استفسار خاوتي في علوم وتقنيات النشاطات البدنية والرياضية مسابقة جديدة
عنوان الموضوع : استفسار خاوتي في علوم وتقنيات النشاطات البدنية والرياضية مسابقة جديدة
مقدم من طرف منتديات العندليب
خاوتي أنا بعتوني علوم وتقنيات النشاطات البدنية والرياضية والحمد لله قالولي بزاف بلي مليحة وان شاء الله تكون صح
بصح خاوتي محوس نسقسيكم قريت بلي فيها un teste أولا وراني محوس نقوللكم واش يديرولك في هذا teste ؟؟
صحابين سبور جاوبوني الله يستركم
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
وين لاحوك وشمن بلاصة ؟؟؟؟
انا حاب نديرها في دالي براهيم ؟؟؟ واش لازم معدل ؟
=========
>>>> الرد الثاني :
داروني في المسيلة والمعدل الادنى فيها 11.09.
خويا علابالك واش يديرو في الامتحان le teste ؟؟؟؟
=========
>>>> الرد الثالث :
اهلاااااااااااااااا
انا مدوهالي في باتنة معدل القبول تاعهل 11.77 (راني طفلة يا خي ماعليش)
غدوة راح نروح للامتحان
قالولي بلي لمتحان كيمة نتاع الباك
(جري .قفز جلة .......))
وبالاك فيها اسءلة شفوية(ماشي متاكدة .ومافهمتش واش راح يسقسيونا )
ربي يوفقكم
=========
>>>> الرد الرابع :
صح نورمال ختي خنا تاني كاين لبنات معانا
انا تاني غدوا راني رايح وراني خايف من الائلة الشفوية كاش معرفتي نماذج عن الاسئلة قوليلي بصح والله غير راني حاير صح كاين منها ختي بلي يقدرو ميقبلوكش ؟؟؟؟
=========
>>>> الرد الخامس :
هذا التخصص مليح مي بصح تاع معارف بيناتهم .
.لكان انت بعتوك لولايتك و تقدرا هذا التخصص في ولايتك فمبروك عليك ..لكن اذا انت تقرا هذا التخصص خارج ولايتك فلن يقبلوك لأنها بيناتهم و تاع معارف برك .تاع ولاد الحومة و الولاية
=========
هيه كاين منها لوكان مايقبلوكش الجامعة اللي توجهت ليها هي اللي تعاود توجهك لتخصص من الرغبات العشرة اللي درتهم
والسبب انو مايقبلوكش انو يلقاو عندك مشاكل صحية مثلا اعاقة ولا مرض مزمن كيمة القلب ولا السكر منو لهيه يقبلوك كي يشوفوك تقدر تجري
وتقفز ودير كلش
اما انا الحاجة اللي محيرتني هي الاسئلة الشفوية قالولي ممكن تكون وممكن ماتكونش
واذا كانت تبالي يسقسيو على الثقافة الرياضية كيمة قانونالرياضات مثلا عدد اللعبين ووقت كل لعبة
انا والله مافهمت راح نخليها على ربي وفرات
