الاقامة الجامعية بلقايد 2 وهران
عنوان الموضوع : الاقامة الجامعية بلقايد 2 وهران
مقدم من طرف منتديات العندليب
السلام عليكم لكل من لديه معلومات عن هذه الاقامة الجامعية لأني لم اراها بعد اللي عندو معلومات عليها يتفضل واللي شافها يوصفهالي وهل هي بعيدة على المدرسة التحضيرية للعلوم و التقنيات لأني مازال ماحطيتش الملف وشكرا على المرور ربي يحفظكوم
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
اقامة بلقايد واقيلا يباتو معاكم صحاب ايستو ؟؟؟
=========
>>>> الرد الثاني :
انا من 2010 وانا في الاقامة الجامعية بلقايد 2 نقرا في المدرسة التحضيرية علوم وتقنيات في وهران وهدا العام نفوت الكونكور كشما تحتاج عيطلي 0774961885
=========
>>>> الرد الثالث :
اسف لم أكن أعلم أنك فتاة
الإقامة تقع في مكان نوعا ما منعزل عن المدينة كأغلب الإقامات الجامعية الجزائرية تبعد عن المدرسة بحوالي 7 أو 9 كيلومترات فيها طلبة المدرسة التحضيرية علوم وتقنيات وطلبة المدرسة التحضيرية للعلوم الاقتصادية مع العلم أنها مختلطة ذكور و إناث
الماكلة في المطعم مليحة شويا لو قارناها بالاقامات الاخرى في وهران كاين foyé و قاعة رياضة قاعة تقوية العضلات وقاعة التلفزة
+ زيدي سقسي نجاوبك راني فوتت فيها عامين
=========
>>>> الرد الرابع :
السلام عليكم
بارك الله فيكم
أخبروني أن طلبة كلية الطب الجدد سيكونون في هذه الإقامة وهي تبعد عن مكان دراستي بـ 24 كم
فهل هذا صحيح؟
=========
>>>> الرد الخامس :
المشاركة الأصلية كتبت بواسطة mokhtari91 https://3andlib.xplainer.net/images/...s/viewpost.gif
اسف لم أكن أعلم أنك فتاة
الإقامة تقع في مكان نوعا ما منعزل عن المدينة كأغلب الإقامات الجامعية الجزائرية تبعد عن المدرسة بحوالي 7 أو 9 كيلومترات فيها طلبة المدرسة التحضيرية علوم وتقنيات وطلبة المدرسة التحضيرية للعلوم الاقتصادية مع العلم أنها مختلطة ذكور و إناث
الماكلة في المطعم مليحة شويا لو قارناها بالاقامات الاخرى في وهران كاين foyé و قاعة رياضة قاعة تقوية العضلات وقاعة التلفزة
+ زيدي سقسي نجاوبك راني فوتت فيها عامين |
أخي هل النقل من المدرسة الى الاقامة الجامعية دائما متوفر وهل طبيعة و نوعية الدراسة جيدة هناك أرجو التوضيح أخي و جزاك الله خيرا ان شاء الله
=========
هادي الاقامة عندي ختي تقيم فيها جاية منعزلة على المدينة بعيدة شوية وفيها مختالطين شارشره وشيرات واقامة المدرسة التحضيرية جاية ميكس لبنات واولاد مع بعض في نفس لاسيتي هادا منعرف عليها لخاطر رحت ليها شفتها صحيح لاكل نتاعها مليح
شكرا أختي على هذه المعلومات
النقل متوفر صباحا بين 7.30 الى غاية 8.05 بعدد كاف من الحافلات
+
اذا رقدت وما فطنتش على 8 كاين واحد على بين 9 و 9.15
واذا حاب تقرى غير العشية كاين واحد على 11 وهو أخر واحد يروح من لاسيتي الى المدرسة
في روتور كاين واحد يرجع على 14.00 وكاين واحد 16.00 وكاين نتاع 17.30 وكاين حتى واحد على 18.00
هادي بالنسبة للنقل المدرسي أما النقل الخاص كاين حافلة اسمها 103 تمشيلها شويا باش تركبي فيها وتروحي لاسيتي ما ننصحكش بيها
+ كاين 61 تفوت على ليكون السعر 15 دج بالصح يطولوا المسافة شويا
..............................
بصراحة هي مدرسة مليحة وفيها تخرجك لتخصصات مليحة بصح وشنو الأساتذة شويا ما نقولكش كامل بصح كاين معلمين في ليسي ما يصلحوش (رأي شخصي)
إدارة تفهم الطالب مليح يعني تربحلهم الملاحة تلقاهم ناس ملاح بالبزاف
.....
زيدي سقسي
السلام عليكم
جماعة و صحاب الطب وين الإقامة تاعهم في وهران ؟
و حاجو اخرى قالونا نبعثولكم استدعاءات بصح مازال ما وصلني والو؟؟؟؟؟؟
سلام وعليكم اخواني انا ايضا طالب بهذه المدرسة اليوم ذهبت الى بلقايد 2 من اجل الاقامة ودفع الحقوق ولكنهم قالو لي انها ستبدا اخذ الاقامات يوم الاحد
أخي هل هناك امتحان في اللغة الفرنسية عند الدخول هكذا قالولي هل هذا صحيح وهل دراسة اللغات الأجنبية في الأعمال التطبيقية ممتعة يعني تعتمد على التواصل باللغات الاجنبية أي معلومات معمقة حول هذا الموضوع ستكون منفعة للجميع مشكور أخي
وماذا عن إقامة ليتو ؟؟؟؟ لأصحاب ع الإسلامية
ليس هناك اية امتحان بل تذهب عند الطبيب ليعيك تصريح الاقامة اما الدخول فعادي ولكن البرنامج مكثف ارجو التفاعل مع هذه المدرسة وان شاء الله تتوفقون فيها
المشاركة الأصلية كتبت بواسطة rania tani https://3andlib.xplainer.net/images/...s/viewpost.gif
أخي هل هناك امتحان في اللغة الفرنسية عند الدخول هكذا قالولي هل هذا صحيح وهل دراسة اللغات الأجنبية في الأعمال التطبيقية ممتعة يعني تعتمد على التواصل باللغات الاجنبية أي معلومات معمقة حول هذا الموضوع ستكون منفعة للجميع مشكور أخي |
أنا دخلتها 2010 وكاين لي دخلوها في 2011 بصح بلا امتحان وما شكيتش يكون إمتحان السنة
اللغة الفرنسية هي اللغة المستعملة في الأعمال التطبيقة ولو حتى لو كان عندك بروبلام في اللغة الفرنسية تقدر تتواصل بالعربية ما فيه حتى مشكل ولكن مع الوقت تتعلم الفرنسية هذا ميشي بروبلام خلاص
الأعمال التطبيقة النهار الأول تولي تشوف فيها أسوء حاجة ولكن مع الوقت تولي روعة و هي شغل نقطة إضافية برك طلعلك النقطة
الخاوة لي راهم يسقسو فيا على الإقام الأخرى والله ما نكذب عليكم خاطاك حتى أنا مانيش من الغرب خلاص أنا من الوسط
