المقابلة الخاصة بإنتقاء الملازمين الأوائل للشرطة. اعلانات التوظيف
عنوان الموضوع : المقابلة الخاصة بإنتقاء الملازمين الأوائل للشرطة. اعلانات التوظيف
مقدم من طرف منتديات العندليب
السلام عليكم ورحمة الله تعالى وبركاته
نرجوا من كل شخص لديه خبرة في كيفية سير المقابلة الخاصة بانتقاء الملازمين الأوائل للشرطة أن يقول لنا كيف تكون وماهي الأسئلة التي ستطرح هناك .
حتى يتسنى لكل المقبلين على المقابلة بأخذ ولو فكرة بسيطة عنها , أرجوا منكم التفاعل مع الموضوع ولو بالدعاء بالتوفيق ..
وبارك الله فيكم.
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
نفس الطلب
رجاءا لمن له خبرة يفيدنا
=========
>>>> الرد الثاني :
السلام عليكم
شوف يا اخي ما تقلق روحك ماولو انا شاركت العام لي فات فيها
اولا كي تدخل للكاتي يقسموكم
كاين 7 اقسام
كاين قسم واحد سامط فيه كوميسار مرأة تسقسي بزااااف سامطة رهج
اما الاقسام الاخري مليحة
يسقسوكم حسب التخصص لي قريته
الاسئلة متنوعة اذا كنت تخصص الحقوق يسألوك عن اختصاص ضابط الشرطة القضائية أو تعريف الجريمة وأركانها.أو مبدأ المشروعية أو ازدواجية القضاء
الثقافة العامة قادر يسقسيك كم تبلغ مساحة الجزائر
المهم ساهلة ما تقلقوش برك
ومن بعد كي تكمل كاينة ورقة تكتب فيها رقم الهاتف نتاعك .هديك دايرينها بلعاني اسكو ترجف ولا توسوس .راكم فاهمنين
والله يا ساهلة ماهلة
اتكلوا علي ربي برك
=========
>>>> الرد الثالث :
السلام عليكم
شوف يا اخي ما تقلق روحك ماولو انا شاركت العام لي فات فيها
اولا كي تدخل للكاتي يقسموكم
كاين 7 اقسام
كاين قسم واحد سامط فيه كوميسار مرأة تسقسي بزااااف سامطة رهج
اما الاقسام الاخري مليحة
يسقسوكم حسب التخصص لي قريته
الاسئلة متنوعة اذا كنت تخصص الحقوق يسألوك عن اختصاص ضابط الشرطة القضائية أو تعريف الجريمة وأركانها.أو مبدأ المشروعية أو ازدواجية القضاء
الثقافة العامة قادر يسقسيك كم تبلغ مساحة الجزائر
المهم ساهلة ما تقلقوش برك
ومن بعد كي تكمل كاينة ورقة تكتب فيها رقم الهاتف نتاعك .هديك دايرينها بلعاني اسكو ترجف ولا توسوس .راكم فاهمنين
والله يا ساهلة ماهلة
اتكلوا علي ربي برك
=========
>>>> الرد الرابع :
السلام عليكم
يا خويا يوم المقابلة انشاء الله لازم تكون لابس مليح و محلق اللحية تماما
غادي تلقاهم مقسمينا بالأفواج روح تقرا سماك باش تعرف لقاعة و اللجنة لي راك فيها
المهم كي يلحق الدور تاعك دخل و قول السلام عليكم صاح الخير حضارات
وما تريحش حتى يقولك و كي تريح يقولك اعطيني لاكرت و يسقسيك على سبيسياليتي تاعك
ممكن يسكسيك على سبيسياليتي و ممكن لا ومبعد يقولك مركي نيميرو تاعك
المهم ماهيش حاجة كل شئ في 3 دقائق
بالتوفيق للجميع انشاء الله
=========
>>>> الرد الخامس :
السلام عليكم
ماهي الاسئلة التي تطرح لعندو دبلوم علوم اقتصاية تخصص نقود مالية وبنوك
=========
هل يتم الإستدعاء للمقابلة لكل من الناجحين في الدفعات الثلاث ( الدفعة الأولى في 17 أوت ) والدفعة اثانية في 21 سبتمبر و الدفعة الثالثة في 21 أكتوبر
يعني الناجحين في هذه الدفعات الثلاثة يستدعوهم جماعة؟؟؟؟
أللي عنده معلومات وفايتة عليه هذه المسابقات مايبخلش علينا وشكرا
هل تم توزيع استدعاءت بلدية الجلفة
انا اليوم جبت الاستدعاء نهار 09/11/2014 نعقب المقابلة كاش معلومات ونصائح ماتبخلوناش وشكرا
w sport wa9tah .... w zid ki tkoun nta Electrotechnicien chkoun ra7 yquestionik !
يقولك عرفلي الألكترونيك ولا احكيلي شوية على مذكرة التخرج تاعك. المهم يشوف طريقة الكلام تاعك. هذا هو الغرض فقط
