بشرى لأصحاب الملف الطبي (الناحية الثانية بوهران) اعلانات التوظيف
عنوان الموضوع : بشرى لأصحاب الملف الطبي (الناحية الثانية بوهران) اعلانات التوظيف
مقدم من طرف منتديات العندليب
السلام عليكم
اولا قبل كل شيء اود ان ابدء بعتاب
في موضوع سابق طلبت النصيحة من الاعضاء بشأن الفحص المضاد و لكن ولا رد
كل واحد يشوف روحو برك
المهم المعاملة مع الله
اليوم الحمد لله حصلت على الاعفاء بعد القيام بالفحص المضاد
الحالة راهي تبدلت في وهران
الادارة راهي منظمة و لي عندو حق بالفحص الطبي المضاد يقوم به ذات المكان و اذا كان له الحق في الاعفاء يحصل عليه ايضا في ذات اليوم
لكل شخص تابع للناحية الثانية بوهران ادي الدوسي و روح قوم بالفحص الطبي المضاد
انا و الجماعة كامل معايا تحصلنا على الاعفاء و الحمد لله
و عقوبة ليكم ان شاء الله
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
اولا قبل كل شيء اود ان ابدء بعتاب
في موضوع سابق طلبت النصيحة من الاعضاء بشأن الفحص المضاد و لكن ولا رد
كل واحد يشوف روحو برك
هذي هدرة تقولها اخي لا حول ولاقوة الا بالله ..... ناس هنا واحد مراه يخلص فيها ....داييين اعفاء و جايين نديرو في خير وانت تهدر هاك
نتحداك اذا طرحت سؤال في موضوعي ومجاوبتكش
=========
>>>> الرد الثاني :
يا أخي انا هدرت هاك لأني يوم أمس درت موضوع استفسر عن موضوع بشأن الفحص الطبي المضاد ولكن ولا رد
و كنت في حالة حيرة و طلبت النصيحة من الاعضاء و لكن ولا رد
و لا أقصدك انت يا اخي
لأني اعلم انه يوجد ناس الله يبارك و ساعدوني كم من مرة و عتبي على كل من قرأ موضوعي و تجاهله
و لكن هذا لا يهم و ليس هذا اصل الموضوع
و الله يسامحنا جميعا
=========
>>>> الرد الثالث :
السلام عليكم
أنا عندي ملف الكفالة
لكن لم يقبل مني لأني لم أجتز الفخص الطبي
نقدر نعاود نروح عندهم و ندي الملف
؟؟؟؟
=========
>>>> الرد الرابع :
الف مبروك اخي على كل حال ممكن توضح مرضك ومراحل و مكونات ملف طبي باش ناس تستفاد من خبرتك
=========
>>>> الرد الخامس :
لا يا اخي لا يمكن
=========
المرض: عملية جراحية على مستوى المعدة(hernie)
الملف:
1-شهادة الميلاد
2-صورة للبطاقة الوطنية
3-صورة للتأجيل
4-صورة للشهادة الدراسية
5-ورقة من عند الطبيب المختص توضح كل ما يتعلق بالمرض اضافة اني لا أقدر ان اؤدي الخدمة الوطنية
6-ورقة تشخيص الحالة من المستشفى قبل إجراء العملية
7-وبعض الاوراق حول المتباعة بعد العملية من المستشفى و من الطبيب العام (لكن هادو رجعهملي )
في حالة الاعفاء يطلبو صورتين
السلام عليكم اخي الكريم انا جاني استدعاء اول وواح فقط في شهر مارس الماضي ولم التحق ولم ياتيني اي استدعاء في شهر سبتمبر هذا هل يحق لي القيام بالفحص المضاد خاصة واني مريض بضعف حاد جدا في النظر مجموع النظر في عينيا الاثنين 6/20 3/10لليمنى ونفس الشيئ للعين اليسرى علما وانني اجريت الفحص الطبي الاولي ارجوا الافادة اخي بارك الله فيك
اخي انا من تلمسان و ذهبت لأدفع ملف طبي و كان خرج لي امر بالالتحاق
و لم يقبلو حتا باش يرفدو عليا الدوصي ممكن تشرحلي اكثر واش قلتلهم و هل خرجلك امر بالالتحاق
و من مسك عليك الملف و وين فوت الفحص المضاد ؟ لاني قالولي لازم تروح للكازيرنة نفوتو
و اذا ممكن التواصل خليلي الفايسبوك و شكرا
المشاركة الأصلية كتبت بواسطة amir-kennedy https://3andlib.xplainer.net/images/...s/viewpost.gif
اخي انا من تلمسان و ذهبت لأدفع ملف طبي و كان خرج لي امر بالالتحاق
و لم يقبلو حتا باش يرفدو عليا الدوصي ممكن تشرحلي اكثر واش قلتلهم و هل خرجلك امر بالالتحاق
و من مسك عليك الملف و وين فوت الفحص المضاد ؟ لاني قالولي لازم تروح للكازيرنة نفوتو
و اذا ممكن التواصل خليلي الفايسبوك و شكرا |
السلام عليكم
بخصوص امر الالتحاق لا لم يخرجلي
انت قولهم جيت ندير كونتر فيزيت
اي حاجة يقولولك قولهم ما وصلني والو
