13.33 واش ندير بيها اعلان توظيف
عنوان الموضوع : 13.33 واش ندير بيها اعلان توظيف
مقدم من طرف منتديات العندليب
السلام عليكم
انا تلميذة تحصلت على معدل 13.33 في البكالورياء كيما شفت النتيجة تشوكيت توقعت أكتر من هكا بكيت حتى شبعت وديجا كرهت كلش علاه يعني دارونا هكا و دورك واش من تخصص يصلحلي من أني كنت حابة طب ... الله غالب دورك نعاودو يروحلي عام خير متروحلي حياتي
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
مكتوب ربي أختي معليش ..
بإمكانك ديري هندسة معمارية أو مدارس عليا أظن
وإذا قادرة تعاوديه وواثقة بنفسك ننصحك لا تدرسي في الجامعة وعاوديه خير مدام حابة طب ..
وإن شاء الله دجيبي معدل جيد وديري لي تبغي ^^
=========
>>>> الرد الثاني :
شكراا لك
هندسة معمارية في الجزائر رجعت ماتكلش و المدارس العليا مشكيتش الطيرلي لازمها معدل أكتر من هدا ...... والله سماطتلي خلاص جاتني روحي كلي ماديتش مفرحتش خلاص
=========
>>>> الرد الثالث :
ممم وي راني حاسة بيك والله ..
++ أختي إذا تقدري تعاوديه عاوديه خير والله ..
=========
>>>> الرد الرابع :
صرا لك كيما ولدي العام الماضي جابه ب13.13 بكينا حتى شبعنا دقولي خسر الباك
عاود الباك حر وبلوك العام وجابه ب14.35 زاد شوية فقط
نتمنى الديرله مستقبل......
=========
>>>> الرد الخامس :
وعليكم السلام ورحمــة الله
أختي الكريمة عليكِ بتقوى الله و شكره على النعمة
فهنالك من لم يحظى حتى بفرصة الظفر بمعدل 10 فما بالكِ بأكثر
أختي الكريمة , أولا هذا عملكِ أنتِ كما أنها مشيئة الله أن تتحصلي على هذا المعدل لأنه وبالتأكيد فيه خير لك
على العموم أنصحكِ أختي الكريمة بالقناعة ثم نسيان الماضي و عدم تأنيب النفس
قومي برسم وجهتكِ المستقبلية , و أسعي جاهدة للظفر برغبتك
هل تدرين أنّ معدلكِ يؤهلك للإلتحاق بالمدارس العليا في مختلف التخصصات
سيتم الإفراج عن رزنامة معدلات القبول خلال الأيام قليلة القادمة , قومي بإستشارة أهل التخصص
ثم بعدها إختاري ما يناسبكِ , لا تدرين عسى أن يمنح لكِ مجال الطب أو أكثر إن كنت من أهل الشعب العلمية
على العموم نصيحة أقدمها لك إختاري التخصص الذي ترغبين به و إن شئتِ يمكنكِ إعادة إجتياز الباكالوريا على صفة أحرار
للدورة 2015 , إجتازيها عسى أن تكون خيرا لك , على العموم ألف ألف مبروووك على نجاحك متمنيا لكِ و لكل الإخوة مزيدا من
النجاح و التفوق مستقبلا إن شاء الله , رمضــــانكم مبـــــارك
=========
اهلين اختي انا كيفك حصلت على 13.54 تشوكيت نستنى 16 نلقى 13 المهم انا ثاني كنت حابة طب ولا مدرسة وطنية للاعلام الالي ميبصح اقتنعت بالطب العام الجاي ان شاء الله نعاودو باذن الله لا تياسى انا راح ندير حاجة تكون ساهلة باش نقدر نعاودو بلا مانبلوكي لاني خطراش واحد ما يعرف المهم بالتوفيق
ما رايك في المدرسة التحضيرية المتعددة التقنيات
بالتوفييييييييييييييييييييييييييييييييق
المدرسة التحضيرية المتعددة التقنيات
والله ماعندي معلومات عليها مي علي حساب واش سمعت فيها الرسك
الى ما قبلوكش مدارس عليا و نضن انهم يقبلوك في المدرسه العليا الي في سكيكدة لان العام ليفات هزو حتى 12 انا نقلك ديري باراميديكال و عاودي العام تاعك كيما حبيتي
ديري رياضيات واعلام آلي راح تنساي الطب ومشتقاته صدقيني خيرها في غيرها
دوك يبانلك تعاودي الباك ساهل بصح مع الوقت والتغيرات الي راح تصرا في حياتك يولي كلش سامط
راني حسيت بيك اختي حتا انا كيفك جبت 13.08 وحابة نقرى عام في الجامعة ونعاودو بصح سماطلي كلش ...............
kamel rakom habine tkhrejo des médecines
bn courage khetti
السلام عليكم صح فطوركم
انا ديت العام اللي فات الباك ومارضيتش بالمعدل تاعي وهاد العام قريت فالجامعة وعاوته والله تعذبت بزااااااااااف بصح قلت ماعليش المهم ندير واش نبغي...ومبعد الباك فرحت حسيت بلي خدمت فيه مليح وزدت شفت التصحيح النموذجي لقيت روحي خادمة مليح وكنت نقارع في 15 ولا كتر مي لقيت 13.38......والله شوك كبييييييييييير ومازالني ما أمنتش بلي هادو نقاطي تاعي والله كارثة ومازال مانيش عارفة واش ندير نكمل في قرايتي اللي راني فيها ولا؟؟؟؟...واش نقولو حسبنا الله ونعم الوكيل
المشاركة الأصلية كتبت بواسطة نسرين32 https://3andlib.xplainer.net/images/...s/viewpost.gif
السلام عليكم صح فطوركم
انا ديت العام اللي فات الباك ومارضيتش بالمعدل تاعي وهاد العام قريت فالجامعة وعاوته والله تعذبت بزااااااااااف بصح قلت ماعليش المهم ندير واش نبغي...ومبعد الباك فرحت حسيت بلي خدمت فيه مليح وزدت شفت التصحيح النموذجي لقيت روحي خادمة مليح وكنت نقارع في 15 ولا كتر مي لقيت 13.38......والله شوك كبييييييييييير ومازالني ما أمنتش بلي هادو نقاطي تاعي والله كارثة ومازال مانيش عارفة واش ندير نكمل في قرايتي اللي راني فيها ولا؟؟؟؟...واش نقولو حسبنا الله ونعم الوكيل |
والله ياختي مشكل كبير لاكن كاين ربي كبير
مافهمتش هده السياسة الجديدة لي داروها
ومافهمتش وين راحو نقاط تعنا والله امرهم غريب
المرة الجاية لازم نخدمو على 20 باش معنو وين يهرب
