عنوان الموضوع : كعكالنقاش حلويات جديدة
مقدم من طرف منتديات العندليب

السلام عليكم اليوم جبتلكم وصفة كعك النقاش نتمنى تجربوها
المقادير:
2 كيلات فرينة
1 كيلة سميد متوسط
نصف كيلة زبدة ذائبة
نصغ كيلة سمن
كيلة سكر قلاصي
1 خميرة القاطو
ماء ورد
الحشو:
التمر أو الغرس
جوزة الطيب مطحونة
الكبابة مطحونة
جلجلان مطحون
4 مغارف صغار ماء الزهر
4 مغارف صغار زبدة ذائبة
الطريقة:
نخلطوا مقادير العجينة الكل ونلموا العجينة بشوية ماء ورد وماء عادي ونخلوها ترتاح نروحو نحضروا الحشو فوري الغرس أو التمر نزيدولوا المطيبات اللي ذكرناهم الآن نحلوا العجينة رقيقة حوالي 1 إلى 2 سم وفالعرض حوالي 10 إلى 15 سم ندوا من الحشو ونديروا فالوسط ونلفوا العجينة مرتين ونقطعوا بالسكين نغلقوها على شكل إسوارة أو كعك ندوا النقاش وننقشوا الحبة كلها على قاع الجوانب ومن فوق يكون الشكل نتاعها جميل بزاف نطيبوها يكون لونهم وردي وبالصحة عليكم
المرة الجاية نحاول نجيب صور للحلويات العصرية شكرا لكم ممكن طريقة وضع الصور شكرا للجميع


>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

بارك الله فيك
يوجد رابط فيه كيفية ادراج صورة

__________________________________________________ __________

>>>> الرد الثاني :

سلام


ان شاء الله نجرب وصفتك حابة نديرو

شكرااااااااا

بارك الله فيك

هنا ستجدي طريقة وضع الصور
https://www.djelfa.info/vb/showthread.php?t=399732




__________________________________________________ __________

>>>> الرد الثالث :

المشاركة الأصلية كتبت بواسطة remadna
بارك الله فيك
يوجد رابط فيه كيفية ادراج صورة

السلام عليكم شكرا على مرورك أختي شكرا على الرابط

__________________________________________________ __________

>>>> الرد الرابع :

المشاركة الأصلية كتبت بواسطة أمـــــــــــــــيرة
سلام


ان شاء الله نجرب وصفتك حابة نديرو

شكرااااااااا

بارك الله فيك

هنا ستجدي طريقة وضع الصور
https://www.djelfa.info/vb/showthread.php?t=399732

السلام عليكم شكرا اختي اميرة جربيها بنين ويجي هايل مع القهوة للضياف شكرا

__________________________________________________ __________

>>>> الرد الخامس :

تسلمي عزيزتي بارك الله فيك