عاجل بخصوص المدرسة العليا بالأغواط... مسابقة جديدة
عنوان الموضوع : عاجل بخصوص المدرسة العليا بالأغواط... مسابقة جديدة
مقدم من طرف منتديات العندليب
السلام عليكم ورحمة الله وبركاته
كيراكم لاباس نشاء الله تكونو بخير
كيما وعدت بعض الأصدقاء قلتلهم اليوم نروح لأغواط ونقولكم واش يقولولي
بالنسبة للإقامة البنات تكونو 2 في الغرفة وإذا حبيتي تجيبي صحبتك و تولو 3
أنا درت وحدي اليوم قالي إذا تعرفي وحدة نديرك معاها قتلو لالا إيمالا داروني وحدي
وراني نقارع لنتائج التحويلات بلاك تربح بنت بلادي تزيد دير نعايا
قالولنا متجيبو والو معاكم غير الحقيبة درا (غطاء) باه تبدلي فراشك
أعطاوني رقم الهاتف الخاص بالإقامة و قالولي في 22 عيطيلنا نقولولك وينتا تجي .المهم يستقبلو نورمال ماكان لا يرجعو لا والو أما المفاتيح تسلم يوم المكوث بالغرفة.
وأما بخصوص الجامعة أنا رحت و درت تحويل داخلي درت علوم دقيقة ثانوي و درت أيضا متوسط
هوما يعطولك تملي بطاقة الرغبات ب 5 تحويلات
أنا درت غير 2 لي راني باغيتهم
و النتائج في 20 أو 22 يتم الإعلان عليها و 23 كاين مقابلة شفوية إذا قبلوني فيها ندخلل ديراكت و إذا مقبلونيش نرجع نورمال في الإبتدائي
المهم و المهم و المهم البدية نتاع الدروس في 23 سبتمبر و هذا أكيد سقسيت و زدت أكدت أنا نروح في 23 على جال المقابلة أو على جال الغرفة رايحة رايحة. هذا ماتفكرت كاش أسئلة راني هنا
أقسم بالله كل كلمة قالوهالي قلتها .
دعولي برك ربي يسهلي و يعطوني واش بغيت. ولي كانو دارو المقابلة نتاع علوم دقيقة ثانوي أو متوسط يفيدني بالأسئلة
وجزاكم الله كل الخير
دمتم بود
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
15 مشاهد و لا رد
ماهذا ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
=========
>>>> الرد الثاني :
salam
Rabé Ye7afedek Kheti Hadjer
Rabé Yejazzik
Ida Hakda Ana tan nerou7 nediir transefer
psq Rané m3ak Primer
w nchl Rabé M3ana
w Les quesstions Kayen se7abé fewetou 9aloli sahela
w nchl Rabé Yejiib L khééér
Et Merci
=========
>>>> الرد الثالث :
كيفاش هدا راهم يقسموفي ls chambres ايا و من رحت انا قلولي لالا في 22 رواحوو يتمسخرو هادو؟ كيفاش جيبي غطاء هادي كوات و لي درا تاعنا مندوهمش ولا ؟
عطاولك مفتاح ؟و من نروحو ف 22 نسكنو ديراكت تعيشي هاجر فهميني
=========
>>>> الرد الرابع :
المشاركة الأصلية كتبت بواسطة maz3ou9a 14 https://3andlib.xplainer.net/images/...s/viewpost.gif
كيفاش هدا راهم يقسموفي ls chambres ايا و من رحت انا قلولي لالا في 22 رواحوو يتمسخرو هادو؟ كيفاش جيبي غطاء هادي كوات و لي درا تاعنا مندوهمش ولا ؟
عطاولك مفتاح ؟و من نروحو ف 22 نسكنو ديراكت تعيشي هاجر فهميني |
لالا ختي مقسموش لي شومبر أنا سجلت برك في الغرفة
هوما يقولو هاك و أنتي أدي صوالحك معاك أنا دلرنا حتى الماعين راهم دايرين هملي .
معطاوني لا مفتاح لا والو
نتي تعيطيلهم في 22 و يقولولك وينتا تجي مي الدراسة أكيدة في 23 تبدا و أنا نروح ندير كونكور و نحط قشي و ملقيتش معامن ندير ولا القراية مزال مابدات نجي لدار و حتى تبدا نرجع نروح
إذا كاش مسحقيتي راني هنا شريكتي
=========
>>>> الرد الخامس :
المشاركة الأصلية كتبت بواسطة dhaia https://3andlib.xplainer.net/images/...s/viewpost.gif
salam
rabé ye7afedek kheti hadjer
rabé yejazzik
ida hakda ana tan nerou7 nediir transefer
psq rané m3ak primer
w nchl rabé m3ana
w les quesstions kayen se7abé fewetou 9aloli sahela
w nchl rabé yejiib l khééér
et merci |
شحال راك جايب المعدل واش من شعبة نتا
و دير ترونسفار بلاك على ربي يسهلونا
زيد قولي على الأسئلة راني حاصلة و أنا نبحث قبل مانروح
=========
Oui Kheti Jebet 13,38 sience
les Quesstions 9alolhom kima 7na maché 9raya
3lach dert hade branche en + hh sa9ssawhom 3la allewan)c tous)
Mais Tou3 transefer Fé Bali Yessa9ssiwhom Haja Ta3 9raya
Rabé m3ana Kheti
اه صحاا انا ف 22 نروح ديراكت منقارع ما والوووو
صحيتي خيتي
مرسي ربي يسهل
واش ضياء بديت تخوف فيا
أنا غي منيش خوافة و زدتني نتا
هههه وعلاه علاه
hhhhh Dsl Kheti
Madiri walou Fé Balek Nchl Tefout Bien
^^
hhh nchalah rani ghi netmaskhar m3ak
السلام عليكم :
أهلالالا أختي هاجر ... كيف الأحوال ؟
أنا راني رحت البارح للأغواط وكملت التسجيل أنتاع المنحة
وحقوق النقل ، وسقسيناهم على الشومبرا قالولنا انهار 23
رانا انمدولكم المفاتح ...
مافهمتش كفاه قلتي رانا سجلنا الإقامة ؟؟؟
على خاطر احنا ما سجلناش ...
أنا تاني لبارح رحت للأغواط و سجلت الإقامة يعني كتبو إسمي و عطاوني رقم الغرفة و num bloc
مي أنا مزال مكملتش التسجيل النهائي حتى تخرج نتائج التحويل و بخصوص المنحة أنا مدرتهاش و منديرهاش و النقل حتى نروح في 23 ندير الملف
وفي 23 يقسمو المفاتح بصح إذا كنت حاب تسكن من 23 سبتمبر و إذا مكنتش باغي حتى تجي تسكن نيشان يعطوك المفتاح
أنت واش من تخصص و شحال معدل نتاعك
أنا رحت للجامعة صباح و درت التحويل الداخلي
من أي ولاية أنت ؟؟؟
شكرا
تاني لبارح رحت للأغواط و سجلت الإقامة يعني كتبو إسمي و عطاوني رقم الغرفة و num bloc
أحنا ما اعطاولناش رقم الغرفة ...
بخصوص المنحة أنا مدرتهاش و منديرهاش
كفاه ما دريش المنحة ، راه موش رايك يلزم اتسجلي ...
أنت واش من تخصص و شحال معدل نتاعك
أنا تخصص إنجليزية ثانوي ، طلبو فيها 14.89 أما معدلي انتاع الباك هو 14.95 شعبة علوم تجريبية
من أي ولاية أنت ؟؟؟
أنا من ولاية مسيلة 28 ...
*************
واش هو التخصص أنتاعك ؟ وواش حابة تحولي ؟
بقداه جبتي الباك ؟ واش من شعبة ؟
ومن أي ولاية أنت ؟
وشكرااااا
بخصوص المنحة أنا مدرتهاش و منديرهاش
كفاه ما دريش المنحة ، راه موش رايك يلزم اتسجلي ...
أنا مارانيش حابة نديرها على خاطر باغية ندير نتاع bureau d main d'oeuvreو هكا راه بابا يجريلي عليها في الدوسي صعيبة بزاف و هوما يراقبو من البعيد ميلزمش نكون دارة المنحة و هذي
واش هو التخصص أنتاعك ؟ وواش حابة تحولي ؟
أنا عطاوني لغة إبتدائي و حولت علوم دقيقة متوسط و ثانوي وغادي يخيرولي وحدة منهم.
بقداه جبتي الباك ؟ واش من شعبة ؟
جبتو ب 13.42 و شعبة علوم تجريبية
ومن أي ولاية أنت ؟
أنا من تيارت 14
متشرفين أنا رحت الصباح لأغواط و رحت للجامعة أيضاا بلاك نكون شفتك ههه
