عنوان الموضوع : لا توجد كلمة اسمها متطوع
مقدم من طرف منتديات العندليب
انا الآن في ورقلة في سيبار و الله العضيم غير طاحلي المورال ... انا السورسي تاعي ينتهي في أكتوبر قلتلهم برمجوني في دفعة سبتمبر على اساس تطوع
قالي العسكري خويا راهم مغلطينك المتطوع هو من انتهى السورسي تاعك لدلك عليك الانتضار حتى مارس باش تجيك لوردابال
انا متخرج من بسكرة و مقبل على الزواج العام المقبل لدلك حاب نعقبها نتهنى منها
و الله ما فهمت فيها حاجة .. كل الأعضاء هنا يقولو روح متطوع لكن الحقيقة شتان بين الموقع و الصح
مادا افعل ارجوكم مع العلم اني سوف اقضي اليلة في السانتيفي و ادهب هناك مجددا غدا
أرجوكم انصحوني راني غالط في واش درت ولا وشيه ؟
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
كاينة يا أخي أنا اليوم كنت عندهم قالي دير طلب و ادفع الديبلوم و لكن قالي باش تختار الثكنة مكانش منها حنا نوجهوك
=========
>>>> الرد الثاني :
ياخي بلاد ياخي كي بلاصة و كيفاه انا كي رحت المرة أخيرة لعنابة قتلو نروح متطوع قالي وين حاب تفوتها كي قلتلو بليدة قالي لالا لازم تكون بعيدة على وين تسكن ب 150 كيلو...بصح ماقاليش حنا نوجهوك.....هادي ثاني و فيها كل واحد و زهرو...بلاد ميكي
=========
>>>> الرد الثالث :
المشاركة الأصلية كتبت بواسطة youcef ha https://3andlib.xplainer.net/images/...s/viewpost.gif
كاينة يا أخي أنا اليوم كنت عندهم قالي دير طلب و ادفع الديبلوم و لكن قالي باش تختار الثكنة مكانش منها حنا نوجهوك
يا اخي كاينة منها في ورقلة ولا نتا راك في مكان آخر ؟
والله غير قلقني قريب ندير مشكلة تما .. و منيش وحدي كاين 2 كيفي
=========
>>>> الرد الرابع :
لا أخي أما من سعيدة قبلولي نفوتها في سبتمبر بالرغم سورسي يكمل حتى في ديسمبر و لكن التوجيه هم يفرضوه عاي
=========
>>>> الرد الخامس :
الاخ صالح او أمين أو الجيريانو عونوني الله يخليكم
زعما كاين كود ولا كيفاه ؟ ولا كاشما كاينة هدرا لازم نقولها ؟ والله غير جياحة هادي ولات بلاد شكوبي جامي تتعدل
غدوا نروحلهم و نقولهم ادوني بالدراع بالحل ولا بالقوة و كيما جات تجي
=========
يا اخي راه يحشيلك برك
في سبتمبر ادي ديبلوم نتاعك وطلب خطي يعطوهالك متطوع لانها فترة التجنيد
بنسبة لاختيارالثكنة انت وزهرك كاين نواحي ميمدوش الاستمارة
صديق لي نفس حالتك تماما في الناحية العسكرية الخامسة استخرج استدعاء متطوع عادي في سبتمبر أرسلوه الى البليدة و خرج بملف طبي.
ممكن لن يسمحوا لك باختيار الثكنة لكن من حقك التطوع و تنحي على روحك لماذا الانتظار الى مــارس !! اذا رفضوا مرة اخرى أطلب مقابلة مدير المركز و ماتسكتش على حقك أخي.
بالتوفيق.
مشكورين على الدعم اخوتي امين و ألجيريانو
هل هناك نسخة من الطلب الخطي في المنتدى ؟ بصراحة لا ادري مادا اكتب
و غدوا نعاود نروحلهم و راني نردلكم لخبر و نقولكم على الجديد
أنا من جيجل والسورسي يموت في أوكتبر لما دهبت اليهم قالو لي ممكن تروح في دفعة سبتمبر
قالوو لي فقط أتينا بالديبولم و في الاسبوع الأول من سبتمبر ارواح
لكن داهب الى قسنطينة السمانة الجاية ونخير الثكنة كيما دار صاحبي العام ليفات واليوم راه يفوت هذا صاحبي نورمال
ان شاء الله تفرج عليك
السﻻم عليكم
اخي انا من وﻻية سكيكدة البارحو كنت عندهم
قالو لي افع الديبلوم + السورسي القديم واطلب الاتحاق متطوع عادي.
