ذهبت الى مركز التجنيد قسنطينة كمتطوع ! للأسف اعلانات التوظيف

عنوان الموضوع : ذهبت الى مركز التجنيد قسنطينة كمتطوع ! للأسف اعلانات التوظيف
مقدم من طرف منتديات العندليب

السلام عليكم
كنت اليوم صباحا في قسنطينة لتسجيل كمتطوع
والكل يعلم أن المتطوع له حق اختيار الثكنة وهي موضوعة في اعلان داخل المركز
المهم لما دهبت للشباك الخاص بالمتطوعين أعطوني نعمر ورقة خاصة بالمتطوعين
لما انتهيت تكلمت معه بشؤون اختيار الثكنة قال لي خير واش حبيت (هذا السيد ناس ملاح )
امبعد قلتلوو حطني في المدرسة العليا للبحرية تامنفوست هو كيما راح يكتب ونطق لصاحبو ألتما
قالو تامنفوست اه و يقولووو لا لا قالوو بليدة قلت أنا للسيد هذاك ناس ملاح
قلتلوو بليدة ماتسعدنيش وامبعد قلتلوو نخير وحدة خلاف الاختيار الثاني كان ' بجاية '
للاسف قالي ابعثونا مايقبلوش في دفعة سبتمبر زيد قلتلو الاختيار الثالث ' الحراش'
نفس الشيئ هو لحق يكتب زاد قال لصحابوو هذاك لميفرحش ههههههه قالوو لا لا البليدة
+ زاد قال جميع المتطوعين نبعتوهم بليدة
هههههه قلتلوهم نقدر نستعد أوراقي التي دفعتهاا قلتلهم نروح في دفعة مارس (امبعد شدولي ديبلوم ماستر)
وقالي ارواح كي يموتلك السورسي (نسيت التاريخ بالظبط لقالي ارواح فيه)
وان شاء الله لقدر الرحمان تتحسن ظروفي في مارس نكون خارج الجزائر
رجعت الى ولايتي جيجل خائب الأمل وسؤالي في مركزنا بولايتي قالو لي ارواح في الاسبوع الاول في سبتمبر
باش تروح متطوع ؟ هل يفرضوو علياا ثكنة البليدة ؟؟ أو لي حرية الاختيار
.......


>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

شوف أخي .. هادو هوما لعسكر كل واحد يخدم على حساب القوسطو تاعو
انا قالولي ماكانش منها متطوع أصلا .. لكنني سجلت و الحمد لله
عاود ارجعلهم اخي و اغتنم الفرصة كي يتبادلو لي بوست و جرب حضك مع عسكري أوخر
واش تحب اخي بلاد معوقة

=========

>>>> الرد الثاني :

صح راني قريت الموضوع الخاص بيك
للاسف كل واحد والتعامل تعوو أنا هذاك لمعجبوش الحال
كان مكروشي مع واحد السيد ألتماا قالووو راني نخدم خدمتي ويصصح في كلاموو
تبانلي راهوو يفرض في شخصيته على الشعب الأعزل فقط
المهم لكتبهاا ربي ان شاء الله خير

=========

>>>> الرد الثالث :

المشاركة الأصلية كتبت بواسطة no name rix https://3andlib.xplainer.net/images/...s/viewpost.gif صح راني قريت الموضوع الخاص بيك للاسف كل واحد والتعامل تعوو أنا هذاك لمعجبوش الحال كان مكروشي مع واحد السيد ألتماا قالووو راني نخدم خدمتي ويصصح في كلاموو تبانلي راهوو يفرض في شخصيته على الشعب الأعزل فقط المهم لكتبهاا ربي ان شاء الله خير

اخي هدوك أدنى رتبة في الجيش لي وقف قدامو يخاف منو .. و يجو يخوفو فينا حنا الشعب
الله غالب خويا مش ناس كل كيف كيف .. كاين لمليح و كاين الحاير .. صلي صلاة الاستخارة و عاود روح اخي
بلادنا لوكان جات بلاد حق راهم نحاو الحكومة الفاسدة منذ سنين ..

=========

>>>> الرد الرابع :

السﻻم عليكم

اخي العزيز قدر الله ماشاء فعل لعله خير لك.


+

انا ايوم سجلت عادي بتامنفوست والحمد لله.

=========

>>>> الرد الخامس :

BrahimWalid
واش نقول ربي يهديهم وربي يعطينا الصبر فهذي لبلاد
mr_jalilo
أيا الحمد لله وان شاء الله مايكون غير الخير
.....
للأسف حتى الأشياء التافهة والمفروغ منها يدخلونك في متاهات

=========

السلام عليكم
انا خالد من خنشلة ....استسمحكم في مشاركتي بهذا البروفايل لأنه تعذر عليا التسجيل في المنتدى باسمي الخاص فاستعنت بهذا البروفايل الذي يعود الى صديقتي...
اخي هل صحيح اشترط عليكم هم الثكنة و لم يعطوا لك الاختيار.....
لاني في هذا الاسبوع ان شاء الله اذهب اليهم و اسجل كمتطوع

انا خالد... خويا mr-jalilo
وين سجلت.. قصدي اي ناحية..هل هي الناحية الخامسة

khaoula la dentiste
*****************************

نغم اخي انا تابع للناحية الخامسة لكن لم اسجبل في فسطينة بل في عنابة انا من وﻻية سكيكدة.

يا اخي من سابع المستحيلات انك تقطن في ولاية جيجل وتريد ان تؤدي الخدمة الوطنية بتامنفوست فمن شروط اختيار الثكنة ان تكون بعيدة عن مقر سكناك ب 150 كلم اما بالنسبة لبجاية فنظرا للمشاكل التي لحقت بالمتطوعين في دفعة سبتمبر الماضية اصبحت لا تستقبل المتطوعين ومن اخري فيحق لك اختيار الثكنة التي تريد شرط ان تتماش مع الديبلوم وان تبعد عن مقر سكناك ب150 كلم وبالتالي تسطيع ان ترجع الى قسنطينة مرة اخرى وتطالبهم بالثكنة التي تريد او تنتظر بداية سبتمبر وتذهب الى مركز جيجل وتختار الثكنة التي تريد

المشاركة الأصلية كتبت بواسطة hicham43002 https://3andlib.xplainer.net/images/...s/viewpost.gif يا اخي من سابع المستحيلات انك تقطن في ولاية جيجل وتريد ان تؤدي الخدمة الوطنية بتامنفوست فمن شروط اختيار الثكنة ان تكون بعيدة عن مقر سكناك ب 150 كلم اما بالنسبة لبجاية فنظرا للمشاكل التي لحقت بالمتطوعين في دفعة سبتمبر الماضية اصبحت لا تستقبل المتطوعين ومن اخري فيحق لك اختيار الثكنة التي تريد شرط ان تتماش مع الديبلوم وان تبعد عن مقر سكناك ب150 كلم وبالتالي تسطيع ان ترجع الى قسنطينة مرة اخرى وتطالبهم بالثكنة التي تريد او تنتظر بداية سبتمبر وتذهب الى مركز جيجل وتختار الثكنة التي تريد

ماهي المشاكل التي حدثت أخي ؟

أخي المدرسة العليا للبحرية في برج البحري الجزائر العاصمة و ليس جيجل.

اخي نصيحة ارجع ليهم في وقت اخر ممكن تلقى خدامين تبدلو نفس قصة صرات للعضو هنا

شكراا لكم لنصائحكم
للاسف صباحا ذهبت الى مركز التجنيد بولايتي جيجل
للاسف قالولي روح الى قستنطينة مع العلم أنهم قالولي أرواح في بداية سبتمبر لتسجيلك كمتطوع
هو كل واحد واش يقولك ههههه تحير فالبلاد
المهم قررت ربما الاسبوع المقبل أكون في قستنطية ونروح وين جات

نفس الشيء حدث لي قالولي حنا نوجهوك
سحبت الاوراق نتاعي و الآن عندي اتصالات مع بعض الاشخاص باش يسهلولي نختار الثكنة اللي راني حابها