استفسار عن لانام مع الماستر اعلان توظيف

عنوان الموضوع : استفسار عن لانام مع الماستر اعلان توظيف
مقدم من طرف منتديات العندليب

السلام عليكم ،
أحد أقاربي تحصل على شهادة الليسونس في الهندسة المعمارية ، و هو يريد أن يعرف هل يمكنه أن يدرس و يعمل في نفس الوقت في لانام ، و في حال كان الجواب نعم ، أين يضع ملف طلب العمل
أرجو من كل من لديه معلومة مهما كانت بسيطة أن لا يبخل بها
شكرا لكم مسبقا .


>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

لا يمكن العمل في عقود الإدماج المهني واكمال الدراسة في الماستر

=========

>>>> الرد الثاني :

لا يمكن سابقا كانت عادي الأن لا

=========

>>>> الرد الثالث :

يمكن لكل عامل الحق في الدارسة انا ادرس ماستر و اعمل عقود الاشكال فالمنحة فقط ما تديهاش الدولة تعطيك غير اجر واحد

=========

>>>> الرد الرابع :

لا يستطيع ان يعمل و يدرس في الجامعة كانت بكري و من 2013 زيروها بزاف كل عامل يعمل و يدرس يخرجه من العمل و ذلك بطلبهم لكشف الحساب البريدي يانك تخلص منحة العمل +منحة الجامعة
و شكرا

=========

>>>> الرد الخامس :

شكرا للجميع على الرد ، لكن يبدو أن الإشكال في المنحة فقط ، هل التخلي عن المنحة الجامعية ينهي الإشكال ؟

=========

لا كاين لي ميخلصوش المنحة الجامعية و حبسولهم العقد

سلااااااااااااام
انا كنت عقود الادماج لمدة سنتين وبعدها نجحت ماستر و حبيت نقرا و نخدم رحت لمديرية التشغيل وهدرت مع المدير بالذات قالي سابقا كانت مسموحة و كان فيها مشاكل اما الان فلا يمكن ابدا ابدا وسقصيتو اذا يمكن نوقف العقد مؤقتا عل الاقل عام ومن بعد نرجع نخدم خاصة انو العقود اصبحت دائمة و مفتوحة هههههههه مهبولة قالي مستحييييييل
استخرت ربي و قدمت الاستقالة و رحت نقرا و في الاخير لقيت أغلبية زملائي والله العظيم يقراو و يخدمو والله يقراو و كل شهر يروحو يبوانتيو و يسلكو نووووورمال و كاين لي يروح كل خميس يروح و زعما يخدم هاداك النهار......ببساطة لحكاية نتاع معريفة مع صاحب العمل ماشي وكالة أو مديرية التشغيل
في الاخير اي واحد صاحب ضمير مايقبلش يسلك على عمل ماخدموش ...و كل واحد حر

انا نقرا ماستر ونتخرج هذا العام وفي نفس الوقت نخدم في لانام
وفي نفس الوقت نخلص لابورص تاع الجامعة والمنحة تاع العمل اي لانام

لا يوجد اي مشكل فقط مش لازم دير اصيرونس في الجامعة

انا نخدم في البلدية عن طريق لانام والروحان نروح كان طار ساعة نبوتني ونجي ونخلص كل شهر
ولابورص ولقراية هاي ماشية نورمال

ولكن هل انت تقرا في نفس الولاية التي تسكن فيها او تدرس في ولاية أخرى
يعني اذا كنت تدرس في ولاية وتخدم فيها لانام هنا يوقفوك

السلام عليكم
اذا كان الواحد مستفيد من عقد لانام من مدة عامين ومن بعد نجح في الماستر ولا الماجستير معندوش الحق باش يقرا حتان يحبس العقد ولا كيفاه
خاوتني لي يعرف يعطينا الرسمي بارك الله فيكم