ناجح في مسابقة الاساتذة ليس لديه سرسي ما الحل؟
عنوان الموضوع : ناجح في مسابقة الاساتذة ليس لديه سرسي ما الحل؟
مقدم من طرف منتديات العندليب
السلام عليكم زوار واعضاء هذا المنتدى
اود ان سؤالكم حول
اذا الواحد نجح في كونكور الاساتذه وهو راو روشارش واشنو هو الحل نتاعو؟
بويسك كي ينجح يطلبو عليه السورسي
وبالنسبة لي راو ماهوش روشارش ...سمعت بللي يروح يدي شهادة نجاح يعطوهالو من بلاصة لي نجح فيها يدفعها في مركز الحدمة الوطنية يخدمولو سورسي 6 اشهر
لكن بالنسبة للمسابقة نتاع الاساتذة؟منين يعطوك الورقة؟؟؟؟؟؟؟ ديجا اللي ينجح بعد ما يدفع الدوسي يدير تكوين 15 يوم مبعد باش يعطولو التعيين.....
وسؤال أخير:
بالنسبة لي عندو 2 اوردابال .......وخدم سورسي حتى شهر واحد........يتمسحولو لي زور دابال الزوج ؟ والا يعدو محسوبين ليه...؟
ارجو من اصحاب الخبرة الاجابة والشرح من فضلكم
وجزاؤكم على الله عز وجل
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
متروحش حتى ولو تصبح عاصي حتى تدي التعيين
=========
>>>> الرد الثاني :
اذا عملت سورسي بعد الاستدعائين اكيد ان الاستدعاءات ستمحى فلهذا انصحك اذا كنت خائف ان تذهب الى مقر الدرك الوطنى او ترسل احدهم ليستفسر عن وضعيتك
=========
>>>> الرد الثالث :
مشكوووور اخ هشام على النصيحة
وبالنسة لرد بن ثابت .....لكن التعيين راو يعطوهولك الا بعد ما تكمل الدوسي نتاعك وتكمل التكوين نتاعك نتاع 15 يوم
=========
>>>> الرد الرابع :
ما دام عملت سورسي بعد الاستدعاءين لن تصبح عاصي
يرسلولك الاول من جديد و تصبح في وضع قانوني عادي
أما عن التأجيل بشهادة نجاح ان كانو يعطونه للناجحين بالمسابقات فأنت في وضع قانوني
=========
>>>> الرد الخامس :
شهادة النجاح لا تعطى في الأكاديمية
بعد التربص يعطوك التعيين
انت تروح للمدرسة لي بعثوك ليها يخدملك المدير محضر تنصيب
تديه للريجيون يخدموك بيه سورسي تاع عام
=========
مشكوووور الاخوة الكرام على التفاعل والرد
لكن اخي خااااااالد لبروبلام هي انو قبل ما تدخل للتكوين نتاعك مدة 15 يوم يقولولك كمل الدوسي من شهادة جنسية وسوابق عدلية و......و.......واثبات الوضعية تجاه الخدمة الوطنية
ويعطوك مهلة 4 ايام لازم تكمل فيها الدوسي نتاعك قبل ما يبدى التكوين
....واذا ما كملتيش الدوسي نتاعك يعيطو في بلاصتك لواحد من الاحتياط.......
يعطوك مهلة 4 ايام لازم تكمل فيها الدوسي نتاعك قبل ما يبدى التكوين
....واذا ما كملتيش الدوسي نتاعك يعيطو في بلاصتك لواحد من الاحتياط كلام صحيح
المشاركة الأصلية كتبت بواسطة rate12400 https://3andlib.xplainer.net/images/...s/viewpost.gif
مشكوووور الاخوة الكرام على التفاعل والرد
لكن اخي خااااااالد لبروبلام هي انو قبل ما تدخل للتكوين نتاعك مدة 15 يوم يقولولك كمل الدوسي من شهادة جنسية وسوابق عدلية و......و.......واثبات الوضعية تجاه الخدمة الوطنية
ويعطوك مهلة 4 ايام لازم تكمل فيها الدوسي نتاعك قبل ما يبدى التكوين
....واذا ما كملتيش الدوسي نتاعك يعيطو في بلاصتك لواحد من الاحتياط....... |
الله أعلم في ولايتك
في ولاية تبسة لم يطلو شهادة اثبات وضعية المترشح اتجاه الخدمة الوطنية
عند الإستفسار في الاكاديمية وفي لا ريجيون قالو واش قتلك
لا اخي خاااالد عندي صحابي نجحو مفوتين العامين دفعو فوتوكوبي على لاكارت جون....وبالضبط في ليسي بدري جاب الله
ثما وين دفعت حتا انا في بدري جاب الله لكن احتياط
وصاحبي دفع ناجح بدون سورسي ولاكارت جون وراهو مع التربص ضرك عادي
رحت معاه لل اكاديمي و لاريجيون في تبسة قالولي الاجراءات لي قتلك عليها
قالي بمحضر تنصيب
نعطوك سورسي تاع عام ماشي 6 اشهر
انا دفعت احتياط بدون اي ورقة تثبت الوضعية اتجاه الخدمة الوطنية وصاحبي كيف كيف
تكمل التربص يعطوك التعيين تروح بيه للمدرسة لي بعثوك ليها
المدير يخدملك محضر التنصيب
واحد يطلعو السيكريتار للمالية وواحد يبقى في المدرسة والاخير تطلعو انت للمديرية انت دير عليه فوطوكوبي ليكاليزي وروح بيه للريجيون
ومباعد طلعو للأكاديمية
المهم كاشما يكون جديد راني نقلك
لك كثييييير الشكر اخي خااالد الله يحفظك ....باين عليك ولد حلال............بااارك الله فيك ربي يسهلك خويا ومبروك عليك الاحتياط وانشاء الله تتوظف ويعيطولك من لاكاديمي
c mon devoir خويا
مكان حتى مزية
