عاونوني مترشح حر ضيع العام و الباك بمعدل متواضع
عنوان الموضوع : عاونوني مترشح حر ضيع العام و الباك بمعدل متواضع
مقدم من طرف منتديات العندليب
السلام عليكم خاوتي و الي جاب الباك مبروك عليه و الي ما جابش العام الجاي ان شاء الله خاوتيي انا راني في امس الحاجة الى النصيحة و التوجيه صراحة درت مشكل كبير لروحي العام الي فات جوزت الباك و جبتو ب 15.07 يعني قريب ندخل لكلية الطب لكن ما كتبتليش و سجلت في معهد الصيانة و الامن الصناعي و قريت و للاسف ما طلعتش العام و ذالك لانني بقيت نقرا للباك و للاسف هاد العام جبتو ب 13.34 يعني راني فالريسك خاوتي تعبت نفسيا و امي كل يوم تبكي علي و ابي متقلق عليا و خايفين على مستقبلي و انا كل ما نشوفهوم انزيد نتالم اكثر ما نيش عارف واش ندير و اي اتجاه انروح مادابيا تقترحو عليا الحلول ربي يخليكم
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
courage khoya , y a pas que Médecine tu peux faire autres choses t'as bcp, de choix
=========
>>>> الرد الثاني :
تقدر دير تروسفار هاد لعام بمعدلك لول باسكو لمعدلات هبطو وربي يسهل
=========
>>>> الرد الثالث :
ايه وش نعرف ناس دارو طب وحبسوا،يعني متكبروش اكثر من اللازم،كاين اخثصاصات بزاف ملاح،غير اذا عندك عشق خارق للطب هادي حاجة اخرى
=========
>>>> الرد الرابع :
سلام
اخي انا تاني العام لي فات جبت 15.16 وطب الاسنان كان 15.18
العام هادا جبت 14.02
قدر الله وما شاء فعل
قررت ندير مدرسة عليا للاساتذة اعلام الي ، تخصص رااائع https://3andlib.xplainer.net/images/smilies/smile.gif
=========
>>>> الرد الخامس :
معليش يا خويا كلشي بالمكتوب حنا حبينا حاجة افضل وزدنا عاودنا ومدينا شيى لي قدرنا بصح الله غالب ارضى بواش كتبلك ربي و خلاص مام انا العام لي فات جبت 14.94 و هاد العام 14.25
=========
السلام عليكم اخي
انا تاني باك الاول جبتو 14.90 وعاودت الباك وجبت 14.69
كنت حابة طب ولكن مكتبش ربي بصح انا قريت عام في الجاميعة عادي قؤيت علوم المادة وكجبت الباك التاني درت مدرسة تحضيرية للعلوم الاقاتصادية بالرغم من اني كنت علمية
والله تخصص رائع في الاول مكانش عاجبني مي والفت
اخي صلي صلاة الاستخار والحاجة لتستراح نفسك فسها اعرف بلي هي لكتبهالك ربي وشافلك فيها الخير
خاوتي انا مش هامتني روحي بقدر ما هامتني امي دمعة امي غالية تصورو انها البارح مرضت ما عرفتش اكبر حزن عشتو فحياتي و بصراحة حاولت نقاوم حاولت نكون منطقي و نرضة بالواقع ................ الحمد لله و المشكل انو ربطت روحي بها التخصص لدرجة اني ما قدرتش انكمل في اي شي ثاني ادعوووووووووووووووووووووووووووووولي خاوتي
نتمنا يعطوك طب اختي هاد العام من قلبي
المشاركة الأصلية كتبت بواسطة عبير الأزهار https://3andlib.xplainer.net/images/...s/viewpost.gif
معليش يا خويا كلشي بالمكتوب حنا حبينا حاجة افضل وزدنا عاودنا ومدينا شيى لي قدرنا بصح الله غالب ارضى بواش كتبلك ربي و خلاص مام انا العام لي فات جبت 14.94 و هاد العام 14.25 |
اختي نتمنى يمدو الطب هاد العام و الصيدلة ب 14 يا رب و تكونو محضوضين
khoya dir Mi w 3awed el bac binek w bin rohak matssema3 heta wahed ana hakda dar mon cousin w jab el hmd son bac la 3eme fosi bech dar medecine w doka rah medecin hmd
w te9der dir architecture
خويا ما يغيضك حالك و خليها على الله مش نهاية العالم و كون مانفشلوش ما نحسوش بطعم النجاح
المشاركة الأصلية كتبت بواسطة mino.pinokio https://3andlib.xplainer.net/images/...s/viewpost.gif
السلام عليكم خاوتي و الي جاب الباك مبروك عليه و الي ما جابش العام الجاي ان شاء الله خاوتيي انا راني في امس الحاجة الى النصيحة و التوجيه صراحة درت مشكل كبير لروحي العام الي فات جوزت الباك و جبتو ب 15.07 يعني قريب ندخل لكلية الطب لكن ما كتبتليش و سجلت في معهد الصيانة و الامن الصناعي و قريت و للاسف ما طلعتش العام و ذالك لانني بقيت نقرا للباك و للاسف هاد العام جبتو ب 13.34 يعني راني فالريسك خاوتي تعبت نفسيا و امي كل يوم تبكي علي و ابي متقلق عليا و خايفين على مستقبلي و انا كل ما نشوفهوم انزيد نتالم اكثر ما نيش عارف واش ندير و اي اتجاه انروح مادابيا تقترحو عليا الحلول ربي يخليكم |
لي زملية..تحصلت على معدل 12 في عام 2011 فأعادت البكالوريا مترشحة حرة وتحصلت على 14 في عام 2012 لكنها لم تستسلم وأعادته مرة أخرى لتحصلى على 15.58 هدا العام......ان شاء الله تحقق حلمها -الطب-
عليك بالدعاء ، الصبر ، وصلاة الإستخارة
allah yewafek
bonne chance
