|++| بخصـــــــوص anem و cta |++| اعلانات التوظيف
عنوان الموضوع : |++| بخصـــــــوص anem و cta |++| اعلانات التوظيف
مقدم من طرف منتديات العندليب
السلام عليكم
لدي سؤال بخصوص anem و cta ارجوا من الاخــــوة اجابتي و شكرا لكم مسبقا
بعدما سألت تبين لي انه يوجد عقدين هوما انام و العمل المدعم
واحد فيه الدخل 15000 دج و واحد 12017 دج
انا عندي ليسونس في هندسة معمارية lmd اي 3 سنوات دراسة
و راني رايح نخدم في مكتب دراسات عند واحد و هدرت معاه و تفاهمنا مي قالي ما نزيدلك حتى دورو .. يعني ما يزيدليش دخل من عندو راكم تعرفو حال القطاع الخاص و مكاتب الهندسة قالي تحب تخدم اخدم ما تخدمش صحيت
في الحالة تاعي حبيت نسقسيكم ادا نقدر ندير منحة anem تاع 15000 دج ام بما اني اعمل في القطاع الخاص ام لازم عليا ندير cta ؟؟؟
انا اريد منحة الـ 15000 دج بما ان المكتب ماراحش يزيدلي مدخول فهدا احسن من 12017 دج
+
سؤال بخصوص الخدمة الوطنية .. هل نقدر نخدم في anem و عندي سورسي لسبب دراسي ( ربما نكمل الماستر ) ؟؟
لاني سمعت الاخوة قالو سبب دراسي فالسورسي ما تقدرش تخدم بيه في anem
و شكرا جزيـــلا لكــم ..
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
يمكنك الإطلاع على هذه المشاركة و ستجد كل التفاصيل
من هنا
=========
>>>> الرد الثاني :
شوف خويا منحة ال 15000 دينار تسمى DAIP و انا مهندس و راني نخدم هكذا في القطاع الاقتصادي
و هذي تع اصحاب الشهادات كيما الليسانس فما فوق
و ال cta هي 12000 دينار عن الدولة + مقدار واش تتفاهم مع صاحب العمل
غالبا اصحاب ال cta اجرهم يفوت ال 20000 دينار
=========
>>>> الرد الثالث :
شكرا لك على الرد اخي blibli_09
يعني في الحالة تاعي عندي ليسونس هندسة .. نقدر ندير تاع 15000 دج بما اني خدام في مكتب دراسات خاص ؟؟
و واش رايك بخصوص السورسي (الخدمة الوطنية ) لسبب دراسي ؟؟
=========
>>>> الرد الرابع :
اجل بالتاكيد تقدر تدير وحدة فيهم لكن ال cta عند الخواص لازم تكون عندك خبرة و الخبرة تديها ب daip
اما بخصوص الخدمو الوطنية مانكذبش عليك عندي بطاقة الاعفاء
لكن نقدر نفيدك انو يخدمو معايا 2 واحد cdd و الاخر cta و ولا واحد فيهم مسوي وضعيتو مع الخدمة الوطنية
=========
>>>> الرد الخامس :
الله يوفقك .........
=========
شكرا اخي blibli_09
ربي يخليك
و يخليك خويا العزيز رانا زواولة نساعدو بعضانا
يا اخب بلنسبة لتساءلك سأحاول افادتك بالنسبة لنوع العقد .العقد المدعم ب 15000 دج تقوم الدولة بدفع اشتراكك لدى الضمان الاجتماعي اما العقد cta هنا رب العمل هو الذي يقوم بدفع اشتراكك لدى الضمان الاجتماعي و يقوم بدفع اشتراكك على اساس اجر 12000+6000 =18000 دج كحد ادنى.و انت تقول انه غير مستعد لدغع اي سنتيم هنا الاشكال.اما من ناحية احتساب العمل في التقاعد اظن حل الاشكال مؤخرا مهما كان نوع عقدك ستحتسب في الضمان الاجتماعي سنوات عملك بالنسبة للتقاعد.من ناحية الخبرة العمل بعقد cta افضل بكثير لانك تصبح تابع لمكتب الدراسات و بامكانك استظهار شهادة العمل التي تثبت خبرتك و هذا يفيدك مستقبلا اما صيغة العمال ب 15000 دج لا تثبت سوى انك اشتغلت في اطار عقود ما قبل التشغيل و لا تفيدك كثيرا مقارنة بعقد cta اذا لجات للتوظيف في القطاع الخاص مستقبلا.اما مسالة الوضعية اتجاه الخدمة الوطنيه اظنها ليست عائق كبير اذا كان لديك تاجيل يطلب للمرة الولى و فقط اما اذا اردت اكمال الدراسة موازاة مع العمل في اطار عقود ما قبل التشغيل هنا اشكال كبير و ممنوع قانونا.لا يمكنك اخي للاسف
شكرا جزيلا اخي hepou11
شكرا اخ مجيد10 .. بالتوفيق لك ايضا
https://3andlib.xplainer.net/images/smilies/mh92.gif
https://3andlib.xplainer.net/images/smilies/mh92.gif على الرحب و السعى صديقي
يا خويا لازم عليه يزيدلك ! واذا مزال مكملت الدراسة وش معجلك على الادماج ؟
merrrrrrrccciii
