لمن يهمه الامر مسابقة جديدة

عنوان الموضوع : لمن يهمه الامر مسابقة جديدة
مقدم من طرف منتديات العندليب

انا من من كان لهم الحظ في دفعة مارس حمد لله خرجت باعفاء من ثكنة البرواقية وعدتكم بموضوع عن ايامي بالثكنة وها انا اوفي بوعدي : عيطولي 15 مارس انا حتى روحت 18 مارس لقيت حوالي 40 ظابط وحوالي 60 ظابط صف المهم وصلت لى 12 تغدينا وفوتنا على طبيب لعشية ولعشية عرفت بلي لي راحو قبل 18 مارس وكانو عندهم دواصة داوهم في النهار لي رحت فيه انا كونطر فيزيث في بليدة وكيما رجعو كانت جات الكوميسيو سنياتلهم الدواصة وفوتت السراجن لي عندهم دواصة وانا كان عندي دوصي وبعتوني تاني كونطر فيزيث في 23 مارس ، وبقينا هكدك واحد ملبس حتى فاتت 15 يوم باه لبسو 40 سراجن وزادو يويمن ولا ثلاثة ولبسو الظباط وهكدا وحد ا15 يوم طلقو الفائض تاع السراجن وزادو سمانة وطلقو الفائض تاع الظباط والمعفيين لي سنياتلهم الكوميسيون وحنا لي درنا شوية روطار بقينا نستناو حتى زادت جات الكوميسيون وسنياتنا الدواصة وخرجنا بعد شهر على العموم البرواقية ثكنتها قديمة شوية بصح مليحة مكفيهاش كورفيات بزااااف بالخصوص قبل ميلبسو يعني كيما تكون تسنا وةانت سيفيل ميعطوكمش كورفيات ، مع الصباح تنوض على 4 وساعات 4ونص تفطرو وترجعو تريحو لبرا وقافين تروسونبليو و2 يطلعو يسقو الغرفة ومنبعد حوالي 9 تطلعو لبلايصكم وعلى 12 تروحو تتغداو وترجعو ولعشية تتعشاو وتروسونبليو شوية المهم الاكل الفطور مليح والغداء مليح والعشاء مكان مكان برك البلاصة باردة بزاف ديرو حسابكم خاصة البرد تاع صباح كيما تنوضو بكري وعلى العموم مكانش الحقرة والاكل حسنوه بزاااف مقارنة بالسابق ، كاين الفوايي فيه قاطو ومشروبات وبعض مواد انظافة وربي يكون معاكم ان شاء الله


>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

شكرا خويا ربي يكون معاك

=========

>>>> الرد الثاني :

شكرا لك أخي الكريم على المعلومات. لأنها أنا شخصيا أغادتني و أجروا أن يستفيدوا منها بقية الأعضاء. بارك الله فيك

=========

>>>> الرد الثالث :

لا شكر على واجب ، ربي يسهل للجميع ان شاء الله .للعم فقط كنصيحة حتى وميكونش عندك دوصي ومعندكش معرفة الحل الوحيد هو تروح تتهنا منهم تصبر وخلاص هدا مكان وكل واحد ومكتوبو الجماعة لي راحو معايا وحكموه راني على اتصال معاهم وراهم لباس عليهم والفو ودرك رجعت عام برك يعني السطاج يكون حوالي اربع اشهر والله صدقوني عادية تفوت ومكانش اعمال شاقة برك شوية جري وحركات وفقط روحو تهناو منهم احسن

=========

>>>> الرد الرابع :

بارك الله فيك اخي على النصح والارشاد

=========

>>>> الرد الخامس :


=========