عنوان الموضوع : اخير ا ابتكرت وصفة سحرية للمطلوع المطبخ الجزائري
مقدم من طرف منتديات العندليب

اخيرا اخيرا اخيرا وبعد عدة تجارب ومحاولات خرجتلكم وحد المطلوع قلت نلحقكم بيه قبل شهر رمضان
من كثرة الفرحة كي خرجلي مليح جيت نجري باش نحطلكم الطريقة
طبعا انا من بكري وانا نخدمومليح بصح كنت حابة نفنن فيه
نحتاجو سيدتي مايلي:
سميد(انا استعملت التل) كاس فرينة +ملح نشمخوهم بماء دافيء وندلك شوية
نجيب كيس بلاستيكي نبللو في ماء دافيء ونحط العجينة فيه حوالي ساعة
ندلك العجين شوية واذا كان يابس نزيد الماء
والان جا وقت الخميرة اهم خطوة:نحتاجو خميرة خبز نبلللها في شوية ماءو سكر ونضيفها للعجين وندلك مليح
ثم نضيف كيس كامل خميرة الحلوى وندخل في العجين الهواء مليح حيث نضربوه كيما البيض
نشكل كويرات صغار لازم يكونو صغار باش نتحكم في طيابهم
نخليهم يخمرو ثم نقرصهم رقاق شوية تقريبا 1سم او اكثر شوية ونغطيهم ونحطهم في فرن دافيء

اما السر في كل هذا هو الطاجيييييييييييييييييييييييييين لازم يكون من حديد
نسخنوه ملييييييييييييييح ونطيبو المطلوع عادي
والله يا اخواتي غير يجي هاااااااااااااااااااااايل واهم شيء الرشمة نتاعو روعة روعة
انا كنت نكره طاجين المطلوع الحديدي اما الان رايحة نستعملوا غير هو
وفي الاخير ندهنو المطلوعات بزت اوزبدة وبالصحة والراحة ورمضان كريم

امانة اللي تدخل تدعيلي ربي يفك ازمتي راني في حالة يرثى لها

جربوه وردولي لخبر والان نروح نشوف شربة الفريك اللي راني نحضر فيها ضفت اشياء عجيبة غريبة وناوية نبتكر وصفة لذيذة اذا صلحتلي نحطهالكم


>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

مشكوووووووووووووووووووووووووووووووووووووووووورة حنونة علي التعب نتاعك وانشاله نجربوه

__________________________________________________ __________

>>>> الرد الثاني :

المشاركة الأصلية كتبت بواسطة ام اجياد
مشكوووووووووووووووووووووووووووووووووووووووووورة حنونة علي التعب نتاعك وانشاله نجربوه

مشكورة اختي على الرد والله تقولي حسيتي بيا راني مازلت سخونة من الطاجين

__________________________________________________ __________

>>>> الرد الثالث :

الله يفرج عليك

حبيت نسقسيك الطاجين كيفاش تحطي النار انا عندي بصح يحرقلي الكسرة وادا نقصتلو ماطيبليش مليح وزعمى شريتو تاع لافونت

__________________________________________________ __________

>>>> الرد الرابع :



__________________________________________________ __________

>>>> الرد الخامس :

بارك الله فيك يا الشاطرة وفرج الله كربتك وازاح همك بحلول هذا الشهر الفضيل ااااااااااااامين يارب
ننتظر ابداعاتك الجديدة