عنوان الموضوع : عاجل رأيكم يهمني اعلانات التوظيف
مقدم من طرف منتديات العندليب

السلام عليكم ارجو منكم المساعدة أنا طالبة سنة ثانية طب اسنان تحصلت على البكالوريا ب 15.29عام 2016 كنت راغبة في الطب و تم توجيهي الى طب الاسنان الحمد لله و الآن جاءني خبر أنني أستطيع التحويل إلى الطب انا جد حائرة أرجو أن تساعدوني علما أن معدلي لم يلحقني لدراسة الطب العام الماضي


>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

اخطيك من الطب

=========


>>>> الرد الثاني :

شكرا أخي و لكن لماذا؟؟

=========


>>>> الرد الثالث :

عدد الاطباء في الجزائر بزااااااااااااف الطب المليح هو الجرااااااح وباش يعطوهلك صعيب

=========


>>>> الرد الرابع :

شكرا جزاك الله خيرا

=========


>>>> الرد الخامس :

يا اختي انا من رايي كيما الاخي الي تفضل ماديريش طب حنيا عندنا بزاف الي يقراو طب ومن بعد ما يخدمو ماوالو اصلا مايطواهم قيمة في الجزائر مع انو قرا سبع سنين وإذا طاولك قيمة لا زم تكوني درتي التخصص وشكون الي يمدولو التخصص بعد عناء طويل ولازم تكوني من الممتازين الي يخيرو منه
انت راكي في طب الاسنان بقاولك 5 سنين وتكملي ومن بعد تلاقاي خمة إن شاء الله ولا تفتحي كابيني وربي معاك انا هذا رايي وانت شوفي واش راكي حابة موفقة بإذن الله


=========


كي نهدروا على الضمير كلنا عارفين بلي المعدل انتاعك مش ماهلك للطب العام بلا زعاف نهدروا صراحة وثانيا مدام راكي دونتيست الدنيا وما فيها وانا عندي هي خيرمن الطب والصيدلة هذا راي شخصي مشي لافيريتي جينيرال انشالله واحد مايزعف مني


اختي ديري انتي واش حابة لي تشوفي روجك مرتاحة فيها و الطب مليح بزاف

لكن كيف تستطيعين التحويل معدل العام الماضي كان 15.49 و انت لديك باك 2012 أرجو أن تشرحي لنا

شكرا ربي يجازيكم

المشاركة الأصلية كتبت بواسطة hakim94
لكن كيف تستطيعين التحويل معدل العام الماضي كان 15.49 و انت لديك باك 2012 أرجو أن تشرحي لنا

كنت حابة نتحول العام الماضي لكن قالولي غير ممكن معدلك ميلحقش هاذ العام معدلات القبول كانت جد منخفضة قالولي تستطيعي التحويل يدخل فيها شوية عرف صراحة
أنا راه عاجبني تخصص جراحة الأسنان يعني لقيتو يناسبني لذا مانيش حابة روح للطب ونضيع عام و أيضا قالولي ناس كي نكمل 7 سنوات منديش ديبلوم لأن معدلي ميتناسبش مع معدل القبول للطب في 2012
قررت أن اكمل في تخصصي جراحة الأسنان لانه تخصص مليح فيه خدمة و نسبة نجاحي فيه أنا متأكدة تكون أكثر من الطب
ربي يجازيكم ويوفقنا جميعا شكرا

المشاركة الأصلية كتبت بواسطة sehamralin
كي نهدروا على الضمير كلنا عارفين بلي المعدل انتاعك مش ماهلك للطب العام بلا زعاف نهدروا صراحة وثانيا مدام راكي دونتيست الدنيا وما فيها وانا عندي هي خيرمن الطب والصيدلة هذا راي شخصي مشي لافيريتي جينيرال انشالله واحد مايزعف مني

شكرا أختي حتى أنا الان منيش مرتاحة للطب

المشاركة الأصلية كتبت بواسطة mmeg
كنت حابة نتحول العام الماضي لكن قالولي غير ممكن معدلك ميلحقش هاذ العام معدلات القبول كانت جد منخفضة قالولي تستطيعي التحويل يدخل فيها شوية عرف صراحة
أنا راه عاجبني تخصص جراحة الأسنان يعني لقيتو يناسبني لذا مانيش حابة روح للطب ونضيع عام و أيضا قالولي ناس كي نكمل 7 سنوات منديش ديبلوم لأن معدلي ميتناسبش مع معدل القبول للطب في 2012
قررت أن اكمل في تخصصي جراحة الأسنان لانه تخصص مليح فيه خدمة و نسبة نجاحي فيه أنا متأكدة تكون أكثر من الطب
ربي يجازيكم ويوفقنا جميعا شكرا

بالتوفيق أختي يعني أنا هاد العام ربحت الباك و معدلي يؤهلني لأختار الطب لكن لو كنت مختارا لاخترت طب الأسنان و الله تخصص جد رائع موفقة

شكرا أخي ربي يوفقكم