سؤال للناس لي مغاجيين في المعتمدية بليدة 2015 اعلان توظيف
عنوان الموضوع : سؤال للناس لي مغاجيين في المعتمدية بليدة 2015 اعلان توظيف
مقدم من طرف منتديات العندليب
خاوتي الله يحفظكم واش هو يوم الالتحاق و لي عندوا سكيب ياجوتي هنا : moh.tehricha
و اي معلومات دعمونا بيها مثل
االهاتف , المدربين ... etc
و السلام عليكم
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
ضع طلب هنا
منتدى التوظيف في النظام العمومي ، العسكري و شبه العسكري
=========
>>>> الرد الثاني :
اكي خوية راني حطية و شكرا لك ^^
=========
>>>> الرد الثالث :
ngolk 5oya fokek mn nasli t5dm f gzrnaaa aw 39lythm mchi mla7a dir kchma ma3rifa m3a wahd ryh l gzrna ta3k ana ani na3rfha b1 ETI kchma t7tage ani hna 5oya
=========
>>>> الرد الرابع :
شكرا اخويا مي انا راني نحوس على يوم الالتحاق
وو ايظا واش كاين لي ستاج الخارجيين مثلا froit , plombier .. etc
و شكرا ^^
=========
>>>> الرد الخامس :
المعتمدية مدرسة شابة مليحة ، المهم كي توصل للخروبة فاالدزاير ( محطة نقل المسافرين) اركب فالبيس انتع البليدة كي توص للبليدة اركب فالبيس لي يدو للعفرون وقولو ينزلك cft ، المهم كاش ماعندك كاش دوسي ميدكال ولا ملف كفالة اديه معاك.
=========
بالنسبة بيوم الالتحاق روح قبل 01 افريل ، لانه اداكان هناك فائض رايحيين يقفلوا عملية التجنيد ، المهم انت سقسي كاش واحد تعرفوا تم .
عندك تتوخر قبل هدا التاريخ لانه ادا توخرت رايحين يرجعوك وياجلوك الى الدفعة الجاية (سبتمبر)
انا راني حاب نعرف يوم الدخول تاع دفعة مارس و راني مسجل و نورمالموا كلش 100% ان شاء الله
سلام عليكم اخي انا كونت في cfti النعتمدية وش نقلك سوفرنس والحمد الله خرجت فائض
المهم ادي معاك اي دوس مدكال ولا كفالة عائلية المهم دوس ما تروحش بلا دوس
راها مدرسة فيها تدريب قاس شوي لازم تصبر اما الهاتف عادي مسموح المهم مايكونش فيه كاميرا
بالتوفيق ليك واي استفسار راني هنا
عندي صحاب التم قولي اسمك نوصيهم عليك
لحد الان مازال ما لقيتش اجابة لسؤالي :/
انا خصتي معلومة المهمة هي
يوم الالتحاق
و بلا يوم الالتحاق ما شكيتش راح نسحق المعلومات لوخرين :/
salamo3alikom kif halkom
anna akhoukom abdelkader mi chlef hab a3ref 3ela kazirnna ta3 ETI ou (CFTI) andi dossier medical 3ando 5ans a ce que nadih me3aa wala lala
barakalaho fikom
السلام عليكم انا كنت في cfti دفعة مارس 2012 انا رحت 15 مارس المهم ماتفوتش 1 افريل المهم ادخل فالصف وين يكونوا صحابك كون معاهم وزرطي عل الحيط ليجاي مع الطريق ولا جيهة الباركور تاني مليحة جيهة الرايا المهم زرطي بزاف باش تنسا الخدمة و الحراسة والبيكي ...... وربي يكون فلعون وكونوا رجالة مع بعضاكم هدا مكان) ( كلشي فايت يا ............... ) وربي سهل
شكرا اخي على النصيحة
و اتا راني ناوي نعغاجي يعني راح نتحمل كلش بادن الله و العفسة تاع نزارطي وين جات هدي باية و اخفض الميم تحفضك ههههههه
سلام
جانتب لوردابول لمدرسة تقنيات المعتمدية في البليدة ط ظ احتياطي ... و انشاء الله يوفقنا ربي
