إستفسار فيما يخص لانام و الخدمة الوطنية مسابقة توظيف

عنوان الموضوع : إستفسار فيما يخص لانام و الخدمة الوطنية مسابقة توظيف
مقدم من طرف منتديات العندليب

السلام عليكم
انا اعمل إدماج لانام عندي عامين تقريبا
والمدير ما يعيطلناس ومش دايرلنا دوام و لا عمل واضح في دار الشباب
و ماذا بيه واحد ما يجيه لأنو العمل لا يوجد ويبوانتيلنا كل شهر ونسلكو
حبيت نسقسي اذا رحت لارمي كيفاه نسلك منحتين لارمي + الادماج ولا يحبسولي لانام مؤقتا ولا كيفاه
جاوبوني فيها خاوتي اداريا و شرعا وجازكم الله الف خير....

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

اخي اذا راح تفوت العسكر وقف لانام وراح يطلبولك ورقة العسكر وكي تجي من العسكر تقدر تكمل لنام نورمال
مي حرز اذا موقفتهاش لايفيقولك بلي كنت بالعسكر وقتها يطالبوك باش ترجع الدرراهم ويديرولك مشكلة معا المدير

=========

>>>> الرد الثاني :

السلام عليكم
يمكنك تجميد العقد الى غاية انتهاء خدمتك الوطنية ثم العودة الى منصبك
موفق اخي

=========

>>>> الرد الثالث :

انا راني مسجل في لانام بصح راني غير نروح نقعد في الخدمة و لله الحمد

=========

>>>> الرد الرابع :

المشاركة الأصلية كتبت بواسطة albert walid https://3andlib.xplainer.net/images/...s/viewpost.gif اخي اذا راح تفوت العسكر وقف لانام وراح يطلبولك ورقة العسكر وكي تجي من العسكر تقدر تكمل لنام نورمال مي حرز اذا موقفتهاش لايفيقولك بلي كنت بالعسكر وقتها يطالبوك باش ترجع الدرراهم ويديرولك مشكلة معا المدير

بوركتم جميعا
بالنسبة للاخ وليد
واذا كان المدير موافق على ذهابي للعسكر و يبوانتيلي عادي وانا في الخدمة
هل هناك اشكالية اداريا؟

=========

>>>> الرد الخامس :

السلام عليكم
أخي خذ نسخة من أمر الالتحاق إلى مديرية التشغيل وسيقومون بتوقيف مؤقت لعقدك
وعند نهاية الخدمة الوطنية سترجع إلى منصبك بصفة عادية
أنصحك ألا تغامر بمنصبك فلو تذهب للخدمة ولا توقف عقدك فإنهم يجبروك على دفع الراتب الذي أخذته مع الزيادة أيضا وفقدان آلي لعقد العمل وجمبع حقوقك
أنا قمت بتوقيف مؤقت للعقد بورقة أمر الالتحاق، أديت الخدمة لما كانت 18شهرا وعندما انهيت الخدمة أرجعت إلى منصبي بصفة عادية ودون أي مشكل
أتمنى لك التوفيق

=========

المشاركة الأصلية كتبت بواسطة راقي بأخلاقي https://3andlib.xplainer.net/images/...s/viewpost.gif السلام عليكم انا اعمل إدماج لانام عندي عامين تقريبا والمدير ما يعيطلناس ومش دايرلنا دوام و لا عمل واضح في دار الشباب و ماذا بيه واحد ما يجيه لأنو العمل لا يوجد ويبوانتيلنا كل شهر ونسلكو حبيت نسقسي اذا رحت لارمي كيفاه نسلك منحتين لارمي + الادماج ولا يحبسولي لانام مؤقتا ولا كيفاه جاوبوني فيها خاوتي اداريا و شرعا وجازكم الله الف خير....

نصيحة لك يا أخي دير نسخة على أمر الإستدعاء +أكتب طلب خطي تطلب في توقيف العقد مؤقتأ لأداء الخدمة الوطنية و بلغ مديرك في اخر لحظة احسن و ضع النسخة و الطلب في الوكالة الولائية للتشغيل التابع لها و اذا قدر الله لم تستطع دير نسخة و اكتب طلب خطي و وصي أحد أفراد العائلة أو أصدقاء يدفع في بلاصتك النسخة و الطلب................. تروح تسوي وضعيتك سواء أديت الخدمة او سرحوك لسبب الفائض و كي ترجع القانون سواء قانون الوظيف العمومي او القانون الجديد للخدمة الوطنية منحك هذا الحق متضيعش حقك و بالتوفيق لك