ارجو المساعدة التوظيف في البلدية اصحاب الادماج و العقود مسابقة جديدة

عنوان الموضوع : ارجو المساعدة التوظيف في البلدية اصحاب الادماج و العقود مسابقة جديدة
مقدم من طرف منتديات العندليب

سلام شباب ربي يحفظكم لنا سؤال ممكن اجابة وش هي طريقة ملأ استمارة توظيف القسم الخاص بالخدمة الوطنية هل الامر عادي لما نكوشي في خانة مسجل و ندير رقم تسجيل الموجود في شهادة التسجيل المستخرجة من البلدية ؟
انا متخرج من سنة 2016 و جاوني زوج استدعاءات و ما روحت لانو الاستدعاء الاول فيه خطا بالرتبة حسبولي سنة ثالثة جامعي بسبب اني ما كاشيت في السنة الرابعة السورسي نتاعي و في الاستداء الثاني جاني نفس الخطا و روحت للمركز في البليدة صححتو كنت معول نروح و في اخر لحظة ما روحت .
حماعة ساعدوني لانو كاين مسابقة على مستوى البلدية و عندي 4 سنين ادماج فيها . لما وجدت دوسي نتاعي و جيت ندفعو قالي السيد لي يشد في الدواسا انو لازم نروح لمركز الخدمة الوطنية و نجيب تاجيل بواسطة شهادة العمل نتاع الادماج و ندير المعلومات في الاستمارة ما فهمت والو . المفروض القانون الجديد الخاص بالتوظيف ما يطلبو هاد الشي ارجو توضيح الامر كيفاش ندير ارجوكم في اقرب وقت قبل ما يفوتني كل شي .


>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

المشاركة الأصلية كتبت بواسطة albatros_aek https://3andlib.xplainer.net/images/...s/viewpost.gif سلام شباب ربي يحفظكم لنا سؤال ممكن اجابة وش هي طريقة ملأ استمارة توظيف القسم الخاص بالخدمة الوطنية هل الامر عادي لما نكوشي في خانة مسجل و ندير رقم تسجيل الموجود في شهادة التسجيل المستخرجة من البلدية ؟ انا متخرج من سنة 2010 و جاوني زوج استدعاءات و ما روحت لانو الاستدعاء الاول فيه خطا بالرتبة حسبولي سنة ثالثة جامعي بسبب اني ما كاشيت في السنة الرابعة السورسي نتاعي و في الاستداء الثاني جاني نفس الخطا و روحت للمركز في البليدة صححتو كنت معول نروح و في اخر لحظة ما روحت . حماعة ساعدوني لانو كاين مسابقة على مستوى البلدية و عندي 4 سنين ادماج فيها . لما وجدت دوسي نتاعي و جيت ندفعو قالي السيد لي يشد في الدواسا انو لازم نروح لمركز الخدمة الوطنية و نجيب تاجيل بواسطة شهادة العمل نتاع الادماج و ندير المعلومات في الاستمارة ما فهمت والو . المفروض القانون الجديد الخاص بالتوظيف ما يطلبو هاد الشي ارجو توضيح الامر كيفاش ندير ارجوكم في اقرب وقت قبل ما يفوتني كل شي .

السلام عليكم سيدي عبد القادر
فرصة العمر راك باغي تضيعها بسبب عون إداري بيروقراطي حابس. الملف المطلوب في مسابقة البلدية حددته مراسلة الأمين العام لوزارة الداخلية رقم 3580 المؤرخة في 02 جويلية 2014 في النقطة الثالثة المعنونة بـ : تكوين ملف الترشح للمسابقات.
الملف هو : طلب خطي - نسخة طبق الاصل لبطاقة التعريف - الديبلوم - كشف نقاط السنة الأخيرة - شهادة عمل صادرة عن البلدية - عقد العمل contrat - الإستمارة.
- سؤال خويا : كاين العسكر في الملف المطلوب ؟ ما كانش .

- زيد بالزيادة مراسلة الوزير الأول رقم 333 الصادرة في 10 نوفمبر 2013 نحات العسكر من ملفات التوظيف (عند الإيداع طبعا) تطلب فقط بمناسبة النجاح. تفضل المراسلة :

https://www.gulfup.com/?LocWsm

قم بطباعتها واديها معاك كي تبغي تدفع دوسيك.
- ما بغاوش يشدوا عليك الملف ادخل على الكاتب العام للبلدية واهدر معاك كيما فهمتك. إذا خشن راسوا عندك الحق باه تقدم طعن. إليك النموذج انتاعو :

عين المكان في : 20 جويلية 2014
من السيد العربي بن مهيدي إلى السيد رئيس المجلس الشعبي لبلدية عين المكان
الموضوع : طعن

يشرفني التقدم إلى سيادتكم بهذا الطعن بخصوص رفض ملفي للمشاركة في المسابقة على أساس الشهادة للإلتحاق برتبة (تحدد الرتبة) وذلك بعد مطالبتي بوثيقة أثبات الوضعية القانونية اتجاه التزامات الخدمة الوطنية.
لا يخفى على سيادتكم أن هذه الوثيقة لم تعد مطلوبة ضمن ملف التوظيف بموجب مراسلة الوزير الأول رقم 333 المؤرخة في 10 نوفمبر 2013. من جهة أخرى فإن مراسلة الأمين العام لوزارة الداخلية المحددة لكيفيات تنظيم المسابقة موضوع الطعن لم تحدد في نقطتها الثالثة المعنونة بـ :- تكوين ملف الترشح للمسابقات- الوثيقة المثبتة للوضعية القانونية اتجاه التزامات الخدمة الوطنية.
في انتظار ردكم تقبلوا مني أسمى عبارات التقدير والإحترام.

- الطعن ماهوش مثالي ويمكن للإخوة الأعضاء عمالقة التحرير الإداري يعاونوك تزيد تحسنه مليح من خلال الصياغة.

- سيدي عبد القادر نحكيلك حكاية : في فيفري اللي فات جاو مناصب لبلدية غليزان. واشترطت الادارة الوضعية القانونية اتجاه العسكر في الملف. ماذا كان رد الرجال أحفاد الرجال ؟ داروا احتجاج توج بالغاء الوثيقة ... لأنها بكل بساطة مخالفة لمراسلة الوزير الأول.
- سيدي عبد القادر راني نشوف فيك ناجح في المسابقة وليس مترشحا لها فقط. إياك تسكت على حقك.
- موفق ان شاء الله.

=========

>>>> الرد الثاني :

بارك الله فيك اخي hom99 كفيت و وفيت الله يعطيك ما تتمنى نشاء الله .
اخي الكريم اليوم صباح روحت لي البيرو و ديت معايا الدوسي كنت معول نفهم هذاك السيد و نحكي معاه و ادا ما نفعت معاه الهدرة نروح عند الكاتب العام.
لكن كي وصلت ما صبتوش هداك السيد كاين زميل اخر يحكم الدوسيات المهم سجلت و مديتلو الدوسي عادي بدون اي مشكل و الحمد لله
على فكرة اخي الكريم السيد الاول لي خدملي فيلم بسبب الخدمة الوطنية عندو ليسانس على ما اظن اقتصاد و كبير في الخدمة هادي الله يهديه و الحمد لله على كل حال .
شكرا ليك افدتني الله يهنيك و السلام عليكم .

=========

>>>> الرد الثالث :

المشاركة الأصلية كتبت بواسطة albatros_aek https://3andlib.xplainer.net/images/...s/viewpost.gif بارك الله فيك اخي hom99 كفيت و وفيت الله يعطيك ما تتمنى نشاء الله . اخي الكريم اليوم صباح روحت لي البيرو و ديت معايا الدوسي كنت معول نفهم هذاك السيد و نحكي معاه و ادا ما نفعت معاه الهدرة نروح عند الكاتب العام. لكن كي وصلت ما صبتوش هداك السيد كاين زميل اخر يحكم الدوسيات المهم سجلت و مديتلو الدوسي عادي بدون اي مشكل و الحمد لله على فكرة اخي الكريم السيد الاول لي خدملي فيلم بسبب الخدمة الوطنية عندو ليسانس على ما اظن اقتصاد و كبير في الخدمة هادي الله يهديه و الحمد لله على كل حال . شكرا ليك افدتني الله يهنيك و السلام عليكم .

سلام
يا اخي نتمنالك التوفيق لكن مزال مخلاص وقت جمع الملفات نتمنى ترجع و تاخد منو وصل استلام للملف المودع و لي دكرولك الاخ hom99
خاطرش هادو صحاب البلديات مفيهمش لامان حنا عدنا راهو دايرين حالة حتى لي مراهش يخدم في مقر البلدية داره يخدم فيها لانة مجرد تابع ليها و هما مشترطين المقر

=========

>>>> الرد الرابع :

نعم اختي بمجرد تسليم الملف يمدولنا وصل .. وبالنسبة لي واش قولتيلي هادي صرات اليوم قدامي السيد لي حكم عليا الدوسي قالي ناس لا علاقة ما تحظر ما تبان ما نعرفو عليهم والو راهم يسمطو عليكم مجرد انهم مسجلين خدامين في البلدية حبر على ورق و يخلصو عادي و قالي لوكان جات الدراسة تاع الملفات عندنا ما نفوتوهم لكن الله غالب الملفات يطلعو للولاية و يدرسوهم .
لكن الله موجود وين راح يروحو

=========

>>>> الرد الخامس :

المشاركة الأصلية كتبت بواسطة albatros_aek https://3andlib.xplainer.net/images/...s/viewpost.gif بارك الله فيك اخي hom99 كفيت و وفيت الله يعطيك ما تتمنى نشاء الله . اخي الكريم اليوم صباح روحت لي البيرو و ديت معايا الدوسي كنت معول نفهم هذاك السيد و نحكي معاه و ادا ما نفعت معاه الهدرة نروح عند الكاتب العام. لكن كي وصلت ما صبتوش هداك السيد كاين زميل اخر يحكم الدوسيات المهم سجلت و مديتلو الدوسي عادي بدون اي مشكل و الحمد لله على فكرة اخي الكريم السيد الاول لي خدملي فيلم بسبب الخدمة الوطنية عندو ليسانس على ما اظن اقتصاد و كبير في الخدمة هادي الله يهديه و الحمد لله على كل حال . شكرا ليك افدتني الله يهنيك و السلام عليكم .

- بلا مزية خويا لعزيز. رانا في الخدمة.

المشاركة الأصلية كتبت بواسطة houda73 https://3andlib.xplainer.net/images/...s/viewpost.gif سلام يا اخي نتمنالك التوفيق لكن مزال مخلاص وقت جمع الملفات نتمنى ترجع و تاخد منو وصل استلام للملف المودع و لي دكرولك الاخ hom99 خاطرش هادو صحاب البلديات مفيهمش لامان حنا عدنا راهو دايرين حالة حتى لي مراهش يخدم في مقر البلدية داره يخدم فيها لانة مجرد تابع ليها و هما مشترطين المقر

- يعطيك الصحة. الثقة في الوثيقة.

المشاركة الأصلية كتبت بواسطة albatros_aek https://3andlib.xplainer.net/images/...s/viewpost.gif نعم اختي بمجرد تسليم الملف يمدولنا وصل .. وبالنسبة لي واش قولتيلي هادي صرات اليوم قدامي السيد لي حكم عليا الدوسي قالي ناس لا علاقة ما تحظر ما تبان ما نعرفو عليهم والو راهم يسمطو عليكم مجرد انهم مسجلين خدامين في البلدية حبر على ورق و يخلصو عادي و قالي لوكان جات الدراسة تاع الملفات عندنا ما نفوتوهم لكن الله غالب الملفات يطلعو للولاية و يدرسوهم . لكن الله موجود وين راح يروحو

- ربي ينجح اللي يستاهل.

=========

خويا albatros_aek تكتب معلومات السرسي الميت في الاستمارة التاريخ اتاعو ورقمه باسك راه معاش مطلوب في الدوسي

انا كوشيت في خانة مسجل و كتبت فيها رقم شهادة التسجيل تاع البلدية و تاني تاريخ تاعها :v المهم فات الدوسي المرة الجاية ان شاء اللله ندير كيما قوتلي بارك الله فيك اخي nour-eddin-k على المساعدة ^___^.

بالتوفيق للجميع