استفسار حول جهاز الشرطة والدرك اعلان توظيف

عنوان الموضوع : استفسار حول جهاز الشرطة والدرك اعلان توظيف
مقدم من طرف منتديات العندليب

السلام عليكم شباب واخوتي .. عندي استفسار بسيط اوو بالاحرى تالفتلي وحاير انا شاب ليسونسي عندي الشهادة ونقرا ماستير واحد حبيت الانخراط في احدى لي كور الشرطة او العسكر علما اني مازال ما جوزت عام العسكر تاعي ندور بسورسي ولوكان ندخل ندخل أوفيسي فالعسكر واقيل نقدر ندخل ملتم نخدم ديراكت ومانعرفش كاش الحالة ولكن حاب من جهة الشرطة والشرطة دوك يديرو اعوان شبيهين حتى لجويلية باش واقيل مسابقة اعوان الشرطة وماشي حاب يروح عليا الحال


الدرك ما نقدرش جزت 23 سنة

لي قادر يعطيني نصيحة او اختيار ربي يعطيه الخير وشكراا لحباب


>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

طلبت منكم نصيحة بسيطة او توجيه ماشي صعيب خاوتي جاوبونا ؟؟

=========

>>>> الرد الثاني :

يا اخي تقدة تشارك في الدرك متفوتش برك 23 سنة بالتوفيق

=========

>>>> الرد الثالث :

اوا جزت 23 هادا جانفي نقفل 24 ممكن نصيحة خول الجيش ندخل نجوز العام تاعي ونكمل معاهم حاب نعرف ليسونسي كيفاه يديرولو وين يحطوني ؟ وشكرا

=========

>>>> الرد الرابع :

فوت العام تاعك من بعد يرحمها ربي ... دوك راه عام برك مش عامين و ادعي ربي ممكن يخرجووك بالفائض .... و كل هذا بعد ما تتخرج من القراية و بالتوفيييق

=========

>>>> الرد الخامس :

شكرا على الرد لي حاب نعرفو برك واحد بالديبلوم وين يديروه وادا نقدر نكمل نخدم فجهاز الجيش معاهم

=========

لا يمكن أخي .... كي تدخل على أساس تفوت العامين ماتقدرش تزيد تقرى أو تكمل معاهم ... مكاش هذي في الجزائر

شكرا على الاجابة على كل حال لكن لا اظنك من دوي الخبرة اخي لانو فيه كونترا تسينييها ولا حاب تكمل معاهم تخدم الى جانبهم اظنها بعد اتمام تدريب تع عام اتهلا

المشاركة الأصلية كتبت بواسطة zakshippudan https://3andlib.xplainer.net/images/...s/viewpost.gif شكرا على الاجابة على كل حال لكن لا اظنك من دوي الخبرة اخي لانو فيه كونترا تسينييها ولا حاب تكمل معاهم تخدم الى جانبهم اظنها بعد اتمام تدريب تع عام اتهلا

ما قاله لك الأخ صحيح لا يمكن أن تبقى معهم بعد نهاية تأديتك للخدمة الوطنية
+
كان حاب تدخل للجيش روح سقصي في الدرك الوطني أوفي الناحية الخاصة بالجيش في منطقتك وهم راح ايجاوبوك مليح أو يقدمون لك دليل التجنيد

السلامـــ عليكم
اخي على حساب واش سمعت ،، بعد ما رجعو الخدمة الوطنية عام زادو رجعوها كيما بكري بحيث تقدر تكمل معاهم بصح يبالي حسب الاحتياجات تاعهم و ثكنة من ثكنة ماشي كامل كيف كيف و الله اعلم

السلام عليكم
خويا أنا في 01 جانفي نقفل 24 سنة عندي ماستر وحطيت الملف نتاع ضابط في الدرك في أكتوبر و درت التحقيق و راني نستا الفحص الطبي روح سقسي باش متندمش

ياخو عندك ماستير ماستير يزيدولهم واقيل لي ليسونسي لالا 23 سي بون مرا لي فاتت كنت عندهم عندي صحبي يخدم لتم قالي مام معريفة مايقدروش

ايه يا جدك كبرت روحي قبل الوقت عندي 22

ana 7ssabek 3andek master dril derwak cheft 3andek licence ,sinon ma3andakche des infomations 3la la gendarmerie l'entrainement le salaire ..etc

المشاركة الأصلية كتبت بواسطة lasydoo https://3andlib.xplainer.net/images/...s/viewpost.gif يا اخي تقدة تشارك في الدرك متفوتش برك 23 سنة بالتوفيق

ياخي كما انا في 16نوفمبر2015 نقفل 23 سنة سما نقدر نشارك ول لا في الشرطة او الجيش هذا الصيف 2015 ام لا وشكر