عنوان الموضوع : ازر في الفرن ......هايل من مطبخي
مقدم من طرف منتديات العندليب

السلام عليكم

هادا طبق خفيف و غير مكلف يتماشى مع كل انواع المشاوي وجبة في حد ذاتو ........
المقادير والطريقة ان شاء الله :
هنا استعملت ارز لابال المفور وموالفا نديرو بالارز بسمتي حتى هو يجي يهبل ...
حطيت كمية من الزيت مقدار 2 م ك + 1 بصلة رابي + 2 سنت ثوم رابي + ملح +فلفل اسود و 1 م ك curry ( التوابل الهندية )
قليت مليح وظفت حبة طماطم رابي + 1 جزرة مقطعة مكعبات صغار + كمشة جلبانة .... وغسلت مقدار بول نتاع روز وظفتو للخليط ..... مرقت ب1 لتر من الماء و ظفت 1 ورقة رند و غصن زعيترة و 1 مربع جمبو دوق دجاج +غصن كرافس ......
حركت كلشي وخليتو غلا غلية وحدة وطفيت
فرغت هاد الخليط في مول يروح للفرن كيما في الصورة
ودرتو يطيب حتى نشفت كامل لا صوص
و انا في الحقيقة طيبتو في الميكرو اوند puissance 7
- 30 دقيقة







جربوه رايح يعجبكم بزاف ان شاء الله
بارك الله فيكم


>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

يعطيك الصحة اختي


__________________________________________________ __________

>>>> الرد الثاني :



__________________________________________________ __________

>>>> الرد الثالث :

كل شيء من عندك رااااائع

__________________________________________________ __________

>>>> الرد الرابع :

المشاركة الأصلية كتبت بواسطة idron0
يعطيك الصحة اختي

الله يسلمك حبيبتي

__________________________________________________ __________

>>>> الرد الخامس :

المشاركة الأصلية كتبت بواسطة madie

الله يسلمك حبيبتي
شكرا