نصائحكم إلى قلب محروق اعلان توظيف
عنوان الموضوع : نصائحكم إلى قلب محروق اعلان توظيف
مقدم من طرف منتديات العندليب
والله اكتب هذه السطور والدمعة على خذي
انا اجتزت الباكالوريا في 2016 وجبتوا ب 12 ودرت بيولوجيا مع العلم ان حلمي هو الطب وعاودتوا هذا العام وجبتوا ب14 مع بعض الظروف التي حرمتني من تحقيق حلمي وهذا العام درت المدرسة التحضيرية للعلوم التجارية والتسيير والاقتصاد ومازال حلمي مستمر في الطب وانا في حية من امري ان كنت ساعيد للمرة 3
احيانا اتسائل ماذا افعل لو لم استطع ان احقق حلمي واحيانا اقول مالي والطب الذي اعلم مصيره بعد 7 سنوات من الدراسة الصعبة المسابقة يدخلونها حوالي 3000 شخص وينجحوا حوالي 250 فقط
احيانا اتسائل ما الذي يمكن فعله في هذه المدرسة وهل العمل فيها مضمون
والله انا في حيرة من امري فارجوا المساعدة لاني خائف ان لم احقق حلمي ان يراودني طيلة عمري و يبقالي عقدة
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
خويا تبانلي تعاود الباك للمرة 3 راك تضيع في الوقت لي بالاك تقدر تدير فيه حاجات وحدوخرين بالاك ربي راهو كاتبلك الخير في هاد الشي و المستقبل ماشي غير في الطب و تفكر دايما بلي ....ليس كل ما يتمناه المرء يدركه***تجري الرياح بما لا تشتهي السفن.....
انا متلا كان حلمي نقرا لغة انجليزية كنت ممتازة فيها و في الاخير مدولي فرنسية و هادي هي الدنيا .....و هذا مجرد راي
ربي يوفقك لي فيه الخيير
=========
>>>> الرد الثاني :
salam je tu conseille de le refaire et tawakel ala allah . c'est comme mon cas j'ai obtenu mon bac en 2010 avec 14 .00 de moyenne et mon rêve était de faire médecine après je le refait en 2011 et je l’eus avec 14.27 après je le refait pour la 3 eme fois en 2012 et je l’eus avec 15.63 et je suis inscrit en Médecine wa lilahi al hamed salam
=========
>>>> الرد الثالث :
دير في بالك بلي 99 بالمئة من الناس حلمهم الطب لكن 0.99 هوما الي يحققو هذا الحلم لانو ماشي كل الناس راح يوليو اطباء اقرا واش كتبلك ربي وانسى موضوع الطب خلاص
=========
>>>> الرد الرابع :
سبحان الله حالتك كيما حالتي انا تاني عاودت الباك هدا العام على جال الميدسين وجبت 15.01 مي ماعطاوهاليش ...................ما نخبيش عليك بلي راني محطم اكتر منك وانشاء الله نعاود للمرة الثالثة وبربي غير الميدسين الي نديها ...............ونصيحة مني حبس مين الهدرا نتاع 7سنين ومسابقة ..على خاطر الانسان ادا دار في راسوا حاجة يوصل ليها مهما كانت الظروف
=========
>>>> الرد الخامس :
وعلاش ما راهوش مين 0.99 انا راني نشوف فيه قريب بزاف مين الحلم نتاعوا..؟؟؟؟؟؟؟؟؟؟؟؟
=========
أنا عقبت حرة في 2012 علاجال الطب وبفضل الله تحقق الحلم
salam
ila kan sah ton reve medecine w habha vrmt DONT GIVE UP twakal 3la rabi w 3awed mademek habha 9ader dirha w mata3ya twali doctor inchalah https://3andlib.xplainer.net/images/smilies/smile.gif
SI ON VEU ON PEU
أعرف زميلة اجتازت البكالوريا سنه 2010 و فازت بمعدل 14 ثم اتجهت الى الجامعة و سجلت أحرار فلم يكفيها الوقت للدراسة في الجامعة و التحضير للبكالوريا فكان الأمر أنها نالتها ب 11 و المرة الأخيرة عزمت على تجميد السنة و اعادة البكالوريا فكان لها ما أرادت و نالتها ب 16.59 و هي الآن في كلية الطب بجامعة البليدة .
السلااااااام
انا جبت باك في 2011 ب معدل 14.90
ودرت علوم المادة وطلعت عامي عاااااااادي علخاطر نحب الفيزياء
وعاودتو على جال الطب علخاطر كان حلمي الوحيييييييييد
وفي 2012 جبت 14.69
وعطاوني كيفك المدرسة التحضيرية للعلوم الاقتصادية بقسنطينة
البارح رحت سجلت ومعلابالبش نكمل فيها ولا لا
راني محتارة بينها وبين علوم المادة
بصح منعاودش الباك نزيد نضيع عام اخر من حياتي
اقرا على اغلب العظماء تلقاهم كان من الاول حلمهم حاجة بصح صراتلهم حاجة خلتهم يبدلو ويتفوقو
انت لكنت مازال حاب دير طب ومتتخيلش روحك في عمل بغيرو عاود
الارادة هي كلش
وربي يوفقك
