أريد الالتحاق و لكن عرقلوهالي كيفاش ندير فهموني اعلان توظيف
عنوان الموضوع : أريد الالتحاق و لكن عرقلوهالي كيفاش ندير فهموني اعلان توظيف
مقدم من طرف منتديات العندليب
السلام عليكم
راني غي نجري
أنا من مواليد 1989 رسلولي أمر الاستدعاء في 09/2015 و لم أذهب ... لأسباب عائلية و مرضية
الوالدة عندها مرض مزمن + ركبها جن .. تزوجت في 2016 علجال الوالدة (أنا الابن الأكبر بعد احتي اللي تزوجت) ... شفيت أمي و لكن زوجتي كانت حامل .. ولدت زوجتي و ابنتي عمرها الآن 9 أشهر (لم أشأ الالتحاق إلا بعد كبر ابنتي قليلا)
ذهبت إلى مكتب الخدمة في غليزان قالولي أنت عاصي ... رسلوني إلى الأغواط (أين ألتحق) .. ثم رسلوني لتيارت ثم غليزان ثم المحكة العسكرية في وهران (بغاو يعطوني الريفورم .. جاتهوم في راسهم برك و ربي مكتبش قالولي الدوسي التعاك مكاش يعني مراكش عاصي و مننجمو نديرولك والو) رسلوني لتيارت مرة أخرى و هادوك بغاو يرسلوني لغيليزان لولا المناوشات اللي درتها (هادي اليوم).. لا علينا عاودو رسلوني للمحكمة العسكرية ... العفسة تاع الريفورم جات خطرة بزاف ... دروك كي نروح للمحكمة واش يسرالي وين غادي يبعثوني تاني ... قالولي للبليدة للمحكمة العسكرية العليا .. أنا جاتني مرشح (نجمة) و قالولي كي راني عاصي غادي نفوتها جندي ... كاين منها و لا لالا مع العلم كيما قتلكم عندي مبرر علاه ملتحقش ... شكون و وين ننحط التبرير التاعي و أسكو نسلك و نفوتها نورمال (يعني يقلعو بلي راني عاصي)
منتيكش ندير دوسي الكفالة لحطرش المير محبش يعطيهاني على جال بابا تزاعف هو وياه
وين ما روحت صبت روحي أنا الوحيد لي راني حاب نفوتها ... جاوني 5 خدمات عن الدولة و الله لا دراهم لا عرف و شتاهي اللي عرقلتهالي غي الإعفاء تاع الرهج ... نفوت عام خير ما نجري على الكواعط عامين
فهموني يا خاوتي لخطرش جهلوني ... الإعفاء ماهي ساهلة و أنا راني حاب نفوتها و ماهي ساهلة .. قولولي واش ندير راني رايح للمحكمة غدوة
و الله لنظريت يا خاوتي ودعت ميمتي و مرتي و بنتي 3 خطرات و راني نجري بكابتي .... راني كل يوم نبكي على الحرقة اللي داروهالي .. راني حاب نفوتها و نسلك و مخلونيش و ماهيش ساهلة بش نبعد على بنتي
راني نكتبلكم و الدمعة في عيني ... ماعندي حتى مشكل نفوتها في التل ولا فالصحرا ، نورمال و لا عاصي (النورمال راني نحوس عليها على جال ندي مرتي معايا على أساس ضابط عندي تسهيلات باش نديها معايا) الوالدة و المرة نصبر عليهم راهم كبار و يفهمو ..... المشكل تاعي راهي في بنتي هادا وين بدات تتعلق في و تعيطلي بابا و تلز لي ... مانيش خاب نشوفها دوك و لا نلعب نعاها و لا نقلبها ... يا خاوتي نتكاكاا بلي راني رايح و مخليها و الله لصعيبة بزاف بزاف بزاف
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
والله غير قطعتلي قلبي خويا
واش نقلك
نت كي تلحق لتماك للمحكمة إحكي مع قاضي اتحقيق واش قتلنا هنا
وريكلامي على روحك لتماك
لربما يديرلك كاش عفسة ويعاودو خدمولك إستدعاء وتروح تفوتها
وربما تروح للثكنة لي قادر يبعتوك ليبها ويخرجوك منها فائض مراكش عارف
+
دير ربي في بالك
وما صبرك إلا الله
=========
>>>> الرد الثاني :
في رأيي من الأفضل أن تسوي وضعيتك بالمحكمة العسكرية كي تدي ملف الكفالة و إن شاء الله من ثم يطلقوك
و ربي يسهلك خويا ونعطيك الحل الأمثل كثّر من الدعاء فالله هو القادر على كل شيء
=========
>>>> الرد الثالث :
الثكنة فيها كثير من حضوض لتخرج اعفاء اكثر من مركز التجنيد نحى عليك روشارش ف محكمة عسكرية وجد معاك ثانى ملف طبى ينفعك ف ثكنة و عقد زواج ايضا انشالله ربى يوفقك خويا
=========
>>>> الرد الرابع :
و كندير نحي الروشارش يا خويا ...؟
=========
>>>> الرد الخامس :
=========
