نجحت في وهران ... لكن ضاع الأمل لازم شهادة إقامة

عنوان الموضوع : نجحت في وهران ... لكن ضاع الأمل لازم شهادة إقامة
مقدم من طرف منتديات العندليب

نسأل الله العافية .....عيطولي اليوم و قالولي لازم تجيبلنا شهادة إقامة على 12:00 و الله غير لعب كبير
عند إيداع الملفات لمادا لم يطلبو شهادة الإقامة ؟؟؟؟ و حتى تنجح و يطيحولك المورال
الله يهديهم


>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

يا أخي في هذه الحالة أخدت مكان من هم أولى منك في هذا المنصب وأقصد المقمين بوهران....على العموم هذا القرار ممتاز حتى تكون عبرة لمن يعتبرون أنفسهم مارقين

=========

>>>> الرد الثاني :

واش من مادة ربحت أخي ’

=========

>>>> الرد الثالث :

علاه مديتش شهادة الاقامة و لا متسكنش في وهران ؟

=========

>>>> الرد الرابع :

دبر على كاش واحد تماك يخدم لك شهادة ايواء في البلدية

=========

>>>> الرد الخامس :

ربي معاك خويا ان شاء الله يكون الخير

=========

المشاركة الأصلية كتبت بواسطة بوتاران https://3andlib.xplainer.net/images/...s/viewpost.gif دبر على كاش واحد تماك يخدم لك شهادة ايواء في البلدية

هاذي اللي خلات الناس تعاني
السيد يقطع أكثر من 100 كلم باش يشارك في وهران
الله يهديكم خلوا كل واحد يخدم في ولايته

إلى السيد kcmo31 إدا كنت أنت جزائري و أنا من إسرائيل فلك الحق أن تقول =حتى تكون عبرة لمن يعتبرون أنفسهم مارقين= يا أخي لمادا هده العنصرية و الحسد و البغض لي راه في قلبك و على هدي لي بقات الجزائر هي الأخيرة في كل المجالات غير من الناس لي كيفك و أنا نجحت عن إستحقاق وليست رشوة ....الله يهديك يا أخي ولو كان قالو من الأول على شهادة الإقامة حتى أنا لا أدهب هناك...و ليكن في علمك و الله لو نجحت أنت هنا في الولاية التي أسكن فيها و الله أنا نخدملك شهادة إيواء عندي .....نسأل الله العافية

ربي يوفقك وبصحتك تستاهل هذا النجاح ربي يسهل في ايجاد اقامة وايواء
والجزائر كامل بلادك وين تروح تخدم والحياة كامل فرص واليوم هي فرصتك في وهران

من المفروض شهادة الإقامة تطلب في الملف الأولي، كاين ناس قطعت مئات الكيلومترات في شهر الصيام تحت أشعة الشمس وفي العطش .... الله يهدينا

راك عاد في دارك و ضيع في الوقت :يا دبر؟ الوظيفة رايحة و انت تتفرج؟
لست مع او ضد احدكما لكن اذا طبق كلامه في الصحراء مثلا فكيف سيكون حال المرضى في الاختصاصات النادرة ولا تنسوا اخوتى مهما كانت الاسباب فالرزاق واحد و مشي رزقك الذي سيعجزه سبحانه

ساااااااهلة يا صاحبي وعلاه راك مصعبها كيما هاااااااك

روح دير شطب لللاقامة نتاعك من ولايتك وقليهم رايح نبدل القامة لوهران
يعطوك شهادة شطب من القوائم الانتخابية


روح لأي واحد مقيم في وهران احكيلو وضعيتك ....والله أي واحد ولد فاميلة ومتثقف غير يوقف معاك
ويروح معاك للبلدية شرط انو يجيب معاه ورقة تريسيتي والا الماء (شرط انو يجيب لوريجينال بويسك يطلبو عليه لوريجينال) ويكتب تصريح شرفي بللي راك مقيم عندو ويدفعو مع شهادة الشطب وورقة التريسيتي والا الماء.......
ملاحظة : مع انو قبل ما يدفع لوريجينال يدير عليها فوتوكوبي ويخليها عندو

يعطوك ثم سير بلاص ورقة مكتوب فيها بالبند العريض
شهادة التسجيل في القوائم الانتخابية لولاية وهران
تروح لاي فرع بلدي تدفعها فيه يخمولك بطاقة اقامة
هذه عن تجربة شخصية

الله يسهل و الرزق بيد الله
فهو طلب العمل في الحلال ولو كان بالمعريفة لما وجد مشكل الاقامة اصلا

المشاركة الأصلية كتبت بواسطة rate12400 https://3andlib.xplainer.net/images/...s/viewpost.gif ساااااااهلة يا صاحبي وعلاه راك مصعبها كيما هاااااااك روح دير شطب لللاقامة نتاعك من ولايتك وقليهم رايح نبدل القامة لوهران يعطوك شهادة شطب من القوائم الانتخابية روح لأي واحد مقيم في وهران احكيلو وضعيتك ....والله أي واحد ولد فاميلة ومتثقف غير يوقف معاك ويروح معاك للبلدية شرط انو يجيب معاه ورقة تريسيتي والا الماء (شرط انو يجيب لوريجينال بويسك يطلبو عليه لوريجينال) ويكتب تصريح شرفي بللي راك مقيم عندو ويدفعو مع شهادة الشطب وورقة التريسيتي والا الماء....... ملاحظة : مع انو قبل ما يدفع لوريجينال يدير عليها فوتوكوبي ويخليها عندو يعطوك ثم سير بلاص ورقة مكتوب فيها بالبند العريض شهادة التسجيل في القوائم الانتخابية لولاية وهران تروح لاي فرع بلدي تدفعها فيه يخمولك بطاقة اقامة هذه عن تجربة شخصية

الامر يتطلب 6 اشهر بنسبة للهذة الاجراءات

اخي انت كنت دير حسابك لانه في ملف مختصر ميطلبوهاش لكن فيما بعد يتم طلبها هذا امر بديهي