عاجل بخصوص التسجيل كمتطوع اعلانات التوظيف

عنوان الموضوع : عاجل بخصوص التسجيل كمتطوع اعلانات التوظيف
مقدم من طرف منتديات العندليب

السلام عليكم اخواني الكرام بخصوص التسجيل كمتطوع متى ينتهي اخر اجل للتسجيل انا تابع للناحية العسكرية الرابعة بورقلة هل يحق لي اختيار المدرسة التي ارغب فيها من دون ان يفرضوا علي اختيار مدرسة محددة ام لا وهل صحيح انه يشترط على من يرغب في التسجيل كمتطوع ان يكن حاصل على سورسي منتهي ام لا علما انني جاتني اول اورد ابال في مارس الماضي ولم التحق كذلك بخصوص الملف الطبي حول النقص الحاد في النظر هل يؤخذ بعين الاعتبار الملف الطبي والوزن الزائد ام لا ارجوا الافادة بارك الله فيكم


>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

53 مشاهدة ولا رد ..............

=========

>>>> الرد الثاني :

انا من نفس الناحية و طلبو مني السورسي و قمت باختيار المدرسة لكن لا اعلم اذا ماكانو مزال يستقبلو المتطوعين او لا

=========

>>>> الرد الثالث :

شوف خويا نزيدلك حاجة... normelment مازالوا يستقبلوا الدواسا و انت اعليك لازم تزرب وتروح في اقرب وقت...
و ثاني حاجة قضية السورسي كيما قالك الاخ يطلبوا عليك... لكن احنا فالناحية الخامسة يطلبوا منك بطاقة التعريف و الديبلوم هذا ماكان و اذا عندك السورسي يقولك ادفعوا ولكن الاختيار يقولك احنا لي نوجهوك....
ونعطيك حاجة مهمة وانت قيس اعليها.. شوف انا كي رحت حبيت نسجل متطوع في قسنطينة ما تلبوش علينا سورسي وبصح مخلوناش نخيروا الثكنة... لكن انا خيرت الثكنة و من دون معريفة لكن كان الأمر صعب صعب صعب جدا صعب فوق التصور و تم الامر بعون اله ثم واحد العسكري ناس ملاح حتى هو ضغطوا عليه تاع لوجيسيال ومخلاوهش قداه من مرة وهو يحب يدرلي اختيار تاعي و هما م خلاوهش لكن في الاخير خلاص جبهالي كيما بغيت..
و فالناحية الرابعة يخليوك تخير بصح كيما قالولك جماعة ممكن يطلبوا عليك سورسي..
وزيدنقولكحاجة انا فالاولاحكم عليا بلا سورسيطلب مني بطاقة التعريف و نسخة من ديبلوم و عمرت ورقة التصريح بالتطوع .. لكن انا كان عندي ارجاء متهي الصلاحية منذ 2013 و قتولا عليه قالي هيه اذا عندك ادفعوا...
و ربي يجبلك لي فيه الخير

=========

>>>> الرد الرابع :

انا مكنش علابالي بلي كاين منها هذ متطوع وتخير الثكنة بصح كي كملت لقراية كان اول همومي قبل هموم التوظيف اني نتهنا من جد باباها الحلوف ومشيت لراجيون وهران قلتلهوم بغي نركب ردوني قالولي جيب دبلوم ولاكارت وسورسي طبعا كان مزال مكملش بسك كملنا لقراية فجوان وانا مشيت اوت وماقالوليش بلي نخير الثكنة حكم علي الدوسي وستنيت ومن بعد جابلي سورسي حتى لمارس 2012 الي جاتني فيه لوردابال وكيما قلتلكوم جاتني هنا فولاياي 50 كلم بعيدة علي وتعجبت تعجبا شديدا حسبتهوم راهم غالطين وهي كيما راكوم تقولو المتطوع يساعدوه امال هما بعثوني بلا منخير والحمد لله

=========

>>>> الرد الخامس :

شوف .. باش تسجل بدون سورسي هاذي أنساها في الناحية الرابعة .. لا بالقوة لا بالملاحة.. لانو هاذا قانون عندهم
مي نتا راك من الواد و ورقلة قريبة مام با 120 كيلو لا مكذبنيش ربي .. روح سقسي و شوف

=========

هذا وش نقولك

اخي ابراهيم هل انت متاكد من انهم يطلبوا سورسي قديم لكي يتم منح استدعاء متطوع في مركز الخدمة الوطنية بورقلة لاني ميش حاب نشقى بلا فايدة كي نروحلهم من الواد لورقلة ونقطع مسافة 250 كلم ذهاب واياب من دون اي نتيجة ارجوك اخي تاكدلي من هذا الامر ان كنت تسكن بورقلة ارجوك ان تذهب لهذا المركز وتتاكد لي بنفسك وجزاك الله كل خير

المشاركة الأصلية كتبت بواسطة سعيد فتحي https://3andlib.xplainer.net/images/...s/viewpost.gif اخي ابراهيم هل انت متاكد من انهم يطلبوا سورسي قديم لكي يتم منح استدعاء متطوع في مركز الخدمة الوطنية بورقلة لاني ميش حاب نشقى بلا فايدة كي نروحلهم من الواد لورقلة ونقطع مسافة 250 كلم ذهاب واياب من دون اي نتيجة ارجوك اخي تاكدلي من هذا الامر ان كنت تسكن بورقلة ارجوك ان تذهب لهذا المركز وتتاكد لي بنفسك وجزاك الله كل خير

اخي نورمالمون لازملك سورسي لا زال ساري مفعوله و ليس قديم
أخي مسافة 250 كيلو ليست بعيدة ساعتان ألي روتور لانو طريق مليحة مابين ورقلة الواد
روح صباح ترجع صباح .. متكبرهاش بزاف باسكو ماهيش حاجة صعيبة
(انا راني من بسكرة اخي منيش ورقلي)