سبا الجمال مجانى للحلوات وبس للعناية بالبشرة
عنوان الموضوع : سبا الجمال مجانى للحلوات وبس للعناية بالبشرة
مقدم من طرف منتديات العندليب
سبا الجمال مجانى للحلوات وبس
https://www.herhis.com/img_newslette...ete-model_.png
بسم الله نبدأ سوا ياحلواتعلشان نتخلص سوا من المشاكل اللى بتعيق اظهار جمالنا
وهنمشى على نظام سوا والاشتراك مجانى لكل الفتوكات فى سبا الجمال
اول حاجة الشعر :
كل اللى هقوله انا مجرباه شخصيا ونتيجته مضمونة باذن الله
اولا القشرة هى اكبر عدو لشعرك ليه بقا
اقولك ليه لانها بتقفل مسام الشعر فطبعا هيتساقط ومش هيطول ومش هيوصله المغذيات الطبيعيه اللى بيسحبها من الجسم
يبقى لو عندك قشرة لازم نتخلص منها اولا نشطف الشعر بخل مخفف بالماء ويفضل خل التفاح علشان بيعطى الشعر لمعان جميل
كمان نستخدم شامبو ضد القشرة
وبلاش الدهان والزيوت والنبى علشان متدمريش شعرك
ولو عايزاه مدهون وناعم ومن غير ملمس دهنى يبقى تجيبى الزيت وتخلصيه ببلسم الشعر وبعد الشامبو تدهنى منه وتغسلى جسمك وبعدين تشطفى شعرك بماء دافى فالزيت الزائد هينزل وشعرك هيبقى رطب وجميل
ثانيا تغذية الشعر:
دى بقا عن طريق الفيتامينات اللى من الصيدليه خصوصا اللى بتحتوى على حديد وزنك وكمان اهتمى بالخضروات والفواكه خصوصا الجزر الجزر الجزر والله ينور الوش ويغذى الشعر وكمان هنشرب مياه على قد ما نقدر خلى الزجاجة جنبك على طول
ثالثا بقا الكثافة والطول اتنين فى واحد:
هحط بعض الخلطات اللى استخدمتها وافادتنى كتير
1: الحنة الهندية لشعر اجمل واطول وكثيف
المكونات: مقدار من الحنة العادية
ملعقتين اكل من ( الكركم-القرفة-الجنزبيل-القهوة-الكاكاو-قشر الرمان-الخردل-جوزة الطيب المبشورة-حلبة مطحونة-عصير ليمونة)
علبة زبادى وصفار بيضة ومقدار من الماء الدافى للعجن
اعجنى الحنة وسيبيها ساعتين علشان المكونات تتفاعل
حطيها على شعرك بفرشاة الصبغة وسيبيها 6 ساعات
اشطفيها بالماء فقط وبعدين ادهنى زيت زيتون وبعد ساعة اغسليه بالشامبو والبلسم
2: خلطة زيوت سحرية فى اطالة الشعر وتكثيفه:
مكوناتها ( زيت خروع- زيت جرجير-زيت جوز هند-زيت سمسم- زيت لوز مر- زيت قرفة- املج مطحون- اربع فصوص توم مبشورين ناعم او مدقوقين)
حطى المكونات كلها على النار لحد ما يغلى الزيت وبعدين حطيهم فى زجاجة نظيفة وبعد اسبوع صفيهم وخدى الزيت واعملى مساج لفروة الراس والشعر واتركيه 4 ساعات مرتين بالاسبوع وعلى ضمانتى
3: طيب نرطب الشعر بقا:
زبادى- صفار بيض- زيت زيتون
وطبعا الفوطة المبخرة بالماء الدافى والبونية البلاستيك علشان نستفاد
ونصيحة صغيرة بلاش تعملى شعرك كحكة على طول واستبدليها بالضفيرة لانها بتطول الشعر وتخليه يتنفس وكمان مفيهاش دبابيس معدنيه تقصف الشعر
واللى عندها سؤال عن الشعر تقوله وانا تحت امرها
ونتابع بقا الجزء التانى علشان نكمل العناية من اول شعرنا لحد رجلينا
https://manager.albawaba.com/img/new...file_38b13.jpg
علشان تحصلى على رقبة بيضاء مشدودة خالية من التجاعيد
اول حاجة اقعدى وظهرك مستقيم ورقبتك مرفوعة مش مرفوعة تكبر يعنى
مرفوعة بحيث تكون مشدودة
بعدين تعمل مساج للرقبة بقشر الموز لانه بيشد البشرة ويبيضها
وبعدين نعمل ماسك للرقبة مكون من:
ماء الورد - عصير ليمون- بياض بيض - لبن بودره- ملعقة صغيرة ماء اكسجين تركيز 10%
خليهم ينشفو على الرقبة وبعدين افركيهم واشطفى بالماء الفاتر
وعلشان وشك ينور ويبقى زى القمر عندى ليكى سر رهيب
هاتى برطمان فاضى وحطى فيه اللى اقولك عليه
( لبن بودره- رز مطحون-حلبة مطحونة-ترمس مطحون-ملعقة صغيرة قرفة- ملعقة صغيره كركرم-كيس خميرة فورية- ملح حليب اليوكو)
ولما تحبى تعملى ماسك خدى الكمية المناسبة واعجنيها بالليمون وماء الورد
والله يابنات روعة وربنا شاهد عليا
كمان قبل النوم هنغسل وشنا بصابونة من اختراعى
مكوناتها:
(صابونة نابلسى مبشورة - ملعقتين كبار من ( زيت زيتون-زيت لوز حلو-زيت جنين القمح- زيت الجلسرين-زيت الخروع) واربع معالق كبار من برطمان الماسك اللى قولنا عليه- وملعقتين ملح ليمون - وملعقة كربونات الصوديوم اللى بتستخدمها لتدميس الفول -ملعقتين عسل نحل )
الطريقة :
ابشرى الصابون وحطى عليه الزيوت وعصير ليمونتين وقلبيه على نار هادية
لما يدوب حطى باقى المكونات وقلبى
هتطلع فقاعات من كربونات الصوديوم ولما تمتزج المكونات اطفى الناس
وصبيها فى قوالب مدهونة بالزيت ولما تبرد وتجمد استخدميها لوجهك وجسمك
والله اجمل من الصابون المغربى
كمان متنسيش تسنفرى وجهك مرة واحدة فقط بالاسبوع انا بستخدم كريم اصالة السنفرة وملح اليوكو وعصير الليمون
قبل النوم ادهنى وشك بالخلطة دى
( كريم غارنييه بخلاصة الليمون- كريم الليل من اولاى- كريم جليسوليد- زيت جنين القمح- زيت اللوز الحلو) اخلطيهم فى علبه نظيفة محكمة الغلق واستخدمى منها كل يوم بالليل على وشك ورقبتك
والاماكن الحساسة والاركب والاكواع والابط
وقولى باى للسمار والجفاف
وادعيلى ربنا يفرج همى عن قريب
هنتابع الموضوع وهيكون متجدد بس اريح شوية لانى تعبت يا قمرات
https://3andlib.xplainer.net/images/...6-yds6b3uo.gifhttps://3andlib.xplainer.net/images/...6-yds6b3uo.gif
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
https://up.2sw2r.com/upfiles/5W116238.gif
__________________________________________________ __________
>>>> الرد الثاني :
مشكوووووووورة
__________________________________________________ __________
>>>> الرد الثالث :
__________________________________________________ __________
>>>> الرد الرابع :
__________________________________________________ __________
>>>> الرد الخامس :
