الاخ صالح القسنطيني ... مافهمت والو ...!!! اعلانات التوظيف

عنوان الموضوع : الاخ صالح القسنطيني ... مافهمت والو ...!!! اعلانات التوظيف
مقدم من طرف منتديات العندليب

السلام عليكم
خويا صالح فهمني الله يجازيك
لوردابال الثالثة معها امر بالإلتحاق خرجتلي في مارس لي فات
في مكتب التجنيد قالولي لازم تخرج روشارشي باه نعطوك
رسالة التوجه الى المحكمة العسكرية
وانت راك تقول عاصي يقدر يروح للمحكمة
مافهناش يا خويا صالح
كيما انا على حساب هدرتك عندي قريب 7 اشهر وانا عاصي
ومحبوش يعطونا الرسالة الى المحكمة العسكرية
علابالك بلي مانقدرش نروح للمحكمة بلا الرسالة لي يمدها في مكتب التجنيد !!!

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

و عليكم السلام

كما يقال لكيداوك برك… ..
المحكمة تتوجه لها لما تصبح عاصيا… .
ليس امامك الا التوجه لهم مرة اخرى مع اصرارك على منحك امر التوجه او امر الاحالة

=========

>>>> الرد الثاني :

الاخ صالح القسنطيني من فضلك انا راني عاصي و رايح مور العيد نشاء الله مع دوسي طبي فهمني واش الفرق بين عاصي و روشارش و تاني سؤال زعما يستقبلوني نورمال و يمدولي البرية تاع المحكمة و لا لا ؟
و هل ندي دوسي معايا و لا نخلي حتى يمدولي البرية كي نكون رايح للمحكمة نديه ؟

=========

>>>> الرد الثالث :

عاصي ---- تعني عدم الامتثال لامر بالالتحاق
روشارش - تعني صدر في حقط مذكرة البحث بمعنى اخر لو يحكموك في باراج او في طريق او في اي مكان يشدوك و يحيلوك على المحكمة العسكرية

من المفروض اي عاصي يتم توجيهه بامر بالتوجه في ظرف مختوم تاخذه الى المحكمة العسكرية

كي تدي معاك الظرف احرص على اخذ كل وثائق الكفالة باش تدافع بيها عن نفسك و بطبيعة الحال مع التمسكين و الشكيات حتى تثبت سبب عدم امتثالك للامر

بالتوفيق لكما

=========

>>>> الرد الرابع :

المشاركة الأصلية كتبت بواسطة saberwulf044 https://3andlib.xplainer.net/images/...s/viewpost.gif عاصي ---- تعني عدم الامتثال لامر بالالتحاق روشارش - تعني صدر في حقط مذكرة البحث بمعنى اخر لو يحكموك في باراج او في طريق او في اي مكان يشدوك و يحيلوك على المحكمة العسكرية من المفروض اي عاصي يتم توجيهه بامر بالتوجه في ظرف مختوم تاخذه الى المحكمة العسكرية كي تدي معاك الظرف احرص على اخذ كل وثائق الكفالة باش تدافع بيها عن نفسك و بطبيعة الحال مع التمسكين و الشكيات حتى تثبت سبب عدم امتثالك للامر بالتوفيق لكما

بارك الله فيك اخي صابر من كلامك فهمت انو العاصي ما يشدوه في الباراجات و لا في اي مكان هكذا اخي ؟
لاني حبيت نسافر هاد الايام لي فاتو و كي عرفت من صديق ليا يخدم بوليسي و قالي اني عاصي انسومي ما حبيت نسافر و قلت نروح لي البليدة و نسوي وضعيتي لكن الخوف ديما الواحد يخمم يشدوني وما يستعرفو بالدوسي نتاعي على حسب الحكايات تاع الناس شحال من واحد فوت الخدمة وهو مريض يسما بالزهر .

=========

>>>> الرد الخامس :

المشاركة الأصلية كتبت بواسطة albatros_aek https://3andlib.xplainer.net/images/...s/viewpost.gif بارك الله فيك اخي صابر من كلامك فهمت انو العاصي ما يشدوه في الباراجات و لا في اي مكان هكذا اخي ؟ لاني حبيت نسافر هاد الايام لي فاتو و كي عرفت من صديق ليا يخدم بوليسي و قالي اني عاصي انسومي ما حبيت نسافر و قلت نروح لي البليدة و نسوي وضعيتي لكن الخوف ديما الواحد يخمم يشدوني وما يستعرفو بالدوسي نتاعي على حسب الحكايات تاع الناس شحال من واحد فوت الخدمة وهو مريض يسما بالزهر .

نعم اخي

تقدر تروح للبليدة لتسوية الوضعية و لكن الحذر لازم يعني التنقل ما يكونش في سيارة اجرة او سيارة خاصة
احسن وسيلة هي الحافلة المهم حتى ولو شدوك اسومي ماراحش يعملولك شئ الا اذا صدر في حقك مذكرة البحث
بالتوفيق لك

=========

شوف اذا قالك شرطي او دركي انك عاصي معناها اك رشارشي

لان الحكم بالعصيان يعني العاصي لي اسمو ف ريزو تاع الشرطة و الدرك صارا مبحوثا عنه

العصيان بدون نشرة التوقيف لا يعلمه الا مكتب او مركز التجنيد

العصيان مع نشرة التوقيف هو الذي يعلم به الجهات الامنية