مساعدة لوجه الله اعلان توظيف
عنوان الموضوع : مساعدة لوجه الله اعلان توظيف
مقدم من طرف منتديات العندليب
سلام عليكم اخواني لدي اخي دخل مدرسة صومعة ملازم في الشرطة في 02/022015 و بعد 15يوم من التربص خرج بسبب مشاكل عاءلية و مرض الوالدة و الان ندم راهو بلا خدمة روا حاب ايسقسي ايدا عندوا امل يعاود يدخل و لا ى ﻻ و كيفاه يدير خاوتي لوجه الله ساعدوه
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
للأسف هذه هي الحياة
تغلط تسلك
الأم سستوفي في يوم من الأيام وبيقى هو للمصير المجهول
قولوا بات فيك
غلطات كيما هذو لازم ميكونوش
=========
>>>> الرد الثاني :
يا ولدي انا نقولك عونوه وانتا يماه تموت و منعرف يخي حيوان
=========
>>>> الرد الثالث :
سلام عليكم (عسى أن تكرهوا شيئا وهو خير لكم وعسى أن تحبوا شيئا وهو شر لكم) ومشاكل دائما تكون نتائجها كارثية .
و بلاك ربي شافلو فيها خير المهم قللو ماتحيرش روحك راه كل شيء بالمكتوب .
ربي يفتح عليه وعلينا اجمعين .
=========
>>>> الرد الرابع :
سلم اخواني هل من مساعدة ماوال نسنا في ردودكم
=========
>>>> الرد الخامس :
يسيي يدفع من جديد على ربي ولي فيها خير يجيبها ربي للجميع نشالله
=========
السلام عليكم من المستحيل العودة الى الشرطة بعد التنازل الارادي و الرزق على الله انا واحد من الناس خرجت من التربص هاد السنة لانو مرتحتلهاش و الحمد الله الرزق على الله و هدا الانسان لي راه يقول يماه تموت و هو بلا مستقبل انا نقولك بلي تموت و انت حداها خير من تموت وانت مقيوس في كاش بلاد و يعطوك 3 ايام متفوتهاش تروحلك في الطريق و الرزق ربي كاتبهلك ادا مشي في الشرطة في جهة اخرى لكن الانسان مقلق و عجلان على رزقه
قال رسول الله - صلى الله عليه وسلم - : " إن أحدكم لن يموت حتى يستوفي رزقه فاتقوا الله وأجملوا في الطلب ، خذوا ما حل ، ودعوا ما حرم " .
فلا تخف انت تركت شيء للها بطاعتك لامك وحرصك عليها فلا تخف ابدا
فالله عنده ابواب الرزق
واعد المحولات في مهن اخري انت عندك مستوي جميل وصراحة عمل الشرطة فيه نوع من الذل مهما كانت رتبتك انتقل لجمارك او اي الحماية
ياخي علها لمراحش لشرطة مات الرزق بيد ربي سبحانوا انا نعرف جرنا جوز سطاج لبوليس ومباعد خرج ودرك راه مزوج وبرزقو وطوموبيل تاعوا...............رزق بيد ربي وعسي ان تحبو شئ وهو شر لكم وعسي ان تكرهوا شئ وهو خير لكم كل بيد ربي سبحانوا
بارك الله فيكم اخواني على الردود الطيبة سيحاول الذهاب الى مديرية الموارد البشرية و الى مكانش مكتوب الرزق على ربي جزاكم الله كل خير
الرزق على ربي اخي ماشي غير في الكسكيطة بالعكس رانا نشوفو فيهعم يخدمو على برا تجارة وتبرويل دايرين دراهم وعندهم التاويل
