضها و الفرصة امامك متستسلمش اخدم في الفرنسية + الاجتماعيات + تعاونك العلوم الشرعية +سبور والله تعوضها بسهولة
مابقاش خويا حاول برك وفيها خير
السلام عليكم
الموضوع الاول ينقسم الى
ا-العادة تكتسب بواسطة الادراك
ب-العادة لا تكتسب بالتكرار وحده بل لابد من الوعي
ج-العادة وليدة التكرار و الوعي
اما الخاتمة
ان التكرار هو العامل الجوهري و المباشر في اكتساب العادة بينما الارادة و الوعي و الاهتمام هو العامل المتمم و الغير مباشر في تكوين العادات
ربي ينجحكم كامل ان شاء الله و ممكن تعوضو راجعو تاريخ و جغرافيا و اليوم ف الفرنسية ان شاء الله خير
الاسئة جد سهلة وممكن من القلقة والتوترو الخوف تبانلكم رواحكم ماخدمتوش مي نتوما خدمتو ماعرف
مازالت الاجتماعيات
ان شاء الله تعوضو بيها الفلسفة لي ماخدمش فيها
ديرو ربي في قلوبكم
نتوما تبانالكم ساهلة ارواحو في بلاصتنا وشوفو ، حسبي الله ونعم الوكيل فيهم
