الاستفسار على الخدمة الوطنية + المحكمة العسكرية
عنوان الموضوع : الاستفسار على الخدمة الوطنية + المحكمة العسكرية
مقدم من طرف منتديات العندليب
السلام عليكم ورحمة الله
اهلا بالاخوة الكرام
ان شاء الله كل بالف خير
والله يا خاوتي عندي وحد الاستفسار على الخدمة الوطنية
انا راني خرجت روشارشي عندي بزاف حكموني مرة وداوني لقسنطينة شارعت ثم
درت دوسي تاع كفالة والحمد لله خرجت براءة ثم في ماي لي فات
عاطوني انفلوب باه نديه لسطيف مي انا مديتوش ضك يعني عندي وحد 3 شهر ونص
انا كنت حاسب كي نفريها من قسنطينة يعني خلاص ينحوني من لاروشارش
مي البارح لقيت روحي مزالني روشارشي
السمانة هذي نديه نشاء الله
حبيت نعرف برك كي نديهلهم يحكموه علليا عادي ولا ميحكموهش طوول ؟
كون يحكموه عليا قالولي يعطوك سورسي ب 3 شهر،، يعني كي يعطوني السورسي ينحوني من لا روشارش ولا كيفاه ؟
يقدرو يهزوني من ثم كي عدت روشارشي ولا لا؟
خاوتي لي عندو كاش معلومات ميبخلش علينا
ايه حبيت نقلكم انا منيش نحوس على روفورمي
نحوس نكون قبل نوفمبر منيش روشاري برك لخاطر راني خاارج من البلاد باه ميديرونجيونيش في المطار برك
وبارك الله فيكم مسبقا
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
يا خاوتي فيدونا بكاش معلومات
الاحد هذا راني رايح نشاء الله
=========
>>>> الرد الثاني :
و عليكم السلام
أمر كف البحث يصدر من الجهة التي حركت نشرة أمر الإيقاف و الظاهر ان مكتب سطيف من حركها لهذا وجهت إليه و لكن بما انك غير مبالي فليس امامك الت تحمل ثمرة أو شوكة فعلك
توجه لمركز سطيف كما أمرت هذا ما تستطيع فعله و يجب عليك الإسراع عسى أن يصدر مذكرة كف البحث قبل نوفمبر
=========
>>>> الرد الثالث :
المشاركة الأصلية كتبت بواسطة صالح القسنطيني https://3andlib.xplainer.net/images/...s/viewpost.gif
و عليكم السلام
أمر كف البحث يصدر من الجهة التي حركت نشرة أمر الإيقاف و الظاهر ان مكتب سطيف من حركها لهذا وجهت إليه و لكن بما انك غير مبالي فليس امامك الت تحمل ثمرة أو شوكة فعلك
توجه لمركز سطيف كما أمرت هذا ما تستطيع فعله و يجب عليك الإسراع عسى أن يصدر مذكرة كف البحث قبل نوفمبر |
تعيش خويا على المعلومات
انا راني رايح هذا الاحد نشاء الله
مي كانوا عندي بعض الاستفسارات قلت بلاك في ناس جربت من قبل تفيدنا
انا المشكل راه كي طولت بزاف مديتش الرابور راها قربيب 3 شهر ونص
ميرسي مرة اخرى خويا على التدخل
=========
>>>> الرد الرابع :
=========
>>>> الرد الخامس :
=========
