عنوان الموضوع : ازمة الشرف 2015 مجتمع
مقدم من طرف منتديات العندليب

اليوم قرئت موضوع لاحد الاعضاء (حروب حواء التافة) واستوقفت عند رد لاحد الاعضاء بدون دكر اسمه
قريت رد اكثر من مرة تشوكيت وتشوكيت بزاف وكي رحت نرد عليه لقيت موضوع مغلق وهدا لخلاني نكتب موضوع من خلال رده وانا نسخت لكم جزء من رده

يقول هدا العضو

فالفتاة التقية النقية العفيفة المسلمة حق.........
لا تسافر بدون محرم !!!!!!!!؟؟؟؟


stop

iهل انتي يا حواء تسافرين بدون محرم لو كنتي تسافرين بدون محرم حتى لو كان الى صيدلية لشراء الدواء فانتي غير نقية وغير شريفة وغير مسلمة

لاحظوا جيدا الفتاة النقية العفيفة المسلمة لا تسافر بدون محرم

يعني يريد ان يقول من خلال كلامه هدا ان البنت التي تسافر لوحدها ليست عفيفة ليست نقية(الكل بدون استثناء) لانه لم يقول حاشا تكلم بلغة الجمع

فكل بنت تسافر لوحدها حتى لو كان للمدرسة فهي بنظر هدا العضو غير نقية حتى لو حلفت في 70 مصحف

فقلت فبالي كي قريت رد نتاعه صافي لو كان جيت تلميدة لازم ندي بابا كل صباح للمدرسة ونستناه على 12 باه يرجعلي من المدرسة ومبعد يجبلي لدار باه نفطر ومبعد يرجعني بابا على الوحدة للمدرسة ومبعد على ساعة ثالثة

او رابعة يجي بابا يرجعني من المدرسة ...................اواه بابا هدا راح يفسد برك فالطريق لازملوا يدير خيمة قدام المدرسة

وكاين ساعات وين نخرج على العشرة فلازم يخلي كلش ويجي يديني حتى لو كان راح يفصلوه من الخدمة معليش والا في نظر هدا العضو وامثاله لن اكون نقية

بصح سؤال كي يفصلوا بابا من الخدمة ايها العضو هل تتحمل نتيجة مصروف على بيتنا ام انك شاطر برك فالهدرة

حتى الخدامة نفس الامر لازم تدي باباك صباح يوصلك ويرجعك العشية حتى لو كان كان مريض وعلى فراش الموت نوضيه باه يديك

انعدمت رحمة فالفلوب وادا مات فطريق معليش المهم مايقلش هدا العضو وامثاله انكي غير نقية


>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

السلام عليكم اختي
والله نشكرك على الموضوع صراحة لانو الرد قريتو ما نحبش نظلم لانو الواضح كلامو موجه لي ولاحظت هجومو لي عدة مرات ولو من بعيد ربي يسهل وربي وكيل كل واحد
بالنسبة للسفر بدون محرم الاكيد إنو هذا فالشرع وما ننكروش
لكن نعطيك مثال على حالتي وظروفي انا مثلا ماكانش رجال فالدار نروح للشارع نكري محرم او نروح ندي وليد عمي راجل وجون ونروح معاه في كل مكان حتى نولي هدرة لكل البيوت تظل دور مع وليد عمها زيدي سفري لتركيا الاكيد لو كان عندي مال ندي امي معايا وما نروحش وحدي لكن الله غالب وشكون ندي معايا للترك وليد عمي يا حسراه تشوفيني فالجزيرة ندور
الهدرة فالفراغ ما توكلش اللي راه فليتساع ما يهدرش على اللي راه فالضيق الهدرة ساهلة قادرين كلنا نفتو ونحلو ونحرمو واللي قادر يدير محرم على اهل بيتو يديرها ما يجيش يقفاز عليا انا حرة نسافر وحدي ووين نحب ربي عالم بظروفي والهدرة باطل والعام طويل
والله اختي هذي نتاع مش عفيفة مش شريفة ومش نقية والله يا سيدي كان انا نحب ندخل جهنم يسالوني وزيدي الجنة والنار بيد ربي قادر اللي يفتي عليا يروح لجنهم ماكانش اللي عارف
انا نقول من موضوعك كل واحد يفتي لروحو وكل شخص يدير مرايا وياحسب نفسو اولا ومن بعد يقفاز على الناس
بارك الله فيك وانا عندي قاعدة اختي نيللي ربي سبحانو بعدو يمى والباقي من إحترمني غرام نحترمو قنطار اللي ما حترمنيش البحر يشرب منو حتى ينشف وبصحتو شكرا

__________________________________________________ __________

>>>> الرد الثاني :

قال رسول الله صلى الله عليه وسلم (( لا يحل لامرأة تؤمن بالله واليوم الآخر تسافر ميسرة يوم إلا مع ذي محرم ))
هل الدهاب الى المدرسة أو العمل يعتبر سفر لم أفهمك
السفر هو الذهاب بعيد لدراسة او شيء أخر و المبيت لمدة زمنية . فمنراه في اقامات الجامعية دليل على العفيفات النقيات التقيات خخخخ
سقسي هواري مو ل لامبيلونس يقولك


__________________________________________________ __________

>>>> الرد الثالث :

المشاركة الأصلية كتبت بواسطة الأزرق الملكي
قال رسول الله صلى الله عليه وسلم (( لا يحل لامرأة تؤمن بالله واليوم الآخر تسافر ميسرة يوم إلا مع ذي محرم ))
هل الدهاب الى المدرسة أو العمل يعتبر سفر لم أفهمك
السفر هو الذهاب بعيد لدراسة او شيء أخر و المبيت لمدة زمنية . فمنراه في اقامات الجامعية دليل على العفيفات النقيات التقيات خخخخ
سقسي هواري مو ل لامبيلونس يقولك

السلام عليكم اخي الفاضل
صدق الرسول الحبيب ولا إعتراض ولا يعلى على كلامه
انا سافرت لوحدي وخارج الوطن للعلاج وبت خارج بيتي ولا املك محرم وحياتي على محك صجتي لفي تدهور برأيك ابقى بدون علاج او استأجر محرم ارجو ان تجيبني أنصحني
بالنسبة للجامعيات والله يا اخي اللي متربية متربية الحصة هذيك ذكرت واقع معاش فالجامعة وفعلا يحدث لكن ما نظلموش طالبات متدينات ونحييوهم لانهم حافظو ومازالو يحافظو على انفسهم وسط المغريات فالجامعة على هذي الهدرة على بنات الناس ما راهيش مليحة إنت قول ربي يهدينا حتى ما تديش إثمهم


__________________________________________________ __________

>>>> الرد الرابع :

لا طبعا من قال هدا الكلام
فلكل امراءة ظروف ولا يجب ان نحكم على ناس نظرة واحدة
والان الحياة العصرية تتطلب من المراءة الخروج لوحدها
اما لشرف والنقاء فلااحد منا يمكننا ان يتلكم عليه لان الشرف والنقاء كلمة كبيرة فلاانا ولا انت يحق لنا استهزاء ببنات الناس
بالنسبة للاخت المريضة فيااختي لا تستمعي لكلام ناس
لان كلام ناس لا يتوقف ابدا
انتي مريضة وان لم يكن من يدهب معاكي فادهبي وحدك ادهبي الى صين ان توافر هناك العلاج
وبالنسبة للاخ الدي قال ان البنت التي تنام في الاقامة هي غير شريفة
هاهاهاها
يااخي هل عندك اخوات ام لاء
مثلا لو البنت جاعمتها بعيدة وتخصصها بعيد هل تتوقف دراسة ؟
ام مادا فهي مظطرة للاقامة
عيب من ناس متعلمين ان تصدر منهم هدا الكلام
انا حتى لو رئيت بنت ترتكب الفاحشة امام عيني فلن اتلكم عنها بسوء او اتهمها خوفا من الله
فيانياس خافوا من الله كلنا عندنا اخوات بنات


__________________________________________________ __________

>>>> الرد الخامس :

ان لم اقصد شيء اتجاهك أختي ولا اعرف حتى أنكي سافرت
المحرم لابد . ليس لديك أعمام أخوال ابن اعمام ا قارب كل هذا لايوجد فيهم رجل
لكن لايعني الذهاب خارج البلاد وحدكي أنكي غير عفيفة حشى لله
اما الجامعيات هناك التقيات .انالااتكلم عن التي تدرس في ولايتها بل التي تسافر وتقيم في ولاية أخرى من اجل الدراسة
شكرا
اللهم لا تجعلنا من الذين ضل سعيهم في الحياة الدنيا وهم يحسبون أنهم يحسنون صنعا