قررت عدم الذهاب للخدمة دزو معاهم و راهي ليكم . مسابقة توظيف
عنوان الموضوع : قررت عدم الذهاب للخدمة دزو معاهم و راهي ليكم . مسابقة توظيف
مقدم من طرف منتديات العندليب
اليوم رحت لمركز الخدمة الوطنية من اجل استلام الاستدعاء حتى نروح نأدي " الخدمة الوطنية " انا قلت يسهلولي الامور بما اني متطوع , و لكن بعد طول انتظار ، رغم ان المسألة قضية دقائق فقط لاني في تمام الساعة 8:30 كنت داخل المركز ، و لكن لم يتم المناداة على اسمي الى غاية 12:30 ليقول لي الجندي انه علي تقديم وثيقة تثبت اني توقفت عن الدراسة ، بما اني كنت مسجل في الماستر سنة 2015 و عملت بيه أجيل لسنة واحدة و لكن توقفت عن الدراسة و لم اواصل و تحصلت حينها على شهادة الكفاءة المهنية للمحاماة ، .. المهم قللتلو ماتعطونيش استدعاء قالي لا . قالي ارجع في الغد ، قلتلو ، الا زدتو شفتوني.. جاي متطوع و زيد تعملولي عراقيل و بيروقراطية ياخي انا جاي متطوع معناه قررت انهاء الدراسة و دفعت دبلوم ليسانس.. و الحق اثناء الانتظار و انا قاعد نخمم درت في رايي و قلت لوكان غير ما تطوعتش ، بعد ما شفت واحد الجندي يعيط و يفرفط ، و ياكل روحو وحدو ، و تفكرت عدة امور من بينها اني دفعت ملفات شرطة ( اليوم تخرجت الدفعة لي كنت دافع معاها ) و جمارك و و و ..للاسف المعرفة ماكاش و حتى الجيش و يرفضو التعاقد ... راهي ليهم.... نكمل الخدمة في التجارة خير مالجيش تاعكم راه ليكم ..
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
كلمة و عليها لقياس راك تشوف في العراقيل لكن قلي وشمن مركز رحتلو ليوم
=========
>>>> الرد الثاني :
باب الواد خويا ..
لقيت غاشي كبير
=========
>>>> الرد الثالث :
حتى انا لقيت غاشي كبير في سطيف حبيت نطوع للحراش و كي عطيتو الملف قالي غدوا ارواح الله لا تربحم
=========
>>>> الرد الرابع :
ydazou m3ahom ga3 manrohouch
=========
>>>> الرد الخامس :
كيف كيف خويا يروحو يدزوا معاهم .. انا روحت لسعيدة قالولي ولي غدااا و كي وليت غدااا قالي لا ولي الاحد و كي وليت الاحد قالي ولي غدااا .... حلفت عليهم مايزيدوا يشوفوني ... الله يحرقهم
=========
ماتتقلوش اخوتي هذو عراقيل فكل جيهة تلقاهم
ومن الحكمة الواحد ينحيها من الطريق مرة فالعمر و يديرها صغير احسن
و بالاخص قي المدة و الراتب لضياط راهم يقولو اكثر من 12000 دج و المدة عام واحد
احسن من لي يبقى الانسان موسوس بالخدمة الوطنية
المشاركة الأصلية كتبت بواسطة faraday_dz https://3andlib.xplainer.net/images/...s/viewpost.gif
ماتتقلوش اخوتي هذو عراقيل فكل جيهة تلقاهم
ومن الحكمة الواحد ينحيها من الطريق مرة فالعمر و يديرها صغير احسن
و بالاخص قي المدة و الراتب لضياط راهم يقولو اكثر من 12000 دج و المدة عام واحد
احسن من لي يبقى الانسان موسوس بالخدمة الوطنية |
يا اخي واش مازلني صغير راه في عمري 27 سنة و داخل ل28 واش من صغير يرحم باباك... نتاجي راهم بولادهم و خدمتهم . ما يهمش الراتب .. لوكان فالصح علاش ما يخلوناش نقاجو ، هكدا الواحد يضمن المستقبل ... هوما لالا .. يدخلو غير معارفهم و اولاد الفقاقير يخلوهم للمجهول و البطالة تاكل فيهم ..
انا جاني الاستدعاء الثاني ومعاه ورقة بيضة قررت مانروحش وبعد شهر او شهرين نروح للمحكمة العسركية وندي ملف طبي وكل شيء بالمكتوب نتاع ربي ... اولادهم في الخارج يحوسو ويلعبوا بدراهم الشعب وانا نروح نعس عليه الكلاب ماتروحش وليا هزوك هما روشاش تخر ج صافي مع ربي
