كل شيء بخصوص المدرسة التطبيقية للنقل و المرور بتلمسان اعلان توظيف
عنوان الموضوع : كل شيء بخصوص المدرسة التطبيقية للنقل و المرور بتلمسان اعلان توظيف
مقدم من طرف منتديات العندليب
السلام عليكم و رحمة الله تعالى و بركاته
لقد التحقت لهده المدرسة بعد تشجيع الاعضاء بالمنتدى لكن ما وجدته بها كان اكثر مما وصفوه لي
سواء من حيث المعاملة و لاهتمام بالمترشحين والله غيرت نظري عن العسكر
لدا اود التقدم بالشكر الجزيل لجميع العاملين بها من الجندي الى قائد المدرسة
اما بخصوص الارقام
اولا بخصوص ضباط الصف معلوماتي قليلة نوعا ما
على حد علمي بلغ عدد الملتحقين حوالي 550 فرد اخد منهم 270 و الباقي اما معفى او فائض
اما الطلبة الضباط الاحتياطيين
التحص 596 فرد منهم 108 مرشح و 346 فائض و حوالي 60 معفى و حوالي 80 مؤجل
انا و الحمد لله خرجت مع الفائض
وربي يوفق و يحمي اخواننا اللي ما زالو باقين
و شكرا
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
مبروك علينا و الحمد لله
انا ايضا خرجت اليوم فائض
=========
>>>> الرد الثاني :
والله غير كلامك صحيح خويا وخصوصا معاملة من طرف الاخ مصطفى الضابط الاحتياطي ربي يحفظوا بالبركة علينا قاع ولعقوبة انشاء الله للخدمة قاع لي كانوا في مدرسة النقل والمرور
=========
>>>> الرد الثالث :
اااه ويي هاداك وليد فاميليا ربي يخليه لوالديه
=========
>>>> الرد الرابع :
مام هاداك الكولونال لي قالنا "الثقافة راحت في مغرف تع طعام " ناس ملاح
=========
>>>> الرد الخامس :
هههههه علاه يا الخاوة تخرجولنا في قلوبنا
انا تاني عندي استدعاء ط ض ا 22/3/2014
مي ما روحتش تسما على حساب واش راكم تقولوا اني راطيت
ماعليش خيرها في غيرها
و كلشي مبروك ليكم و لكل الاخوة اللي تهناو من هاد الخدعة الوطنية.
=========
ههههههه
الأوااار دير 3 - 3 منا و الايسوار دير منا هههه
و انا كنت ايسوار و كان يتعامل معانا عتو فاتح و جامي ننسى واش فوت ثم خخخخ و سورتو نهار الغدا كسكس ههههه الغدا على 17.00
أكره حاجة الروسومبلمو الصباح و في الليل و لحظات الترقب للأوروااار لواش راح يقول الكابيتان
و كثرت الأقاويل راهم قالو و راهم قالو و بلا ما ننساو الروجي و جماعة الكونتراكتوال و عز الدين تع فوايي
بالبركة عليكم خاوتي.
تحية إكبار وإجلال للقائد القدوة : مصطفى، إسم على مسمى الله يباركلو في صحتو ورزقو.
وتحية من المنبر هذا لكل شرفاء مدرسة النقل بتلمسان.
خرجت فائض و امس دهبت للمكتب الخدمة و اخدت البطاقة الدهبية معفى موهل لا يجند نشكر كل مجندين المدرسة و بالخصوص مصطفى و كلمة الكولونيل ارت فينا كثيرا و الحمد لله و تهاني للجميع
واش الحالة يا الاووار ههههههه دورو ثلاثة ثلاثة الاول ما يزرب والتالي ما يتأخر -
بالركة عليكم خوتي الاعفاء
انا تاني كنت فما طلقوني مع الدفعة الثانية تاع الاووار يوم الثلاثاء
الصراحة ثكنة رائعة بكل معنى الكلمة من جميع النواحي
ونحمدو ربي وان شاء الله لاكارت
الحمد لله انا تاني اخرجت من نفس المدرسة و البارح رحت لوهران ديت البطاقة بمؤهل لا يجند
و نشكر الاخ amin eco بزاف على المعلومات
السلام عليكم انا فون فيها عام و نص و خرجت 2013
مصفى لي راكم تحكو عليه زغداني تاع باتنة ؟
احنا عندنا مركز في ولايتنا نقدر ما نروحش لسعيدة
اعطاوك استدعاء باش تعاود توليلهم في جوان ولا مباشره لاكارت
واحد صاحبي كان معانا اعطاوه استدعاء حتى جوان باش يدي لاكارت
هههههههههههه الجماعة كامل هناااااااا
انا ثاني كنت معاكم وخرجت فائض
-----------
لحد الان مازلت نكره القاطو والفيطاجو ههههههه
الكوموندو انسان رائع وولد فاميليا
الحمد لله لقينا رجال بمعنى الكلمة تمة ناس بلعباس معسكر وتيارت وتبسة بلا ما ننسى البليدة والمجتهدة مستغانم و الشلف والعاصمة والمدير ههههههههههه
ايام شابة بزااااااااااف
يا خاوتي و الله ماحق عليكم
أنا دخلت الهاتف و ما حفظتش أرقامكم كنتو تتاصلو بيا وعلاه وعلاه ههههههههه
عرفت غير هاني و لقيت جماعة من غليزان و المدية برك تع الانترنت
