استفسار حول وثيقة أمر توجيه ــــــ اعلان توظيف
عنوان الموضوع : استفسار حول وثيقة أمر توجيه ــــــ اعلان توظيف
مقدم من طرف منتديات العندليب
السلام عليكم خاوتي
كيما على بالكم و الحمد لله خرجنا من الثكنة و أنا كنت سيرجو في تلمسان و خرجت إينابت
المهم خرجوني بأمر توجيه لمكتب الخدمة الوطنية بالبليدة .... كمعفى نهائيا من أداء الخدمة الوطنية
درت غلطة كبيرة كبيييرة و ندمت عليها ــــ ما درتش فوطوكوبي على أمر توجيه و مديتهالهم
و مامدولي حتى وثيقة تثبت وضعيتي اتجاه الخدمة الوطنية قالولي على شهرين جيب 2 تصاور ترفد الريفورم
حاليا بانلي بوست و كي جيت نحط دوسي حصلت مع وضعيتي اتجاه الخدمة الوطنية
السؤال : لوكان نروح ليهم زعما يمدوهالي ندير عليها فوطوكوبي و نقاليزيها و نرجعها ؟؟
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
بفففففففف خسارة يا اخ منير نسيت مقتلكش دير عليها فوتو كوبي لانهم هوما يقولو شهرين لكن ممكن الامر يطول اكثر
كون تروح ليهم مشكيتش يرجعوهالك راك تعرف كي يليكدو بزاف لكن معرفة ممكن يجبدهالك دير عليها نسخة طبق الاصل
=========
>>>> الرد الثاني :
راك تشوف يا خويا أنا قلت تهنيت .... لكني درتها بيدي و لكن الرزق من عند ربي و حتى اذا ماكتبش ربي مع هذاك البوست تكون فيها خير و خيرها في غيرها المهم نتهناو من جدهااا من الاساس
شكرا لك على الرد صديقي
وين نلقاك في المدية كي نروح ؟؟ خخخخ
=========
>>>> الرد الثالث :
انا في قسنطينة ديتلهم امر توجيه عطاوني استدعاء يوم 22 أوت ومكتوب فيه بلي مسوي الوضعية تاعي ومكتوب فيه الوثائق لي نديها
=========
>>>> الرد الرابع :
ماهي الوثائق التي طلبت منك اخي الميلي
نعم اخي منير نتلاقاو اكيد وفطور عليك ههههههههه سأتصل بك عبر خاص
=========
>>>> الرد الخامس :
أنا في لاريجيو تع البليدة قالولي جيب 2 تصاور برك !!!
ان شاء الله أمينوو اصبر عليا ندبر خدمة و نخلصهم باش نخلصلك ههههههههههههههههههه منا لرمضان بالاك بويسك يطولو باش يخلصونا هذي اذا لقيت خدمة
و انت اذا خدام تخلصهم هاهاهاهاها
=========
