الخدمة الإجبارية (الوطنية) العائق الكبير لشبابنا اليوم اعلان توظيف
عنوان الموضوع : الخدمة الإجبارية (الوطنية) العائق الكبير لشبابنا اليوم اعلان توظيف
مقدم من طرف منتديات العندليب
السلام عليكم ورحمة الله وبركاته
يا خاوتي انا راني نعاني من مشكل الخدمة الاجبارية هذي والله غير مشكل كبير (حقرونا او حقرونا آ صديقي)
واليوم حبيت نفتح النقاش امام اخواني الشباب اللي يعانون من نفس المشكلة ..... التي اصبحت هاجسا يحطم حلم الكثير في تحقيق مبتغاه من عمل ودراسة وزواج (مستقبل ككل)
انا صراحة ضد هذه الخدمة التي لا نستفيد نحن منها من شيء سوا خسارة سنة ونصف من حياتنا في خدمة المؤسسة العسكرية التي بدورها تستنفذ قدراتنا ومجهودنا بدون مقابل ......؟؟؟؟
ولهذه الاسباب أطالب :
1- يتقليص مدة الخدمة الاجبارية ..... حتى 1 شهر
2- مع وضع أجر شهري في المستوى ما يقارب 3 ملاين أو اكثر
3- التخيير وإلغاء كلمة الواجب أو الاجباري ...... وتصبح الخدمة الوطنية لمن يريد التطوع ........
.
.
.
.
.
.
.
.
4- يفتحوا الحدود ......... يخلونا نهربوا من البلاد تع الهم هادي https://3andlib.xplainer.net/images/smilies/1.gif https://3andlib.xplainer.net/images/smilies/mh31.gif
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
ههههههههههههه و الله عندك حق
=========
>>>> الرد الثاني :
الله غاب خويا العزيز
انا خدام في مشروعي الخاص 29 سنة وران رايح نحبس كل شيئ من اجل نروح نحرس الفاسدين المفسدين
باسم خدمة الوطن
ولكن حالف وقاطع يمين اول فرصة للهجرة الشرعية او غير الشرعية والله ما نخليها
=========
>>>> الرد الثالث :
المشاركة الأصلية كتبت بواسطة mikoyan https://3andlib.xplainer.net/images/...s/viewpost.gif
الله غاب خويا العزيز
انا خدام في مشروعي الخاص 29 سنة وران رايح نحبس كل شيئ من اجل نروح نحرس الفاسدين المفسدين
باسم خدمة الوطن
ولكن حالف وقاطع يمين اول فرصة للهجرة الشرعية او غير الشرعية والله ما نخليها |
والله يا خويا راني 3اشهر وانا نحفر ونريب ونوجد في المحل تع المشروع تيعي حتى فجعوني الدرك يحوسوا عليا ..... يا لطيف ياربي غير الخير .... ارواح تاخد لوردرابال تيعك .... وانا مسلف الدراهم وحاصل في الخدمة كيفاه ندير
وزيد قالولي في يدك 3 اشهر ويخرجلك بيي دروشارش
درك الدنيا ماصطة ..... كرشي توجع ..... ونخمم كيفاه نرد الدراهم اللي مسلفهم لي شريتهم سلعة وسيمة وقرافي ورمل
=========
>>>> الرد الرابع :
هههههههه ربي يفرج هذا واش نقولو
راني كيفك ا خويا
انا راني في دين كبير بديت بيه مشروعي
وردك راني نخمم كيفاش نرجعو
الله غالب هذي بلادنا بلاد العز والكرامة عفوا الرخس والاهانة
وين بعثوك الاخ العزيز انا راهي جاتني للاعغواط 15 مارس ان شاء الله
=========
>>>> الرد الخامس :
الله يجعل الخير ............................
=========
المشاركة الأصلية كتبت بواسطة mikoyan https://3andlib.xplainer.net/images/...s/viewpost.gif
هههههههه ربي يفرج هذا واش نقولو
راني كيفك ا خويا
انا راني في دين كبير بديت بيه مشروعي
وردك راني نخمم كيفاش نرجعو
الله غالب هذي بلادنا بلاد العز والكرامة عفوا الرخس والاهانة
وين بعثوك الاخ العزيز انا راهي جاتني للاعغواط 15 مارس ان شاء الله |
راك تشوف ...... بعثوني للجلفة المويلح 15 مارس
ربي يجيب الخير
